Kiin1 18:37 - LAWA A BOO SONBORE

³⁷ Dɛnaa Lawa, ma lɛ si. A toa zaman kɛ dɔ̃, mà n din Dɛnaa Lawa, n Lawa lɛa, mà n din nə toɛ n zaman foo tá n bɔyɛɛ, ǹ nə́ wusii die n ganaa.»

LAWA A BOO SONBORE 2011

³⁷ Dɛnaa Lawa, ma lɛ si. A toa zaman kɛ dɔ̃, mà n din Dɛnaa Lawa, n Lawa lɛa, mà n din nə toɛ n zaman foo tá n bɔyɛɛ, ǹ nə́ wusii die n ganaa.»

Kiin1 18:37 ပူးပေါင်းရင်းမြစ်များ

Siin Giala 32:24

á Yabɔki tà gòã kuru ǹ ni, ka a gɔn màn tumaa nɛ.

Siin Giala 32:26

Ǹ bɛ́ kɔn ǹ mɛn waáraa, a kɔn-kũli lɛ bɛ́ á dɔ̃, mà a die boe la wa, á nɔmaa á Zakɔba dɛ a kiɛnpɛrɛ ganaa, a ná a gìĩ bɔ.

Siin Giala 32:28

Giĩ lɛ tɔ́n nɔ̀n da la: «N tɔ n die?» A ná a lɛ si: «Ma tɔ n Zakɔba.»

Samayeli2 7:26

Minbuiinin die ǹ nə́ n tɔ bɔ duduu ǹ pɛ: «Dɛnaa Lawa mɛn bɛ́ pàã tumaa a dɛnaa lɛa, a din lɛ n Lawa lɛa Izirayeli minin lɛn mìi la.» A din die a masɛ Davida tɔrɔ koa a din yɔrɔ-a.

Kiin1 18:24

Bɛ kio, ka die ka kaa dì lɛ nyankɔ, ma dɔ á die maa Dɛnaa Lawa nyankoe. Ǹ mɛn lɛ bɛ́ re lɛ sii ka tɛ nɛ, bɛ lɛ n Lawa taãn lɛa. Zaman lɛ tɔn a lɛ si mà a boo á kɔɔ̃nɛ.»

Kiin1 18:29

Penleen a kiɛ̃ kio, ǹ nə́ n lɛ dɛ miɛ̃ yǎa Lawa gɔ ka *wúlu màn nɛ biikoo daa á dɔ wasamiɛ̃nɛ. Sɛnɛ boo bɔ wa, lɛ sii yɛ wa, bìn diɛ kɔn bɔ wa.

Kiin1 18:36

Wasamiɛ̃n wúlu bɔ biikoo li, Yilii nə́ n zɔ̃ á dɔ wúlu bɔ ǹ bǎã lɛ li, á pɛ: «Dɛnaa Lawa, Abrahamu a Lawa, Izaaki a Lawa, Izirayeli a Lawa, toa minin nə dɔ̃ pelo, mà n din nə Lawa lɛa Izirayeli gána nɛ. Toa ǹ dɔ̃ dɔn, mà masɛ nə n dí-nyali lɛa, ka bɛ dɔ nɛ, ǹ dɔ̃, mà masɛ n má bɛa siin kɛn lɛn tumaa zɛnaa ka n din a boo barka nɛ.

Kiin1 18:38

Bɛ kio, Dɛnaa Lawa tɔ́n tɛ dia, á daa wúlu màn lɛ kũ kɔnlɛ ka gɔn lɛ nɛ, kɔlɔn lɛn nɛ ka tán bǎã kooro ne. Mu mɛn dɔ goã nyankɔrɔ lɛ nɛ, tɛ lɛ bɛ dɔ piɛ̃.

Kiin1 20:28

Lawa a boo gii-dali lɛ nə́ n zɔ̃ á dɔ, á boo da ka Izirayeli gána a kii lɛ nɛ, á pɛ: «Á ke, Dɛnaa Lawa n kɛ pii: Siirii minin bɛ́ ǹ nə́ pɛ, mà Dɛnaa Lawa n kele bǎãn lawa lɛa, mà a ba nyankɔrɔ lɛ wɔ lɛa wa, bɛ lɛ nɛ, ma á re bɛa zaman damata kɛ lɛ we n gɔn, n din laanka n minin tá re doɛ̃, mà masɛ n Dɛnaa Lawa lɛa.»

Kiin2 19:19

Sɛnɛ nsɛ Dɛnaa Lawa ke wɔsɛn Lawa lɛa, wɔsɛn kanbaa Senankeribu ganaa. Dɛnaa, gánan tumaa á die doɛ̃ kəni mà n dinsɔɔ̃ n Lawa lɛa.»

KZS2 14:11

Ká Dɛnaa Lawa barka nɛ, Azaa laanka Zudaa minin nə́ gɔ̀lɔ̀baa yɛ Etiopii minin la, ǹ nə́ ǹ kaa baa la.

Loen 109:27

Dɛnaa Lawa, toa ǹ nə n din pàã kɛ dɔ̃, toa ǹ dɔ̃, mà n din nə́ ń dí kɛ nya.

Luku 11:8

Yezu pɛ ǹ nɛ: «Ta giĩ lɛ na a yoo á màn kɔ ǹ miã lɛ la giaárabaa kɛ a lɛa wa, bɛ̀ ǹ miã lɛ tá a foo pipii, giĩ lɛ á re yui, ǹ miã lɛ laadoo bɛ́ màn woo màn ganaa, á re bɛ koe la.»

Samayeli1 17:46

Pelo dinin, Dɛnaa Lawa tá re n we ma gɔn, masɛ n die n dii, man mìi na. Pelo dinin, man die Filisiti sɔraasin geren koe bàanan laanka don mànan la, tán kuturu tá re doɛ̃, mà Izirayeli a Lawa tan.