Kiin1 18:7 - LAWA A BOO SONBORE

⁷ A Obadia toa zii la, bɛ̀ Yilii á ke a yɔrɔ-a ka yɛlɛɛn. Obadia dɔ̃ mà Yilii ni, á na á kaa tán a lɛ la á pɛ: «Maa dɛnaagiĩ Yilii lɛ n ka n din ni taãn nɛ?»

LAWA A BOO SONBORE 2011

⁷ A Obadia toa zii la, bɛ̀ Yilii á ke a yɔrɔ-a ka yɛlɛɛn. Obadia dɔ̃ mà Yilii ni, á na á kaa tán a lɛ la á pɛ: «Maa dɛnaagiĩ Yilii lɛ n ka n din ni taãn nɛ?»

Kiin1 18:7 ပူးပေါင်းရင်းမြစ်များ

Siin Giala 18:2

Abrahamu nə́ n mìi saa lon, á giĩ min sɔɔ yɛ golee-n lon kunu a din ganaa. A bɛ́ á ǹ yɛ, á n toa a zìã kiɛnlɛ-a, á baa si á woo n da ǹ lɛ, á kaa tán ǹ giulun,

Siin Giala 44:16

Zudaa tɔ́n a lɛ si: «Dɛnaagiĩ, wɔsɛn man boe la, wɔ wàa mɛn boo da n nɛ? Wàa mɛn boo-n wɔsɛn lɛ-n? Wɔ n die wàa mɛn boo diɛ, wɔ n dinin si ni? Wɔ sii mɛn la, Lawa na á wɔ giala da kanaa. Dɛnaagiĩ, wɔ n bɛ̀rɛn baa, wɔ dininmaan ka min mɛn bɛ́ mu mi ǹ kaaran lɛ yɛ a lon.»

Siin Giala 44:20

Wɔ n lɛ si wɔ́ pɛ wɔ́a wɔa díi tan, á zizi kɔ, a zizimaa lɛ nɛ mɛn yɛ, wáa bɛ á tɔn boɛɛn nɛ. Wáa ǹ gologiĩ gã. A dinsɔɔ̃ na á goã ǹ dan a nɛ lɛa sisia, a díi á narɛ parsiini.

Siin Giala 44:33

Sisia, ma nə n nyankoe, toa ma din giã bɛ̀rɛ lɛa nɛginin lɛ bǎã nɛ. Sabara baa, n toa a wo kun ka ǹ golon lɛn nɛ!

Siin Giala 50:18

Bɛ kio, ǹ golon lɛn nə́ n gɔn bɔ ǹ dinin ganaa, ǹ nə́ kaa tán a giulun, ǹ nə́ pɛ nɛ: «Wɔ tá n gɔn, n bɛ̀rɛn lɛa!»

Samayeli2 19:18

Bɛnzamɛn tɔrɔn kɛn min duu goon (1 000) na á goã kun ni, ka Sayulu a kion dí-nyali Siibaa kɛ nɛ. Siibaa a nɛgiĩ fulusooro laanka a dí-nyali fuə dɔ́ goã kun ni. Bɛn nə́ n nanaa ǹ nə́ dɔ Zurdɛ̃ tà lɛ-a kii nyɛɛnɛ.

Kiin1 11:29

Ǹ kɔn pinaa, Zeroboamu bɛ́ á soo Zeruzalɛmu kiwi, Lawa a boo gii-dali Ayia mɛn bɛ́ boe Siiloo, bɛ nə́ n da lɛ zii la. Maǹ nə́ goã ǹ dininsɔɔ̃nɔn min paa don lɛ nɛ. Dɔnkɛ gole dii na á goã Ayia ganaa.

Kiin1 18:6

Ǹ bɛ́ re gána lɛ koe kɔn ǹ bɔ bǎãn mɛnɛn nɛ, ǹ nə́ n gii bɛn ganaa.» Akaabu kɔ zii lɛ a dinsɔɔ̃ á woo. Obadia dɔ dinsɔɔ̃ kɔ zii kɔsɔ lɛ, á woo.

Kiin1 18:8

Yilii ná a lɛ si mà asɛ din ni! Mà a wo pɛ a dɛnaagiĩ ni mà Yilii á ke!

Izayii 60:14

Min mɛnɛn nə fuu nyaa n nɛ, bɛn nɔ̀ɔnɔn tá re n mɔrɛɛ n ganaa, ǹ mìi n kuməə ne. Min mɛnɛn nə n baa màn kooro lɛa, bɛn tá re n musin koɛ tán-a n yɔrɔ-a. Ǹ tá re n bíi: «Dɛnaa Lawa a kiwi, Izirayeli a Lawa sonbore a *Siɔn.»

Minin nimi 12:11

Aarɔn tɔ́n pɛ Muizu ni: «Ee! Maa dɛnaagiĩ ganaa, wɔsɛn zɛ̀rɛ nɛ. Sɛnɛ, bǐɛ̃ kɔ, sii baraa ke wɔsɛn nə́ zɛnaa ka baãnaabaa nɛ, n baran bɛa dɔlɔ da wɔsɛn mìi-n wa.

Matiə 11:8

Bɛ̀ bɛ bie wa, ka n ka woo ga wàa ganaa? Dɔnkɛ sonbore wɔle ne ká woo ga a ganaa? Sɛnɛ, dɔnkɛ sonbore wɔlen man kiin kion.

Matiə 3:4

ZAÃ na á goã nyɔɔmaa ka dɔnkɛ we, a bii yii ǹ maabɛlɛ na á goã ki lɛa, a màn-bii na á goã ka bisin laanka zoo nyɔɔ nɛ.

Samayeli1 20:41

Nɛginin lɛ woo. Davida nə́ n doa á yoo tán kɔlɔ lɛ a gusin a lɛ̀gɔn la, á para á mɛnaa tán a lɛ la, á n musi lɛn doa tán gunyin sɔɔ. Bɛ kio, Davida laanka Zonaatan nə́ n sɔɔ kɔn nɛ, ǹ nə́ wuu pɛ, Davida sɛ wɔ goã á là da.