Kiin1 2:32 - LAWA A BOO SONBORE

³² Zoabu gɛ̀ mɛn dɛ, Dɛnaa Lawa n die bɛa dɔlɔ diɛ a mìi ni. A giala, a na á min paa dɛ, ǹ mɛnɛn nə́ ke pepere ǹ nə́ la nɛ, ǹ nə́ soɛ-n dɔn. A na á ǹ dɛ, ma di Davida ná a bɔ a siére-a wa. Bɛa min paa lɛ n ka Nɛɛrɛ a nɛgiĩ Abnɛɛrɛ nɛ, Izirayeli gána a sɔraasin goledɛnaa lɛa, ka Yetɛɛrɛ a nɛgiĩ Amasaa nɛ, Zudaa gána a sɔraasin goledɛnaa lɛa.

LAWA A BOO SONBORE 2011

³² Zoabu gɛ̀ mɛn dɛ, Dɛnaa Lawa n die bɛa dɔlɔ diɛ a mìi ni. A giala, a na á min paa dɛ, ǹ mɛnɛn nə́ ke pepere ǹ nə́ la nɛ, ǹ nə́ soɛ-n dɔn. A na á ǹ dɛ, ma di Davida ná a bɔ a siére-a wa. Bɛa min paa lɛ n ka Nɛɛrɛ a nɛgiĩ Abnɛɛrɛ nɛ, Izirayeli gána a sɔraasin goledɛnaa lɛa, ka Yetɛɛrɛ a nɛgiĩ Amasaa nɛ, Zudaa gána a sɔraasin goledɛnaa lɛa.

Kiin1 2:32 ပူးပေါင်းရင်းမြစ်များ

Siin Giala 4:11

A kũ sisia ganaa, n diɛ̃ kɛ lɛ ń dɛ, tán mɛn nə n lɛ bũ a ná a mà mi, masɛ n lɛn pipiã bíi n li bɛa tán lɛ la.

Siin Giala 42:22

Urubɛn tɔ́n pɛ ǹ nɛ: «Táa má pɛ ka-n lɛlɛ lɛn máa ka baran sii la nɛ lɛ la wa! Ka bɛ́ ka n too kɔ ma lon wa, Lawa n bɛ lɛ a gɛ̀ dòo boe wɔ ganaa pelo.»

Siin Giala 9:6

Bɛ̀ min min nyin bɔ, min kɔsɔ á die bɛa dɛnaa dɔ nyin boe. A giala, Lawa na á minbuiin nɛ zɛnaa a din a kɔnboe lɛa.

Samayeli2 1:16

Ǹ bɛ́ dii, Davida na á goã pii ni: – N gɛ̀ lɛ a koen nə goã n din mìi ni. A giala, n din lɛ na á n da sii ni. A na á pɛ kɛnɛn: «Dɛnaa Lawa kii mɛn bɔ á koa, ma din ni má dɛ.»

Samayeli2 17:25

Abusalɔn na á goã á Amasaa da zia-baalin lɛn mìi la, Zoabu bǎã nɛ. Amasaa na á goã Izirayeli tɔrɔ Yiitra a nɛgiĩ lɛa, Yiitra mɛn goã kun ka Naasi a nɛlɔ Abigaali ni. Abigaali lɛ dɔɔ̃nlɔ n ka Zoabu ǹ dan Seruzaa nɛ.

Samayeli2 3:29

A gɛ̀ lɛ a koen nə kũ Zoabu din laanka a kion minin tumaa mìi ni. Giulun a nyiǹ bɔ ǹ busudɛnan laanka gɔ̀nɔn ki busu babaraa dɛnan baran nya Zoabu a kion duduu wa. Giĩn die ǹ yɛ a kion biikoo tumaa li, ǹ nə́ boe lɔn dí dinsɔɔ̃ la. Minin die ǹ yɛ a kion biikoo tumaa li, ǹ nə́ bɛn dii zia la, kɛn nə́ foɛ̃ màn-bii li.»

Samayeli2 3:37

Bɛa pinaa kɛ lɛ nɛ, zaman lɛ tumaa laanka Izirayeli min tumaa dɔ̃ mà Davida gɔn ba Nɛɛrɛ a nɛgiĩ Abnɛɛrɛ a gɛ̀ sii lɛ-n wa.

Samayeli2 3:39

A laanɛ ká masɛ bɔ ká ma koa kii lɛa, ma pàã á tɔn kiɛɛrɛ. Minin kɛn, Seruzaa a nɛgiĩn kɛn lɛn, ǹ pàã á gole á la maa wɔ nɛ. Dɛnaa Lawa die a min baraa saraa a kɔnpɛ ka a baraabaa nɛ.»

Samayeli2 4:11

Má bɛ din dɛ, sanparɛ, bɛ̀ min baraan nə́ woo kaa min pepere li a kion, ǹ nə́ dɛ a waa ǹ piì la! Ka gɛ̀ mɛn dɛ, man die bɛ lɛ dòo boe ka ganaa, ma ka dɔn dɛ, ma ka bɔ kanaa.»

Kiin1 2:44

Bɛ kio, kii lɛ pɛ Simeyii ni: «N sii baraa mɛn tumaa zɛnaa ma di Davida nɛ, n din tá bɛ doɛ̃ n foo ne. Dɛnaa Lawa n die dɔlɔ boe n ganaa n baraabaa lɛ taman yii.

Kiin1 2:5

Seruyaa a nɛgiĩ Zoabu sii mɛn zɛnaa ma nɛ, n tá doɛ̃. A sii mɛn zɛnaa Izirayeli a sɔraasin goledɛnaa min paa lɛ nɛ, Nɛɛrɛ a nɛgiĩ Abnɛɛrɛ laanka Yetɛɛrɛ a nɛgiĩ Amasaa nɛ, n tá doɛ̃: Táa a na á ǹ dɛ, ka ǹ bɛ́ min din dii zia la lɔn, a da yaa, zia dɔ biikoo bie wa. Bɛn mà mɛn lɛ kaa, bɛ lɛ a sii n kuĩ a din mìi ni.

Kiin1 8:32

n toa lon, n nə n too kɔ-a n nə n dí-nyalin lɛn waa kɔn. Min mɛn zɛ̀rɛ bɛ́ nɛ, n dɔlɔ da bɛa dɛnaa lɛ mìi ni a zɛ̀rɛ lɛa saraa lɛa. Zɛ̀rɛ bɛ́ a ba min mɛn ganaa wa, n sonbore pɛ n da bɛ lon, min tumaa dɔ̃ mà sonbore tá a lon.

KZS2 21:13

Sɛnɛ, n giã ǹ gɔn tá baraa á la Izirayelin kiin wɔ nɛ. Ń Zeruzalɛmu laanka Zudaa minin kaa lawa kɔsɔn guguru kɔ ganaa ka Akaabu a kion minin bɛ́ zɛnɛɛ lɔn. N nə́ n dɔɔ̃nɔn dɔn dinin dɛ, n díi a nɛgiĩn. A da yaa dɔn dinin ǹ tá soɛ n nɛ.

KZS2 21:14

Bɛ lɛ nɛ, Dɛnaa Lawa n die koe gole boe n zaman ganaa, n nɛgiĩn ni, n lɔn nɛ, ka màn mɛn tumaa bɛ́ n wɔ lɛa.

Loen 7:16

Bɛ̀ min nyankɔrɔ zuzulu mɛn fɔ̃, a din nə die mɛnɛɛ bɛa nyankɔrɔ lɛ nɛ.

Loen 7:17

A din a sii baraa n die kuĩ a din mìi ni. A din a kakaarɛbaa ǹ sii n die yui a din nyanlɛ-a.

Ezekieli 17:19

«Bɛ lɛ na á toa masɛ Dɛnaa Lawa gole á kɛ pii: A ma toa maa yiikoonaabaa kɛ gɔ́ɔ̃ nɛ, liɛ mɛn nə n wɔ ka bɔlɔgoondɛnaabaa nɛ, a sàn mɛn kɔ ka bɛa liɛ lɛ nɛ, a lɛ kɔ kɔn la mɛn ziziɛ̃, ma á re bɛa dɔlɔ diɛ a mìi ni.

Minin nimi 32:23

Sɛnɛ, bɛ̀ ka zɛnaa miɛ̃ wa, ka n sii liɛ Dɛnaa Lawa la. Ka dɔ̃ sɛn, mà kaa sii baraa lɛ tá ka kio.

Sii yɔrɔ-bɔlen 9:24

Sonbore ne, a sii babaraa mɛn zɛnaa Yerubaali a nɛgiĩ pɔsɔbaa kɛ nɛ, yǎa bɛa gɛ̀-dòo nə n boe a ganaa. Ǹ mìi gɔ́ɔ̃ ǹ sii n doe ǹ dɔɔ̃n Abimelɛki lɛ din ganaa, asɛ mɛn bɛ́ á ǹ dɛ. Ǹ mìi gɔ́ɔ̃ ǹ sii n doe Sisɛmu kiwidɛnan lɛn dɔn ganaa, ǹsɛn mɛnɛn bɛ́ ǹ nə́ n dɔ Abimelɛki lɛ, á ǹ dɔɔ̃nɔn lɛn dɛ.

Sii yɔrɔ-bɔlen 9:57

Sisɛmu minin dɔn nə baraabaa mɛn zɛnaa, Lawa na á bɛ lɛ a dɔlɔ da ǹ mìi ni. Yerubaali a nɛgiĩ Zoatamu lɛn baraa mɛn bíi ǹ li, bɛ lɛ na á pã kɛnɛn.

Samayeli1 15:28

Samayeli pɛ nɛ: «Dɛnaa Lawa Izirayeli a kiibaa lɛ kũ á si n la pelo, á kɔ min kɔsɔ la, min mɛn nə́ ke soɛ n nɛ.