Kiin1 20:29 - LAWA A BOO SONBORE

²⁹ Ǹ nə́ golee ǹ nə́ n yɔrɔ da kɔn la lɛawaa sɔbaa gɔ́ɔ̃ nɛ. A sɔbaabaa ǹ wɔ, zia lɛ nə n giala kɔ. Izirayeli minin lɛn nə́ Siirii minin lɛn min duu paabiɛ (100 000) dɛ wasa zii goon gɔ́ɔ̃ nɛ.

LAWA A BOO SONBORE 2011

²⁹ Ǹ nə́ golee ǹ nə́ n yɔrɔ da kɔn la lɛawaa sɔbaa gɔ́ɔ̃ nɛ. A sɔbaabaa ǹ wɔ, zia lɛ nə n giala kɔ. Izirayeli minin lɛn nə́ Siirii minin lɛn min duu paabiɛ (100 000) dɛ wasa zii goon gɔ́ɔ̃ nɛ.

Kiin1 20:29 ပူးပေါင်းရင်းမြစ်များ

Siin Giala 25:20

Izaaki a yɛ lɛ̀ pusi, á Rebeka saa lɔ lɛa. Rebeka n Laban ǹ miãnɛn lɛa, Betoeli mɛn bɛ́ Aramu min lɛa boe Mezopotamii gána nɛ, bɛa nɛlɔ nɛ.

Samayeli2 10:18

Sɛnɛ, ǹ nə́ baa si Izirayeli minin lɛn nyɛɛnɛ. Davida Siirii minin lɛn ziabaa ǹ wotoron dabaali biɛsɔbaa (700) dɛ, ka sùi-dabaali duu pusi (40 000) ni. Sobaki mɛn bɛ́ Siirii a zia-baalin lɛn gole dɛnaa lɛa, á bɛ dɛ, á gã a din bǎã nɛ.

Kiin1 20:28

Lawa a boo gii-dali lɛ nə́ n zɔ̃ á dɔ, á boo da ka Izirayeli gána a kii lɛ nɛ, á pɛ: «Á ke, Dɛnaa Lawa n kɛ pii: Siirii minin bɛ́ ǹ nə́ pɛ, mà Dɛnaa Lawa n kele bǎãn lawa lɛa, mà a ba nyankɔrɔ lɛ wɔ lɛa wa, bɛ lɛ nɛ, ma á re bɛa zaman damata kɛ lɛ we n gɔn, n din laanka n minin tá re doɛ̃, mà masɛ n Dɛnaa Lawa lɛa.»

Kiin1 20:30

Ǹ min mɛnɛn yii goã koo, bɛn nə́ baa si ǹ nə́ kaa Afɛki kiwi. Maǹ nə́ goã min duu fuəwensɔbaa (27 000). Sɛnɛ kungɔn kaa bɛn lɛn dɔn la walan. Bɛn-Adaadi sɛ na á goã á baa si, á woo n duru, kion gialaan nɛ, kiwi lɛ nɛ.

Kiin2 13:17

Á tɔ́n pɛ: «Fenɛtərə ke dia-n lɛ̀ giala li, bɛ bũ!» Zoasi fenɛtərə lɛ bũ. Yiliizee tɔ́n pɛ nɛ: «Kiɛ lɛ zũ!» A dɔ́ kiɛ lɛ zũ. Yiliizee nə́ n toa: «Dɛnaa Lawa a min bɔ sii ni ǹ kiɛ nɛ. Boo Siirii minin la ǹ kiɛ nɛ. N tá re Siirii minin lɛn dii Afɛki kiwi, n nə ǹ nya.»

Kiin2 13:25

Azayeli a nɛgiĩ Bɛn-Adaadi goã á kiwin mɛnɛn si Zoaasi ǹ di Zoakazi la, a nɛgiĩ Zoasi lɛ wusoo á bɛn si Azayeli a nɛgiĩ Bɛn-Adaadi la. Zoasi na á zia da Bɛn-Adaadi ganaa á boo la gunyin sɔɔ, á wusoo á Izirayeli gána a kiwin lɛn si.

KZS2 13:17

Abiya laanka a minin nə́ bɔ̀n gole da Izirayeli sɔraasin ganaa parsiini. Ǹ nə́ sɔraasi kaka duu biɛsooro (500 000) dɛ.

KZS2 28:6

Lɛawaa goon gɔ́ɔ̃ nɛ, Remalia a nɛgiĩ Pekaa Zudaa sɔraasi duu paabiɛ ka fuə (120 000) dɛ, ǹ tumaa n sɔraasi foo kaka-a lɛa. Bɛ na á yɔrɔ yɛ miɛ̃, a giala maǹ nə́ n la bɔ Dɛnaa Lawa, ǹ digolon Lawa ganaa.

Loen 10:16

Dɛnaa Lawa n kii lɛa yǎa duduu. Á Lawa doɛ̃baã wolen loo á ǹ bɔ a gána nɛ.

Izayii 37:36

Dɛnaa Lawa a lon a dia dí-a wole soo, á min duu paabiɛ ka pɔkiwisi ka sooro (185 000) dɛ Asiirii minin giã ǹ bǎã nɛ. A lɛawaa baayɛlɛ, sɔraasin lɛn nə́ yoo. Á ke, bɛ̀ geren nə́ ke tán bǎã yii ni.

Zozoe 6:15

A lɛawaa sɔbaabaa ǹ wɔ pinaa, ǹ nə́ yoo baayɛlɛ yiisoone, bɛ̀ wɔlɔ á ke die fúli, ǹ nə́ kiwi lɛ lɛnpɛnɛ gunyin sɔbaa, á kɔnpɛ ka a zɛnaa ǹ gɔn nɛ. Bɛa pinaa kɛ lɛ dinsɔɔ̃ nɛ, ǹ nə́ kiwi lɛ lɛnpɛnɛ gunyin sɔbaa.

Samayeli1 17:16

Filisiti min lɛ na á goã giɛ Izirayeli minin lɛn lɛ li miɛ̃ baayɛlɛ laanka wasamiɛ̃n nɛ, yǎa lɛawaa pusi.