Kiin1 20:31 - LAWA A BOO SONBORE

³¹ Bɛn-Adaadi a dí-nyalin nə́ pɛ nɛ mà ǹsɛn nə́ ma minin lɛ-n, mà Izirayeli gána a kiin lɛn tá min makara doɛ̃. Mà ǹsɛn man die gɛ̀ koa ǹ mɔnaa yii ǹ bɔsɔ-n, ǹsɛn nə biɛn da ǹ mìi ni, ǹsɛn nə soo, ǹ wo Izirayeli a kii lɛ yaa. Mà kɔntan, mà á die n yii toɛ koo.

LAWA A BOO SONBORE 2011

³¹ Bɛn-Adaadi a dí-nyalin nə́ pɛ nɛ mà ǹsɛn nə́ ma minin lɛ-n, mà Izirayeli gána a kiin lɛn tá min makara doɛ̃. Mà ǹsɛn man die gɛ̀ koa ǹ mɔnaa yii ǹ bɔsɔ-n, ǹsɛn nə biɛn da ǹ mìi ni, ǹsɛn nə soo, ǹ wo Izirayeli a kii lɛ yaa. Mà kɔntan, mà á die n yii toɛ koo.

Kiin1 20:31 ပူးပေါင်းရင်းမြစ်များ

Siin Giala 37:34

Zakɔba ná a din a wɔ ǹ mɔnaa kũ á toɛ̃, á gɛ̀ koa ǹ mànan wɔ a din ganaa, a ná a nɛgiĩ lɛ a gɛ̀ wuu pɛ, lɛawaa damata gɔ́ɔ̃ nɛ.

Samayeli2 14:2

Á tɔ́n minin dia woe giɛ Tekoa kiwi a lɔ sii-dɔ̃li kɛ li. Lɔ lɛ bɛ́ á daa, á pɛ nɛ: «Bǐɛ̃ kɔ, n nə n din baa ká gɛ̀ na á gã n la, n gɛ̀ koa ǹ mɔnaan wɔ. N baran nyɔɔ giĩ kɔɔ̃n lɔ n din ganaa wa. N din baa ka lɔ mɛn nə́ ke min a gɛ̀ wuu pii haalɛ bibi.

Samayeli2 3:31

Davida pɛ Zoabu laanka Zoabu a tá-kun wolen lɛn tumaa nɛ: «Ka kaa mɔnaan tɔtoɛ̃, ka gɛ̀ koa ǹ mɔnaan wɔ, ka mɛ Abnɛɛrɛ gere nyɛɛnɛ, ka a gɛ̀ wuu pɛ.» Kii Davida din na á goã tɔ we gere lɛ kio.

Kiin1 20:23

Siirii gána a kii a dí-nyalin nə́ pɛ nɛ: «Izirayeli nɛnyaanan lawa lɛ n kele bǎã wɔ lɛa, bɛ lɛ na á toa ǹ nə́ boo wɔ la. Sɛnɛ, bɛ̀ wɔ́ zia da ǹ ganaa nyankɔrɔ lɛ nɛ, wɔ n boe ǹ la a giala yii li.

Kiin1 20:32

Ǹ nə́ tɔ́n gɛ̀ koa ǹ mɔnaan lɛn yii ǹ bɔsɔ-n, ǹ nə́ biɛn da ǹ mìi ni, ǹ nə́ woo dɔ Izirayeli gána a kii lɛ li, ǹ nə́ pɛ nɛ: «N dí-nyali Bɛn-Adaadi na á pɛ, mà asɛ nə n nyín nyankoe!» Akaabu nə́ n toa mà a yii á tɔn koo? Ma asɛ dɔɔ̃n nɛ dɔn!

Kiin2 5:13

Sɛnɛ Naaman a dí-nyalin nə́ n zɔ̃, ǹ nə́ dɔ, ǹ nə́ n toa a ganaa kɛnɛn: «Díi, bɛ̀ Lawa a boo gii-dali lɛ na á pɛ n nɛ mà n sii zɛnaa sii mɛn nə́ ke a zɛnaa n kaka, a bɛ́ maa bɛ̀ n ba bɛ zɛnɛɛ wa? Sanparɛ a bɛ́ mà n nə n zoo kooro mà n tá re yoreen koe.»

Kiin2 7:4

Bɛ̀ wɔ́ pɛ, mà wɔ wo kiwi gɔ́ɔ̃ nɛ, bòo lɛ bɛ́ a nɛ, wɔ n die giɛ̃ walan. Bɛ̀ wɔ́ golee kànaa dɔ nɛ, a din gɛ̀ lɛ nɛ. Ka daa wɔ kiɛ̃ wɔ wo Siirii minin giã ǹ bǎã nɛ, bɛ̀ ǹ nə́ wɔ yii toa koo, wɔ goã le, bɛ̀ ǹ nə́ wɔ dɛ, wɔ gã le!»

Zɔbu 2:4

Zɔ́ɔ tɔ́n pɛ Dɛnaa Lawa nɛ: «Didie n giɛ a din nyin li bɔrɔ. Minbuiin nɛ á boe la a n gɔn màn tumaa kɔ, a ga a din nyin li ni.

Loen 69:11

Má wuu pɛ, má n lɛ sɔɔ, bɛ lɛ dɔ a lɛa, ǹ nə́ sɔ kaa ma la.

Suusun 20:28

Sonborebaa laanka bɔlɔgoondɛnaabaa n kii tamɛɛ. Sonborebaa na a kiibaa gòã we tán.

Izayii 16:5

Bɛ kio, kii pàã á re gole koe a bǐɛ̃baa taman yii. Bɛa kii bɔlɔgoondɛnaa kɛ lɛ Davida tɔrɔ lɛa, á re gána lɛ nyɛɛnaan boe ka peperebaa nɛ. A n die goɛ̃ kiri-wɔle lɛa, a n koe dí-pɛn lɛ, a nə́ n yiri koɛ peperebaa li.

Izayii 22:12

Bɛa pinaa kɛ nɛ, Dɛnaa Lawa Pàãyiidɛnaa na á goã li mà ka wuu pɛ, ka n lɛ dɛ, ka n mìi kɔɔ̃, ka gɛ̀ koa ǹ mɔnaan wɔ.

Izayii 37:1

Kii Ezekiasi bɛa boon kɛn ma lɔn, a ná a mɔnaan tɔtoɛ̃, á gɛ̀ koa ǹ mɔnaan wɔ, á kiɛ̃ á wɔ Dɛnaa Lawa a kion.

Matiə 10:28

Min mɛnɛn bɛ́ boe la ǹ gɔ̀nɔn siĩ dɛ, ǹ nə́ ǹ ba boe la ǹ telenboen dɛ wa, ka baran nyɛ́ɛ baa bɛn man wa. Lawa mɛn bɛ́ boe la a gɔ̀nɔn siĩ laanka telenboen din tumaa naa kɔn-a a ǹ kaa bɔ̀nbaa ǹ tɛ gole ne, ka nyɛ́ɛ baa bɛ nɛ.

Sii-nyaan 11:3

Bɛa biikoo li ma á re a Siére màn paa diɛ, ǹ wɔ ǹ mɔnaan yii n kokoro ka boroo bɛ́ lɔn, ǹ da Lawa a boo gii da yǎa lɛawaa duu goon biɛpaa ka pɔsɔrɔ (1 260) kɛ lɛ piɛ̃.»