Kiin1 19:12 - LAWA A BOO SONBORE

¹² Tán bìn diɛ lɛ kio, tɛ bɔ, sɛnɛ Dɛnaa Lawa goã kun ka bɛa tɛ lɛ-n wa. Tɛ lɛ dɔ kio, màn wuu bɔ ka piɛ̃ lɔnlɔɔn wuu bɛ́ lɔn.

LAWA A BOO SONBORE 2011

¹² Tán bìn diɛ lɛ kio, tɛ bɔ, sɛnɛ Dɛnaa Lawa goã kun ka bɛa tɛ lɛ-n wa. Tɛ lɛ dɔ kio, màn wuu bɔ ka piɛ̃ lɔnlɔɔn wuu bɛ́ lɔn.

Kiin1 19:12 ပူးပေါင်းရင်းမြစ်များ

Siin Giala 15:17

Wasa bɛ́ á mɛ, kùsì kɔ́n a tɛsiã goã boe wɔlɔ tì lɛ li, a tɛ buə̃ bɔ siĩ lɛkaran lɛn bii ni.

Kiin1 18:38

Bɛ kio, Dɛnaa Lawa tɔ́n tɛ dia, á daa wúlu màn lɛ kũ kɔnlɛ ka gɔn lɛ nɛ, kɔlɔn lɛn nɛ ka tán bǎã kooro ne. Mu mɛn dɔ goã nyankɔrɔ lɛ nɛ, tɛ lɛ bɛ dɔ piɛ̃.

Kiin2 1:10

Sɛnɛ, Yilii sɔraasi posooro mìilandɛnaa lɛ lɛ si á pɛ: «Bɛ̀ Lawa a min ni ka masɛ-n sonbore, tɛ bɔ lon a da n kũ, n din laanka n kiodɛnaa posooro lɛ nɛ!» Boo lɛ a diɛ kio, tɛ bɔ lon á kũ, a din laanka a kiodɛnaa posooro lɛ nɛ.

Kiin2 2:11

A ǹ toa zii la sùn biɛ woe, bɛ̀ wotoro tɛdɛnaa goon laanka sùi tɛdɛnan nə́ ke ǹ nə́ daa wɔ ǹ biin ni, ǹ nə́ ǹ sawaa kɔn. Yilii dii á woo lon kurunkurun li.

Zɔbu 33:7

Bɛ lɛ nɛ, n baran nyɛ́ɛ baa ma-n wa, n nyan taasɛ mà man die n nɔmiɛ̃ wa.

Zɔbu 4:16

Màn goon na á goã golee-n walan, sɛnɛ, màn mɛn bɛ́ nɛ, ma a doɛ̃ wa, màn nyín na á goã ma yɔrɔ-a. Má tɔ́n lɛn goon ma boo diɛ zuũzuũ kɛnɛn:

Bɔ bɛ̀rɛbaa nɛ 3:2

Dɛnaa a lon a dia dí-a wole nə́ n din nyaa nɛ, tɛ buə̃ bii daãn ganaa. Á ga, daãn lɛ n tɛ lɛa, sɛnɛ, a kuĩ wa.

Bɔ bɛ̀rɛbaa nɛ 34:6

Dɛnaa kiɛ̃ a yɔrɔ-a, á pɛ: «Masɛ din nə Dɛnaa lɛ lɛa, man Lawa lɛa, man bǐɛ̃ zɛnɛɛ, man makara doɛ̃. Ma foo a yui fufuu wa, man bɔlɔgoondɛnaa lɛa, dama minin narɛɛ ganaa ǹ foo n ma nɛ.

Zakarii 4:6

Á ma lɛ si á pɛ: Kɛ n Dɛnaa Lawa a boo lɛa Zorobabeli wɔ paǹ li. «Dí ke n gɔn, n din a foo tãbaa hinlaa n pàã kɛ bie die toɛ n boo la n nya wa, sɛnɛ, ma din yiri kɛ nɛ, Dɛnaa Lawa Pàãyiidɛnaa n pii miɛ̃.»

Nya ǹ dín 2:2

Bǎã goon ne, màn wuu bɔ lon ka piɛ̃ gole wuu bɛ́ boe lɔn. Ǹ lɛ bɛ́ soe-n kɔn kion mɛn nɛ lɛn, bɛ́ pã ka màn wuu lɛ nɛ.

Timəə dí-pɛn 4:15

Ka yiri bɔ ka dinin li taãn-taãnɛ. A giala, Dɛnaa Lawa bɛ́ tɛ bii á n boo diɛ ka nɛ Orɛbu kele lɛ la ǹ mɛn pinaa, ka a dinmaa yɛ ka yii-n wa.

Timəə dí-pɛn 4:33

Tɔrɔ kɔsɔ mɛn na á Lawa lɛ ma boo diɛ tɛ bii, ka ka á ke ká ma lɔn, a yii wusoo á goã koo?

Ebrəə 12:29

Sonbore, wɔa Lawa lɛ n ka tɛ bɛ́ lɔn, á n màn kuĩ lenlen.