Kiin1 18:36 - LAWA A BOO SONBORE

³⁶ Wasamiɛ̃n wúlu bɔ biikoo li, Yilii nə́ n zɔ̃ á dɔ wúlu bɔ ǹ bǎã lɛ li, á pɛ: «Dɛnaa Lawa, Abrahamu a Lawa, Izaaki a Lawa, Izirayeli a Lawa, toa minin nə dɔ̃ pelo, mà n din nə Lawa lɛa Izirayeli gána nɛ. Toa ǹ dɔ̃ dɔn, mà masɛ nə n dí-nyali lɛa, ka bɛ dɔ nɛ, ǹ dɔ̃, mà masɛ n má bɛa siin kɛn lɛn tumaa zɛnaa ka n din a boo barka nɛ.

LAWA A BOO SONBORE 2011

³⁶ Wasamiɛ̃n wúlu bɔ biikoo li, Yilii nə́ n zɔ̃ á dɔ wúlu bɔ ǹ bǎã lɛ li, á pɛ: «Dɛnaa Lawa, Abrahamu a Lawa, Izaaki a Lawa, Izirayeli a Lawa, toa minin nə dɔ̃ pelo, mà n din nə Lawa lɛa Izirayeli gána nɛ. Toa ǹ dɔ̃ dɔn, mà masɛ nə n dí-nyali lɛa, ka bɛ dɔ nɛ, ǹ dɔ̃, mà masɛ n má bɛa siin kɛn lɛn tumaa zɛnaa ka n din a boo barka nɛ.

Kiin1 18:36 ပူးပေါင်းရင်းမြစ်များ

Siin Giala 26:24

Dɛnaa nə́ n din nyaa nɛ, bɛ lɛ a pinaa tèlò-n, á pɛ nɛ: «Masɛ nə n di Abrahamu a Lawa lɛa. N baran nyɛ́ɛ baa wa, ma tá kunun n ni. Ma á re barka we n ne, ma n tɔrɔn mɔnaa. Man die bɛ zɛnɛɛ maa bɛ̀rɛgiĩ Abrahamu taman yii.»

Siin Giala 28:13

A yii n Dɛnaa ganaa golee-n a nyɛɛnɛ, á n pii ni: «Masɛ n Dɛnaa, Abrahamu a Lawa lɛa, man Izaaki a Lawa lɛa. Ń bɛ́ waa-n tán mɛn la, man die koe n din laanka n tɔrɔn la.

Siin Giala 31:53

Abrahamu laanka Nahɔɔrɔ a Lawa, ka digolon lɛn Lawa lɛ die a kiri kuru wɔ bii.» Zakɔba nə́ n liɛ ka Lawa nɛ, ǹ di Izaaki bɛ́ nyɛ́ɛ biɛ Lawa mɛn lɛ nɛ.

Siin Giala 32:9

A na á goã pii: «Bɛ̀ Ezawu boo la, á kuru goon si, kuru mɛn bɛ́ re goɛ̃, bɛ́ á re boe la a la.»

Siin Giala 46:3

Lawa tɔ́n pɛ nɛ: «Masɛ n Lawa lɛa, n di bɛ́ á goã Lawa mɛn guguru koe. Ezipti gána a woo baran nyɛ́ɛ da n ganaa wa, a giala, ma á re n tɔrɔn mɔnɛɛ walan.

Samayeli2 7:26

Minbuiinin die ǹ nə́ n tɔ bɔ duduu ǹ pɛ: «Dɛnaa Lawa mɛn bɛ́ pàã tumaa a dɛnaa lɛa, a din lɛ n Lawa lɛa Izirayeli minin lɛn mìi la.» A din die a masɛ Davida tɔrɔ koa a din yɔrɔ-a.

Kiin1 18:21

Bɛ kio, Yilii nə́ n zɔ̃ á dɔ zaman lɛ tumaa li, á pɛ: «Yǎa biĩ kəni kaa yiri binbirin boe kɛ tɔ nə n danbiɛ? Bɛ̀ Lawa n ka Dɛnaa Lawa nɛ, ka kɔ lɛ, bɛ̀ Baali dɔ n doo ka kɔ lɛ.» Sɛnɛ zaman lɛ boo la a ná a lɛ si ka boo goon ne wa.

Kiin1 18:29

Penleen a kiɛ̃ kio, ǹ nə́ n lɛ dɛ miɛ̃ yǎa Lawa gɔ ka *wúlu màn nɛ biikoo daa á dɔ wasamiɛ̃nɛ. Sɛnɛ boo bɔ wa, lɛ sii yɛ wa, bìn diɛ kɔn bɔ wa.

Kiin1 18:35

Mu lɛ baa si tán á wúlu bɔ ǹ bǎã lɛ lɛnpɛnɛ, á nyankɔrɔ lɛ din pã.

Kiin1 18:37

Dɛnaa Lawa, ma lɛ si. A toa zaman kɛ dɔ̃, mà n din Dɛnaa Lawa, n Lawa lɛa, mà n din nə toɛ n zaman foo tá n bɔyɛɛ, ǹ nə́ wusii die n ganaa.»

Kiin1 20:13

Sɛnɛ Lawa a boo gii-dali goon daa n mɔrɔ Izirayeli gána a kii Akaabu lɛ ganaa, á pɛ nɛ: – Á ke, Dɛnaa Lawa n kɛ pii: «Ń sɔraasi damata kɛ yɛ? Ga! Man die ǹ we n gɔn pelo, n tá re doɛ̃ sonbore, mà masɛ n Dɛnaa Lawa lɛa.»

Kiin1 20:28

Lawa a boo gii-dali lɛ nə́ n zɔ̃ á dɔ, á boo da ka Izirayeli gána a kii lɛ nɛ, á pɛ: «Á ke, Dɛnaa Lawa n kɛ pii: Siirii minin bɛ́ ǹ nə́ pɛ, mà Dɛnaa Lawa n kele bǎãn lawa lɛa, mà a ba nyankɔrɔ lɛ wɔ lɛa wa, bɛ lɛ nɛ, ma á re bɛa zaman damata kɛ lɛ we n gɔn, n din laanka n minin tá re doɛ̃, mà masɛ n Dɛnaa Lawa lɛa.»

Kiin1 22:28

Misee tɔ́n pɛ kii lɛ nɛ: «Bɛ̀ n dɔ woo zia lɛ la, n nə ń bɔyaa ń din yii lɛa sonbore, Dɛnaa Lawa bie á masɛ da boo lɛ a diɛ ganaa wa. Misee wusoo á pɛ mà zaman lɛ din tumaa nə n too da!»

Kiin1 8:43

a bɛ́ re màn mɛn tumaa nyankoe n la, n too kɔ a lon n giã ǹ bǎã lɛ nɛ, n bɛ kɔ la. Màn mɛn bɛ́ toɛ kanaa a tɔrɔn tumaa dɔ̃, ǹ nə n guguru kɔ, ka n zaman Izirayeli minin bɛ́ zɛnɛɛ lɔn. Ka bɛ dɔ nɛ, ǹ dɔ̃ mà kion ke masɛ dɔ, mà n din tɔ n la.

Kiin2 1:10

Sɛnɛ, Yilii sɔraasi posooro mìilandɛnaa lɛ lɛ si á pɛ: «Bɛ̀ Lawa a min ni ka masɛ-n sonbore, tɛ bɔ lon a da n kũ, n din laanka n kiodɛnaa posooro lɛ nɛ!» Boo lɛ a diɛ kio, tɛ bɔ lon á kũ, a din laanka a kiodɛnaa posooro lɛ nɛ.

Kiin2 1:3

Sɛnɛ Tisibu min Yilii lɛ, Lawa a boo gii-dali lɛa, Dɛnaa Lawa a lon a dia dí-a wole goon pɛ bɛ nɛ, mà a wo n da Samarii gána a kii a dia dí-a wolen lɛn lɛ, a pɛ ǹ nɛ kɛnɛn: – Lawa na a banban Izirayeli gána nɛ ka tá nɔ̀n diɛ la wa, yǎa ka woe Ekrɔn kiwi a dì Baali-Zebubu li?

Kiin2 1:6

Ǹ nə́ kii lɛ lɛ si mà giĩ goon na á daa n da ǹsɛn lɛ, á pɛ ǹsɛn man kɛnɛn: – Kii mɛn ka dia, ka n bɔyaa ka wo bɛ li ka pɛ nɛ: «Dɛnaaa Lawa mà Lawa na a banban Izirayeli gána nɛ a tá nɔ̀n diɛ la wa, yǎa a woe Ekrɔn kiwi a dì Baali-Zebubu li? Bɛ lɛ nɛ, a mɛ tán piì mɛn la, a die yui a n bɔ bɛ la doo wa, a giala a n die giɛ̃ a giala yii li.»

Kiin2 19:19

Sɛnɛ nsɛ Dɛnaa Lawa ke wɔsɛn Lawa lɛa, wɔsɛn kanbaa Senankeribu ganaa. Dɛnaa, gánan tumaa á die doɛ̃ kəni mà n dinsɔɔ̃ n Lawa lɛa.»

Kiin2 20:11

Bɛ kio, Lawa a boo gii-dali Izayii Dɛnaa Lawa nyankɔ. Dɛnaa Lawa dɔ toa wúlu gòã yii fù baa bɔ a baa lɛ. Wúlu lɛ wusoo ka a kio ne gòã yii fù.

Kiin2 5:15

Naaman wusoo á daa Lawa a min Yiliizee li, kun ka a kiodɛnan tumaa nɛ. Naaman wɔ á woo golee Yiliizee nyɛɛnɛ, á pɛ: «Kanna, ma á doɛ̃, máa kanaa bǎã yii ni, Lawa banban bǎã kɔn nɛ, Izirayeli gána kio wa. Bǐɛ̃ kɔ sisia, n maa bǐɛ̃ baa ǹ màn si.»

Kiin2 5:8

Lawa a min Yiliizee bɛ́ á ma, mà Izirayeli gána a kii ná a mɔnaan tɔtoɛ̃, á minin dia woe pii ni kɛnɛn: «Wàa na á baa n nə n mɔnaan tɔtoɛ̃? Naaman lɛ kiɛ̃ a da masɛ li, á re doɛ̃ mà Lawa a boo gii-dali tá Izirayeli gána nɛ.»

KZS2 30:6

Dia dí-a wolen lɛn nə́ woo Izirayeli ka Zudaa gánan nɛ ka sɛ́wɔn lɛn nɛ kii gɔn nɔɔ n la ka zaman nyɛɛnaandɛnan wɔ nɛ. Ká kii pɛ ǹ nɛ lɔn, ǹ nə́ pɛ kɛnɛn: «Izirayeli minin lɛn, kasɛn mɛnɛn nə n si Asiiriin kii a pàã la, ka wusoo ka da Dɛnaa Lawa li, Abrahamu, Izaaki ka Zakɔba a Lawa ke, á re wusii a da ka li.

Loen 141:2

Toa maa nyankɔ dii n din li, ka nyɔɔ gìĩ kɔɔ̃n bɛ́ lɔn. Ma gɔn tá n la, ma gɔn si, ka wasamiɛ̃n a *wúlu màn bɛ́ lɔn.

Loen 83:18

Toa nyɛ́ɛ laanka sìi nə ǹ kũ biikoo tumaa li, ǹ gã puusə kɔ gɔ́ɔ̃ nɛ.

Bɔ bɛ̀rɛbaa nɛ 3:6

Á pɛ nɛ doo: «Ma nə n digolo a Lawa lɛa, Abrahamu a Lawa lɛa, Izaaki a Lawa lɛa, Zakɔba Lawa lɛa.» Muizu màn kɔ a yɔrɔ lɛ, a giala, nyɛ́ɛ na á goã a ganaa a ga Lawa ganaa.

Bɔ bɛ̀rɛbaa nɛ 4:5

Dɛnaa pɛ-n kɛnɛn: «A zɛnaa miɛ̃, n nyaa ǹ nɛ, mà má n din nyaa n nɛ, ma din Dɛnaa lɛ, ǹ digolon Lawa lɛa, Abrahamu ni, Izaaki ni ka Zakɔba nɛ, màn mɛn bɛ́ toɛ, ǹ golee n li.»

Izayii 37:20

Sɛnɛ, nsɛ Dɛnaa Lawa, wɔa Lawa, wɔ kirisibaa Senankeribu ganaa, a gɔn nyan dɔ wɔ-a wa. Ka bɛ nɛ Dɛnaa Lawa, kanaa a gánan tumaa á re doɛ̃ mà n dinsɔɔ̃ n Lawa lɛa.»

Ezekieli 36:23

Ká ma tɔ ziziɛ̃ tɔrɔ kɔsɔn bii, ká sìi da ma ganaa. Sɛnɛ, ma á re nyɛɛ bɛn manɛ, maa ma din nə Lawa gole sonbore lɛa. Man die dí nyɛɛ ká ka dinin lɛn nɛ, ma maa Lawabaa lɛ nyaa ǹ nɛ. Ǹ tá re doɛ̃ bɛa biikoo li kəni, mà ma din nə Dɛnaa Lawa lɛa. Ma din Dɛnaa Lawa a da ǹ boo ne.

Ezekieli 39:7

Ma á re ma tɔ a sonborebaa kɛ nyɛɛ maa minin Izirayeli tɔrɔn kɛn bii. Ma a re toɛ ǹ ma tɔ sonbore kɛ ziziɛ̃ doo wa. Bɛa biikoo li kəni, tɔrɔ kɔsɔn tá re doɛ̃, mà ma din nə Dɛnaa Lawa sonbore lɛa, Izirayeli gána nɛ.

Matiə 22:32

Lawa pɛ: «Man Abrahamu a Lawa lɛa, Izaaki a Lawa lɛa, Zakɔba a Lawa lɛa.» Yezu tɔ́n pɛ: «Lawa lɛ bie geren Lawa lɛa wa, a n yiikoonaan Lawa lɛa. Bɛ n nyɛɛ, mà bɛa minin kɛn lɛn ǹ nə́ gã lɛlɛ, mà ǹ yii á koo sisia.»

Zaã a sɛ́wɔ 11:42

Ma á doɛ̃ parsiini máa n tá ma lɛ sii biikoo tumaa waáraa. Sɛnɛ, zaman mɛn bɛ́ ma lɛnpɛnɛ, man má kɛ pɛ bɛn taman yii, màn mɛn bɛ́ toɛ, ǹ waa la mà n din ni n ma dia.»

Nya ǹ dín 10:30

Kɔrnɛyi ná a lɛ si: – A lɛawaa sɔɔ n ke, kɛa biikoo kɛ lɛ nɛ, wasa lɛ kanaa a biikoo sɔɔ waáraa, man má goã Lawa nyankoe maa kion. Bǎã goon ne, min goon nə́ n din nyaa ma nɛ, ka mɔnaa tɛ-pɛle sonboren ná a ganaa,

Nya ǹ dín 3:1

Ǹ kɔ́n pinaa, Piɛrɛ laanka ZAÃ n woe Lawa a kion. Maǹ nə́ goã woe Lawa nyankoe, wasa lɛ kanaa nɛ, biikoo sɔɔbaa ǹ wɔ li.

Efɛɛzi minin 1:17

Wɔa Dɛnaa Yezu Krita a Lawa, Díi mɛn bɛ́ gugurubaa ná a wɔ lɛa, bɛ die a Yiri Fu kɔ ka la, bɛ Lawa nyaa ka nɛ, ka boo la ka dɔ̃ taãnɛ.

Efɛɛzi minin 3:14

Bɛ lɛ n toɛ, ma á miɛ ma musi la Díi Lawa yɔrɔ-a.