Kiin1 18:29 - LAWA A BOO SONBORE

²⁹ Penleen a kiɛ̃ kio, ǹ nə́ n lɛ dɛ miɛ̃ yǎa Lawa gɔ ka *wúlu màn nɛ biikoo daa á dɔ wasamiɛ̃nɛ. Sɛnɛ boo bɔ wa, lɛ sii yɛ wa, bìn diɛ kɔn bɔ wa.

LAWA A BOO SONBORE 2011

²⁹ Penleen a kiɛ̃ kio, ǹ nə́ n lɛ dɛ miɛ̃ yǎa Lawa gɔ ka *wúlu màn nɛ biikoo daa á dɔ wasamiɛ̃nɛ. Sɛnɛ boo bɔ wa, lɛ sii yɛ wa, bìn diɛ kɔn bɔ wa.

Kiin1 18:29 ပူးပေါင်းရင်းမြစ်များ

Kiin1 18:26

Ǹ dii gɔ̀lɔ̀ mɛn lɛ kɔ ǹ la, ǹ nə́ dɛ ǹ nə́ zɛnaa. A saa baayɛlɛ ganaa a wo penleen yaa, ǹ nə́ Baali nyankɔ bɛ̀ ǹ tá pii: «Baali, wɔ lɛ si!» Sɛnɛ boo bɔ wa, lɛ sii yɛ wa. Ǹ goã ǹ nə́ *wúlu bɔ ǹ bǎã mɛn lɛ dɔ, maǹ nə́ goã bɛ̀ biɛ bɛ genli.

Kiin1 18:36

Wasamiɛ̃n wúlu bɔ biikoo li, Yilii nə́ n zɔ̃ á dɔ wúlu bɔ ǹ bǎã lɛ li, á pɛ: «Dɛnaa Lawa, Abrahamu a Lawa, Izaaki a Lawa, Izirayeli a Lawa, toa minin nə dɔ̃ pelo, mà n din nə Lawa lɛa Izirayeli gána nɛ. Toa ǹ dɔ̃ dɔn, mà masɛ nə n dí-nyali lɛa, ka bɛ dɔ nɛ, ǹ dɔ̃, mà masɛ n má bɛa siin kɛn lɛn tumaa zɛnaa ka n din a boo barka nɛ.

Kiin1 22:10

Izirayeli gána a kii lɛ laanka Zudaa gána a kii Zozafati na á goã giã-n tán, ǹ didie ná a kii dankan la, a kii mɔnaan ná a ganaa. Maǹ nə́ goã tán bii-a Samarii kiwi a wɔ ǹ kiɛnlɛ-a, Lawa a boo gii-dalin lɛn tumaa ná a gialaa Lawa a boo gii-dali baa ǹ siin zɛnɛɛ ǹ yɔrɔ-a.

Kiin1 22:12

Lawa a boo gii-dalin lɛn tumaa a boo na á goã goon ka Sedekiasi wɔ lɛ nɛ. Maǹ nə́ goã pii mà Akaabu wo zia baa Ramɔti kiwi Galaati gána nɛ, mà a tá re gɔ̀lɔ̀baa yii! Mà Dɛnaa Lawa tá re we a gɔn.

Loen 115:4

Ǹ dìn kɛn, wɔrɔ lɛa ka sana nɛ, minbuiin nɛ gɔn na á ǹ zɛnaa.

Loen 141:2

Toa maa nyankɔ dii n din li, ka nyɔɔ gìĩ kɔɔ̃n bɛ́ lɔn. Ma gɔn tá n la, ma gɔn si, ka wasamiɛ̃n a *wúlu màn bɛ́ lɔn.

Bɔ bɛ̀rɛbaa nɛ 29:39

Sère nɛ bibinaa ke, ǹ bɛ dɛ baayɛlɛ, a paabaa ǹ wɔ ke, ǹ bɛ dɛ wasamiɛ̃nɛ.

Bɔ bɛ̀rɛbaa nɛ 8:14

Kɔ́lɔnbaalin lɛn dɔn ná a lɛn zɔɔ̃, mà maǹ nyɔɔnyaanan boe, sɛnɛ, ǹ boo la wa. Nyɔɔnyaanan lɛn nə́ goã minbuiinin laanka tɔɔn ganaa.

Izayii 16:12

Moabu minin manə n dinin nɔmɛɛ, ǹ nə́ woe wúlu bɔ ǹ bǎãn nɛ, woe gòã-kũ diɛ ǹ dì kionən ne, sɛnɛ, bɛ là banban.

Izayii 46:7

Bɛ kio, maǹ siɛ ǹ da ǹ kɔrɔn, ǹ wo koa bǎã kɔn nɛ. Maǹ koɛ tán, a ná a bìn diɛ doo wa. Ta min nə n lɛ dɛ a ganaa, a ba n dɛnaa lɛ sii wa. Koe biikoo li, a min kɔn kirisibiɛ wa.

Galaasi minin 4:8

Lɛlɛ, ka bɛ́ ka goã Lawa doɛ̃ wa, ka ǹ ká goã màn kɔsɔn bɛ̀rɛn lɛa, màn mɛnɛn bɛ́ ǹ ba Lawa taãnan lɛa wa.

Samayeli1 10:5

Bɛ kio, n tá re die doe Gibea-Eloyimu, bɛ n Filisiti minin sɔraasin giã ǹ bǎã goon lɛa. Bɛ̀ n tá re we kiwi lɛ nɛ, n tá re kɔnpii ka Lawa a boo gii-dali zaman kɔn nɛ, boe *wúlu bɔ ǹ bǎã nɛ, minin nə́ ǹ nyɛɛnɛ, tùtun didii, maàn didi, pìin pipii, kɔnkoɛɛ̃nɛn didii, bɛ̀ ǹ dininmaan tá Lawa a boo gii-dali baa ǹ siin zɛnɛɛ.

Samayeli1 18:10

Bɛa lɛawaa, Dɛnaa Lawa nɔ̀ɔn baraa lɛ da Sayulu ganaa, Sayulu goã nɔ̀ɔndɛnan siin zɛnɛɛ kion fúlu bii. Davida goã a tùtu lɛ dii ka a bɛ́ nɛn bɛ̀ a dɛ lɛawaa gialakunun kɛn li lɔn. Sɛmiɛ̃ na á goã Sayulu gɔn bɛa pinaa kɛ lɛ nɛ.