Kiin1 2:33 - LAWA A BOO SONBORE

³³ Bɛn gɛ̀ dɔlɔ tá re goɛ̃ Zoabu laanka a tɔrɔn mìi ni duduu. Sɛnɛ, Dɛnaa Lawa tá re yii-nyɛɛ koe Davida la, a tɔrɔn nɛ, a kion minin ni, ka min mɛnɛn bɛ re kii biɛ a kio, yǎa duduu.»

LAWA A BOO SONBORE 2011

³³ Bɛn gɛ̀ dɔlɔ tá re goɛ̃ Zoabu laanka a tɔrɔn mìi ni duduu. Sɛnɛ, Dɛnaa Lawa tá re yii-nyɛɛ koe Davida la, a tɔrɔn nɛ, a kion minin ni, ka min mɛnɛn bɛ re kii biɛ a kio, yǎa duduu.»

Kiin1 2:33 ပူးပေါင်းရင်းမြစ်များ

Siin Giala 42:22

Urubɛn tɔ́n pɛ ǹ nɛ: «Táa má pɛ ka-n lɛlɛ lɛn máa ka baran sii la nɛ lɛ la wa! Ka bɛ́ ka n too kɔ ma lon wa, Lawa n bɛ lɛ a gɛ̀ dòo boe wɔ ganaa pelo.»

Samayeli2 14:9

Tekoan lɔ lɛ wusoo á pɛ kii ni: «Maa dɛnaagiĩ kii ganaa, sii kɛ lɛ a dɔlɔ die a ma din laanka ma dikion minin kũ. Zɛ̀rɛ ba kii-a a kiibaa kɛ gɔ́ɔ̃-n wa.»

Kiin1 2:32

Zoabu gɛ̀ mɛn dɛ, Dɛnaa Lawa n die bɛa dɔlɔ diɛ a mìi ni. A giala, a na á min paa dɛ, ǹ mɛnɛn nə́ ke pepere ǹ nə́ la nɛ, ǹ nə́ soɛ-n dɔn. A na á ǹ dɛ, ma di Davida ná a bɔ a siére-a wa. Bɛa min paa lɛ n ka Nɛɛrɛ a nɛgiĩ Abnɛɛrɛ nɛ, Izirayeli gána a sɔraasin goledɛnaa lɛa, ka Yetɛɛrɛ a nɛgiĩ Amasaa nɛ, Zudaa gána a sɔraasin goledɛnaa lɛa.

Kiin1 2:44

Bɛ kio, kii lɛ pɛ Simeyii ni: «N sii baraa mɛn tumaa zɛnaa ma di Davida nɛ, n din tá bɛ doɛ̃ n foo ne. Dɛnaa Lawa n die dɔlɔ boe n ganaa n baraabaa lɛ taman yii.

Kiin1 8:32

n toa lon, n nə n too kɔ-a n nə n dí-nyalin lɛn waa kɔn. Min mɛn zɛ̀rɛ bɛ́ nɛ, n dɔlɔ da bɛa dɛnaa lɛ mìi ni a zɛ̀rɛ lɛa saraa lɛa. Zɛ̀rɛ bɛ́ a ba min mɛn ganaa wa, n sonbore pɛ n da bɛ lon, min tumaa dɔ̃ mà sonbore tá a lon.

Kiin2 5:27

Sɛnɛ, Naaman a gɔ̀nɔn ki busu babaraa lɛ n die n din kuĩ denden n laanka n tɔrɔn nɛ, yǎa miɛ̃ duduu.» Bɛ kio, Geazi kiɛ̃ á n bɔ Yiliizee li. Geazi goã gɔ̀nɔn ki busu babaraa dɛnaa lɛa, á kũ á fu kɔ ka koara nɛ.

KZS1 17:27

Kanna kəni, barka da n dí-nyali a kion lɛ ganaa, a goã n yɔrɔ-a duduu. A giala nsɛ Dɛnaa Lawa, bɛ̀ ń barka da màn mɛn ganaa, barka goɛ̃ bɛ nɛ yǎa duduu.»

Loen 101:8

Baraabaraa, baayɛlɛ, ma á re barka boe min baraan kɛn nɛ, gána lɛ gɔ́ɔ̃ nɛ. Ma á re baraa-zɛnaalin kɛn soe, ma ǹ bɔ Dɛnaa Lawa a kiwi kɛ nɛ.

Loen 132:12

Bɛ̀ n nɛnyaanan nə́ lɛ kɔ kɔn la ǹ boo kɛ tamaa, ka dí-pɛn kɛn nɛ, ma tá ǹ darɛɛ a ganaa, ǹ dɔn nɛnyaanan tá re giɛ̃ n bǎã nɛ, ǹ kii baa yǎa duduu.

Loen 21:4

N din nə́ n da lɛ ka bǐɛ̃ sonboren ne. N din nə ń kiibaa ǹ bafolo wɔ a mìi-a, sana lɛa.

Loen 89:29

Maa kɔn-narɛɛ gole kɛ n die goɛ̃ a wɔ lɛa yǎa duduu, maa lɛ kɔ kɔn la lɛ dɔ n die goɛ̃ kɔn ka a din ni.

Suusun 25:5

Min baraa loo n bɔ kii a sumu, a kiibaa lɛ gòã á re we tán ka peperebaa nɛ.

Ezekieli 17:19

«Bɛ lɛ na á toa masɛ Dɛnaa Lawa gole á kɛ pii: A ma toa maa yiikoonaabaa kɛ gɔ́ɔ̃ nɛ, liɛ mɛn nə n wɔ ka bɔlɔgoondɛnaabaa nɛ, a sàn mɛn kɔ ka bɛa liɛ lɛ nɛ, a lɛ kɔ kɔn la mɛn ziziɛ̃, ma á re bɛa dɔlɔ diɛ a mìi ni.

Minin nimi 32:23

Sɛnɛ, bɛ̀ ka zɛnaa miɛ̃ wa, ka n sii liɛ Dɛnaa Lawa la. Ka dɔ̃ sɛn, mà kaa sii baraa lɛ tá ka kio.

Matiə 27:25

Zaman lɛ tumaa tɔ́n pɛ: «A gɛ̀ lɛ a koen nə goã wɔsɛn dinin laanka wɔa nɛnyaanan mìi ni!»

Luku 2:14

«Lon màn tumaa Lawa guguru kɔ! A na a là nyantoro koe kanaa minin la, a giala, a tá ǹ narɛ.»

Nya ǹ dín 18:6

Zuifun lɛn bɛ́ n piɛ̃, ǹ nə́ sɔ koe, Pooli nə́ n gɔn pii á bɔ ǹ sii ni. Á pɛ ǹ nɛ: «A n kuĩ ka dinin mìi ni, màn kɔ́n ba boe masɛ li doo wa. Sisia kəni, masɛ n die n yɔrɔ diɛ tɔrɔ kɔsɔn la.»

Sii yɔrɔ-bɔlen 9:24

Sonbore ne, a sii babaraa mɛn zɛnaa Yerubaali a nɛgiĩ pɔsɔbaa kɛ nɛ, yǎa bɛa gɛ̀-dòo nə n boe a ganaa. Ǹ mìi gɔ́ɔ̃ ǹ sii n doe ǹ dɔɔ̃n Abimelɛki lɛ din ganaa, asɛ mɛn bɛ́ á ǹ dɛ. Ǹ mìi gɔ́ɔ̃ ǹ sii n doe Sisɛmu kiwidɛnan lɛn dɔn ganaa, ǹsɛn mɛnɛn bɛ́ ǹ nə́ n dɔ Abimelɛki lɛ, á ǹ dɔɔ̃nɔn lɛn dɛ.