Kiin1 2:15 - LAWA A BOO SONBORE

¹⁵ Adoniya tɔ́n pɛ kɛnɛn: «N dinmaa lɛ á doɛ̃, bɛ̀ a na á goã, bɛ̀ kiibaa lɛ n doe masɛ din ganaa. Izirayeli gána kuturu yii na á goã masɛ la, mà ma kii baa. Sɛnɛ, kiibaa lɛ ma lɛ bɔ á da, á kiɛ̃ á woo ma dɔɔ̃ngiĩ li. A na á kiibaa lɛ yɛ ka Dɛnaa Lawa foo sii ni.

LAWA A BOO SONBORE 2011

¹⁵ Adoniya tɔ́n pɛ kɛnɛn: «N dinmaa lɛ á doɛ̃, bɛ̀ a na á goã, bɛ̀ kiibaa lɛ n doe masɛ din ganaa. Izirayeli gána kuturu yii na á goã masɛ la, mà ma kii baa. Sɛnɛ, kiibaa lɛ ma lɛ bɔ á da, á kiɛ̃ á woo ma dɔɔ̃ngiĩ li. A na á kiibaa lɛ yɛ ka Dɛnaa Lawa foo sii ni.

Kiin1 2:15 ပူးပေါင်းရင်းမြစ်များ

Samayeli2 12:24

Bɛ kio, Davida ná a lɔ Bati-Seebaa lɛ foo wɔraa. Á giã kun ni, lɔ lɛ nɛ yɛ, Davida ná a tɔ kɔ mà Salomɔn. Dɛnaa Lawa nɛginin lɛ narɛ,

Samayeli2 15:13

Bɛ kio, min daa pɛ Davida ni ǹ kɔn pinaa: «Izirayeli minin lɛn taasiɛ nə́ n bɔyaa, á kaa kun ka Abusalɔn nɛ.»

Samayeli2 15:6

Izirayeli minin lɛn mɛnɛn tumaa goã woe kii li ka kiri sii ni mà a na a yɔrɔ bɔ, Abusalɔn na á goã zɛnɛɛ bɛn tumaa-n miɛ̃. Abusalɔn na á goã Izirayeli minin lɛn mìi doe ǹ li, a tá n din sii kɔɔ̃n koe ǹ ganaa ka bɛa yɔrɔ lɛ nɛ.

Samayeli2 16:18

Usayii Abusalɔn lɛ si: «Haayii! Dɛnaa Lawa laanka zaman kɛ tumaa, ka Izirayeli minin kɛn tumaa bɛ́ ǹ nə́ min mɛn bɔ, masɛ n giɛ li ma goã bɛa dɛnaa wɔ lɛa, masɛ n giɛ li ma giã kun ka bɛa dɛnaa nɛ.

Samayeli2 3:3

A paabaa ǹ wɔ n ka Kileyabu ni. Abigayili mɛn goã Karmɛli min Naabali a lɔ lɛa, a na á Kileyabu yɛ bɛ ganaa. A sɔɔbaa ǹ wɔ n ka Abusalɔn nɛ. Gesuurun kii Talmayii a nɛlɔ Maakaa n bɛ dan lɛa.

Samayeli2 3:4

A siibaa ǹ wɔ n ka Adoniya nɛ, á yɛ Agiti ganaa. A soorobaa ǹ wɔ n ka Sefatiya nɛ, á bɛ yɛ Abitaali ganaa.

Samayeli2 7:12

Bɛ̀ n lɛawaan lɛ pã ǹ mɛn waáraa n papaã n nə́ n bɔ kanaa, ma á re n din gɔ́ɔ̃gɔ́ɔ̃ ǹ nɛ goon boe ma koa kii lɛa n bǎã nɛ. Ma á re pàã we a kiibaa lɛ nɛ.

Kiin1 1:25

A giala, pelo Adoniya woo wúlu bɔ ka dii gɔ̀lɔ̀n nɛ, ka dii nɛ kasiɛ̃ wolen ne, ka sère didi ni. Á lɛ dia kii lɛ a nɛgiĩn tumaa la, á lɛ dia sɔraasin goledɛnan laanka Lawa a wúlu-bɔle Abiataara la. Ǹ tá a gialaa màn bii, màn mii Adoniya yɔrɔ-a, ǹ nə́ pii: «Kii Adoniya die a nyín sasa yɛ!»

Kiin1 1:38

Bɛ kio, Lawa a wúlu-bɔle Sadɔki ni, Lawa a boo gii-dali Natan nɛ, ka Zozadaa a nɛgiĩ Benaazaa woo kun ka Kerɛti minin laanka Pereti minin ni, ǹ nə́ Salomɔn da kii Davida a dundunsùi lɛ la, ǹ nə́ woo ne Giyɔn mu yala lɛa.

Kiin1 1:39

Lawa a boo gii-dali Sadɔki nyɔɔ saa màn bɛn nɛ, kɔn yɛ ka Lawa nɛ ǹ kion lɛ nɛ, á lɔ Salomɔn ganaa. Ǹ nə́ bɛn pɛ zaman lɛ nə́ n lɛ dɛ: «Kii Salomɔn die a nyín sasa yɛ!»

Kiin1 1:5

Bɛa waáraa, Agiti a nɛgiĩ Adoniya na á goã n yiri koɛ kiibaa ganaa bɛ̀ á n pii: «Masɛ din lɛ n die kii biɛ!» Á ga ziabaa ǹ wotoro goon li, ka sùidɛnan laanka min posooro ne, bɛn nə́ goã a nyɛɛnɛ baa sii.

Kiin1 2:14

Adoniya nə́ n toa doo: «Boo goon tá masɛ li ma pɛ n nɛ: Bati-Seebaa nə́ n toa mà a pɛ koɛ!»

Kiin1 2:16

Sisia, masɛ n sii goon toto nyankoe n lon, n baran n mìi biə̃ ka bɛ-n wa. Bati-Seebaa nə́ n toa a ganaa mà a pɛ koɛ!»

Kiin1 2:22

Kii Salomɔn nə́ n dan lɛ lɛ si kɛnɛn: «Wàa na á baa n tá Sunɛmu kiwi min Abisaagi nyankoe, koe Adoniya la? Bɛ̀ ma n pàã lɛ din nyankoe koe la, mà a tá masɛ golo bibinaa lɛa, kun ka Lawa a wúlu-bɔle Abiataara laanka Seruyaa a nɛgiĩ Zoabu ni bɛ din tá soɛ.»

Suusun 21:30

Minbuiin nɛ a sii-doɛ̃, a yiridɛnaabaa, ka a taasiɛn ba màn kɔn lɛa Dɛnaa Lawa yɔrɔ-a wa.