Kiin1 18:31 - LAWA A BOO SONBORE

³¹ Á kɔlɔ fulupaa goã, Izirayeli tɔrɔn lɛn lɛ yii li, Zakɔba a nɛgiĩn tɔ bɛ́ tɔrɔn mɛnɛn lɛn ganaa. Zakɔba lɛ nɛ, Dɛnaa Lawa goã á pɛ nɛ mà a tɔ n die goɛ̃ Izirayeli.

LAWA A BOO SONBORE 2011

³¹ Á kɔlɔ fulupaa goã, Izirayeli tɔrɔn lɛn lɛ yii li, Zakɔba a nɛgiĩn tɔ bɛ́ tɔrɔn mɛnɛn lɛn ganaa. Zakɔba lɛ nɛ, Dɛnaa Lawa goã á pɛ nɛ mà a tɔ n die goɛ̃ Izirayeli.

Kiin1 18:31 ပူးပေါင်းရင်းမြစ်များ

Siin Giala 32:28

Giĩ lɛ tɔ́n nɔ̀n da la: «N tɔ n die?» A ná a lɛ si: «Ma tɔ n Zakɔba.»

Siin Giala 32:29

Giĩ lɛ tɔ́n pɛ nɛ: «Ǹ ba re n bíi Zakɔba doo wa, maǹ die n bíi Izirayeli sisia (bɛ giala mà "Yɔ Bɔ Lawa Ganaa Wole"). A giala, ń yɔ bɔ kɔn ka Lawa laanka minbuiinin ni, ń gɔ̀lɔ̀baa yɛ.»

Siin Giala 33:20

Á *wúlu bɔ ǹ bǎã dɔ walan, á bíi mà "Lawa n Izirayeli a Lawa lɛa".

Siin Giala 35:10

Lawa pɛ nɛ: «Ń tɔ na á goã Zakɔba. Sɛnɛ, ǹ ba re n bíi Zakɔba doo wa, n tɔ n Izirayeli sisia.» Bɛ lɛ nɛ, Lawa ná a tɔ kɔ Izirayeli.

Kiin2 17:34

Pelo, pelo, maǹ tɔn nə ǹ sii zɛnaa ǹ gɔn zizi la. Ǹ ba Dɛnaa Lawa guguru koe wa. Landa boon laanka sii yɔrɔ bɔ ǹ boon mɛnɛn nə ǹ wɔ baa, ǹ ba koe bɛn lɛ wa. Zakɔba mɛn bɛ́ Dɛnaa Lawa ná a tɔ kɔ mà Izirayeli, Dɛnaa Lawa goã á dí-pɛn laanka gɔn waa ǹ boon mɛnɛn kɔ bɛa nɛnyaanan kɛn la, ǹ ba koe bɛn dɔn lɛ wa.

Ɛsidrasi 6:17

Maǹ nə́ dii gɔ̀lɔ̀ paabiɛ bɔ, sère gɔ̀lɔ̀ biɛpaa nɛ, ka sère ten biɛsii ni, Lawa a kion lɛ a kɔ Lawa la ǹ wɔ lɛa. Maǹ nə́ butumu fulupaa bɔ, Izirayeli tɔrɔn lɛn lɛ yii li, Izirayeli kuturu a sii baraan sawaa ǹ wɔ lɛa.

Bɔ bɛ̀rɛbaa nɛ 24:4

Muizu Dɛnaa a boon lɛn tumaa kiɛ̃. Á yoo baayɛlɛ liliɛ, á *wúlu bɔ ǹ bǎã dɔ kele lɛ genli, á kɔlɔ fulupaa doa, goon nə́ Izirayeli tɔrɔ giala basa gogoonmaa wɔ lɛa.

Izayii 48:1

Ka n too kɔ Zakɔba a zaman, kasɛn mɛnɛn nə yɛ Zudaa gána nɛ, Izirayeli tɔ n ka ganaa! Ka nə n liɛ ka Dɛnaa Lawa tɔ nɛ, ka n Izirayeli a Lawa nyankoe, sɛnɛ, ka parsii bie wa, ka a pepere wa.

Zeremii 31:1

Dɛnaa Lawa a da ǹ boo á ke: «Biikoo á re doe, ma á re Izirayeli minin sumu lɛn tumaa a Lawa biɛ, ǹ dɔn tá re maa zaman biɛ.»

Ezekieli 47:13

Dɛnaa Lawa tɔ́n pɛ kɛnɛn: «Izirayeli tɔrɔ fulupaa lɛ bɛ́ re gána mɛn lɛ gii kɔn, man die a gèlè nyɛɛ ka nɛ. Bɛ̀ ka á gii, ka die ka Zozɛfu tɔrɔn kɛn wɔ baa paa.

Efɛɛzi minin 2:20

Ǹ bɛ́ kion mɛn doe, Yezu a dia dí-a wolen laanka Lawa a boo gii-dalin kion gòã-daa kɛ la, kasɛn dɔn man bɛ lɛa. Yezu Krita dinmaa na a gùrù koa ǹ kɔlɔ lɛa.

Zozoe 4:20

Ǹ goã ǹ nə́ kɔlɔ fulupaa mɛn goa Zurdɛ̃ tà lɛ bii, Zozoe bɛn da kɔn la Gilgaali.

Sii-nyaan 21:12

Kungɔn gole sasa na á kiwi lɛ lɛnpɛnɛ, kiɛnlɛ fulupaa ná a ganaa, lon a dia dí-a wole fulupaa nə́ ǹ lɛduĩ. Izirayeli tɔrɔ fulupaa lɛ tumaa tɔn n kiɛ̃ nɛ kiɛnlɛ fulupaa lɛ gogoonmaa ganaa.