Kiin1 2:22 - LAWA A BOO SONBORE

²² Kii Salomɔn nə́ n dan lɛ lɛ si kɛnɛn: «Wàa na á baa n tá Sunɛmu kiwi min Abisaagi nyankoe, koe Adoniya la? Bɛ̀ ma n pàã lɛ din nyankoe koe la, mà a tá masɛ golo bibinaa lɛa, kun ka Lawa a wúlu-bɔle Abiataara laanka Seruyaa a nɛgiĩ Zoabu ni bɛ din tá soɛ.»

LAWA A BOO SONBORE 2011

²² Kii Salomɔn nə́ n dan lɛ lɛ si kɛnɛn: «Wàa na á baa n tá Sunɛmu kiwi min Abisaagi nyankoe, koe Adoniya la? Bɛ̀ ma n pàã lɛ din nyankoe koe la, mà a tá masɛ golo bibinaa lɛa, kun ka Lawa a wúlu-bɔle Abiataara laanka Seruyaa a nɛgiĩ Zoabu ni bɛ din tá soɛ.»

Kiin1 2:22 ပူးပေါင်းရင်းမြစ်များ

Samayeli2 12:8

Má n dɛnaagiĩ Sayulu a kion kɔ n la, má a lɔn kɛn wɔ n gɔn. Má n koa Izirayeli minin kɛn laanka Zudaa minin kɛn mìi la. Bɛ̀ bɛ n kiɛrɛ, bɛ̀ má wusoo má bɛ miã kɔsɔ da li.

Samayeli2 16:21

Ayitofɛli tɔ́n pɛ Abusalɔn nɛ: «N di na a lɔ kɔsɔn mɛnɛn toa piɛ, mà ǹ ga kion lɛ walan, wo waa kun ka bɛn lɛn nɛ. Bɛ̀ ń bɛ zɛnaa, Izirayeli minin tumaa á re doɛ̃ mà a na á n din tìĩ bɔ ǹ di nyin ni, màn tá re miɛ̃ n kiodɛnan lɛn tumaa dɔ a foo taãbaa li.»

Kiin1 1:11

Natan tɔ́n pɛ Salomɔn ǹ dan Bati-Seebaa nɛ: – Á ke, n tá doɛ̃ mà Agiti a nɛgiĩ Adoniya lɛ na á kii baa, wɔsɛn dɛnaagiĩ Davida ná a ba a siére-a wa?

Kiin1 2:15

Adoniya tɔ́n pɛ kɛnɛn: «N dinmaa lɛ á doɛ̃, bɛ̀ a na á goã, bɛ̀ kiibaa lɛ n doe masɛ din ganaa. Izirayeli gána kuturu yii na á goã masɛ la, mà ma kii baa. Sɛnɛ, kiibaa lɛ ma lɛ bɔ á da, á kiɛ̃ á woo ma dɔɔ̃ngiĩ li. A na á kiibaa lɛ yɛ ka Dɛnaa Lawa foo sii ni.

KZS1 3:2

A sɔɔbaa ǹ wɔ n ka Abusalɔn nɛ. Gesuurun kii Talmayii a nɛlɔ Maakaa n bɛ dan lɛa. A siibaa ǹ wɔ n ka Adoniya nɛ, Agiti a nɛ n ka bɛ nɛ.

KZS1 3:5

Davida wusoo á nɛ kɔsɔn yɛ walan. A na á nɛ sii yɛ Amiyeli a nɛlɔ Batiseba kɛ ganaa: Simaa nɛ, Sobabu ni, Natan laanka Salomɔn nɛ.

Matiə 20:22

Yezu tɔ́n pɛ: «Ka bɛ́ màn mɛn nyankoe, ka a doɛ̃ wa. Masɛ bɛ́ re là-paparɛɛ mɛn yii, ka tá re boe la ka bɛ si ka ganaa?» Ǹ nə́ tɔ́n pɛ Yezu ni: «Wɔsɛn tá boe la.»

Marki 10:38

Sɛnɛ Yezu pɛ ǹ nɛ: «Ka bɛ́ màn mɛn nyankoe, ka a bɛ doɛ̃ wa. Ma bɛ́ re là-paparɛɛ laanka nɔmaa mɛn yii, ka á re boe la ka bɛ si ka ganaa?»

Zaaki 4:3

Ta ka a nyan dɔ din kɔ ka a yii wa, a giala, kaa taasiɛn ba siĩn wa. Ka bɛ́ màn mɛn nyankoe, ka n giɛ li ka ka dinin foo sii zɛnaa nɛ.