Kiin1 18:26 - LAWA A BOO SONBORE

²⁶ Ǹ dii gɔ̀lɔ̀ mɛn lɛ kɔ ǹ la, ǹ nə́ dɛ ǹ nə́ zɛnaa. A saa baayɛlɛ ganaa a wo penleen yaa, ǹ nə́ Baali nyankɔ bɛ̀ ǹ tá pii: «Baali, wɔ lɛ si!» Sɛnɛ boo bɔ wa, lɛ sii yɛ wa. Ǹ goã ǹ nə́ *wúlu bɔ ǹ bǎã mɛn lɛ dɔ, maǹ nə́ goã bɛ̀ biɛ bɛ genli.

LAWA A BOO SONBORE 2011

²⁶ Ǹ dii gɔ̀lɔ̀ mɛn lɛ kɔ ǹ la, ǹ nə́ dɛ ǹ nə́ zɛnaa. A saa baayɛlɛ ganaa a wo penleen yaa, ǹ nə́ Baali nyankɔ bɛ̀ ǹ tá pii: «Baali, wɔ lɛ si!» Sɛnɛ boo bɔ wa, lɛ sii yɛ wa. Ǹ goã ǹ nə́ *wúlu bɔ ǹ bǎã mɛn lɛ dɔ, maǹ nə́ goã bɛ̀ biɛ bɛ genli.

Kiin1 18:26 ပူးပေါင်းရင်းမြစ်များ

Kiin1 18:24

Bɛ kio, ka die ka kaa dì lɛ nyankɔ, ma dɔ á die maa Dɛnaa Lawa nyankoe. Ǹ mɛn lɛ bɛ́ re lɛ sii ka tɛ nɛ, bɛ lɛ n Lawa taãn lɛa. Zaman lɛ tɔn a lɛ si mà a boo á kɔɔ̃nɛ.»

Kiin1 18:25

Yilii pɛ Baali a wúlu-bɔlen manɛ: «Ka dii gɔ̀lɔ̀ lɛ goon kũ, ka a giala kɔ bibinaa nɛ, a giala ka dinin man mɔnaa nɛ. Ka kaa dì lɛ nyankɔ, sɛnɛ, ka baran tɛ da gɔn lɛ ganaa wa.»

Kiin1 18:27

Penleen biikoo li, Yilii Baali a wúlu-bɔlen lɛn da yaa lɛa, á pɛ: «Baali lɛ bie kaa lawa lɛa wa ya, ka màn da kaa lɛ dɛ li taãnɛ. Kɔntan dí na a gɔn, hinlaa taasiɛn man a gialaa. Kɔntan a wo zii ni, hinlaa a goã nyuù we, a yii á die kiɛ!»

Bɔ bɛ̀rɛbaa nɛ 8:14

Kɔ́lɔnbaalin lɛn dɔn ná a lɛn zɔɔ̃, mà maǹ nyɔɔnyaanan boe, sɛnɛ, ǹ boo la wa. Nyɔɔnyaanan lɛn nə́ goã minbuiinin laanka tɔɔn ganaa.

Izayii 37:38

Ǹ kɔn pinaa, a toa a n nyankɔ we a dì Nisirɔki a kion, a nɛgiĩ Adramelɛki laanka Saresɛɛrɛ dɛ ka gɔya sa nɛ á gã. Ǹ nə́ baa si ǹ nə́ woo Araraa gána nɛ. A nɛgiĩ kɔsɔ Asaradɔn kii baa a bǎã nɛ.

Izayii 44:17

Gɔn lɛ a gialakun ke, a n dì zɛnɛɛ nɛ, màn nyin lɛa. A kaa tán a yɔrɔ-a a na a guguru kɔ, a ná a nyankoe kɛnɛn: «Ma n maa lawa lɛa, ma kirisibaa!»

Izayii 45:20

Kasɛn mɛnɛn yii goã koo tɔrɔn bii, ka n sɔkɔn ka daa, ka n zɔ̃ ka dɔ. Min mɛnɛn bɛ́ dì nyín guĩ ǹ gɔn, gɔn sɛlɛɛ lɛa, ǹ nə́ ǹ guguru koe, dìn mɛnɛn bɛ́ ǹ ba boe la ǹ tá ǹ kirisibiɛ wa, bɛn man yiriwɛɛnaan lɛa.

Izayii 46:7

Bɛ kio, maǹ siɛ ǹ da ǹ kɔrɔn, ǹ wo koa bǎã kɔn nɛ. Maǹ koɛ tán, a ná a bìn diɛ doo wa. Ta min nə n lɛ dɛ a ganaa, a ba n dɛnaa lɛ sii wa. Koe biikoo li, a min kɔn kirisibiɛ wa.

Zeremii 10:5

Bɛa dìn lɛn man ka nyɛ́ɛ da ǹ mànan bɛ́ lɔn, gì wuru-n. Ǹ ba boo diɛ doɛ̃ wa, maǹ nə ǹ guĩ, a giala, ǹ ba boe tɔ we la wa. Ka nyan nyɛ́ɛ baa ǹ nɛ wa. Ǹ ba boe baraa zɛnaa la wa, ǹ ba boe bǐɛ̃ dɔ din la ǹ zɛnaa wa.»

Zonaasi 1:5

Nyɛ́ɛ bòsonon lɛn kũ parsiini didie nə n lɛ dɛ a dì ganaa. Mànan mɛnɛn nə goã goo lɛ nɛ, ǹ nə́ bɛn waa ǹ nə́ ǹ zũ kɔ̀ mu lɛ li, màn mɛn bɛ́ toɛ goo lɛ puusə kɔ. Zonaasi sɛ gisĩ goo lɛ gɔ́ɔ̃-n tán á waa tán, á goã nyuù we taãn-taãnɛ.

Abakuku 2:18

Dì zɛnaa a là n ka wàa nɛ? Gɔn kooro ne ǹ nə́ sɛlɛ. Fɔlɔ màn nyín zɛnaa nɛ, a n minin kiɛ golee soɛ li ganaa. Gɔn dí-nyali na á zɛnaa, a ba boo diɛ wa. A n siɛ lɔn kəni gɔn dí-nyali kɛ tá n foo doɛ a ganaa.

Abakuku 2:19

Kaa wɔ n ka koe ne! Ka ǹ pii gɔn lɛkoro ne: «N yii bũ!» Ka ǹ pii màn nyín ni kɔlɔ lɛa a ná a boo diɛ wa: «N nyan nyuù wɔ wa!» A da yaa ǹ ba boe la ǹ tá sii kɔn nyɛɛ ka-n wa. Sonbore, maǹ nə́ sana laanka wɔrɔ kaa bɛa màn nyínin lɛn la. Sɛnɛ, yiikoonaabaa ǹ piɛ̃ goon din ba ǹ nɛ wa!

Sofonii 1:9

Bɛa pinaa lɛ nɛ, min mɛnɛn bɛ́ kion kiɛnlɛ lɛ lanparɛ ma á re yui bɛn gialaa. Min mɛnɛn dɔn bɛ́ ǹ dɛnaa a kion piɛ̃ ka kakaarɛbaa laanka wurumubaa ǹ mànan nɛ ma á re dɔlɔ boe ǹ ganaa.

Matiə 6:7

Bɛ̀ ka tá Lawa nyankoe, ka baran boo gigiã da, ka min kooron bɛ́ zɛnɛɛ lɔn wa. Maǹ taasɛ mà bɛ̀ ǹsɛn nə́ boo gigiã da, mà bɛ lɛ n toɛ Lawa nə n too kɔ ǹsɛn lon.

Korɛnti1 12:2

Ka á doɛ̃ mà ka bɛ́ ká goã min kooron lɛa, ka n ká goã baa sii ka mìi gialaa dì lɛ tere-an ganaa.

Korɛnti1 8:4

Bɛ lɛ nɛ, nɔ̀n-diɛ bɛ́ màn mɛn ganaa, á ke: Wɔ á boe la wɔ dì wúlu bɔ ǹ siĩ sɔ̃? Wɔ á doɛ̃, wáa dì a màn kɔ́n bǎã siɛ kanaa kɛ-n wa. Wɔ n doɛ̃ dɔn, wáa Lawa goon toto na a tan.

Samayeli1 5:3

Bɛa lɛawaa, Asidɔdi minin lɛn nə́ yoo baayɛlɛ yiisoone, bɛ̀ Daagɔn bɛ́ á bɔ á mɛnaa tán a lɛ la, Dɛnaa Lawa a goo lɛ yɔrɔ-a. Ǹ nə́ wusoo ǹ nə́ Daagɔn saa ǹ nə́ da a bǎã nɛ.