Kiin1 18:21 - LAWA A BOO SONBORE

²¹ Bɛ kio, Yilii nə́ n zɔ̃ á dɔ zaman lɛ tumaa li, á pɛ: «Yǎa biĩ kəni kaa yiri binbirin boe kɛ tɔ nə n danbiɛ? Bɛ̀ Lawa n ka Dɛnaa Lawa nɛ, ka kɔ lɛ, bɛ̀ Baali dɔ n doo ka kɔ lɛ.» Sɛnɛ zaman lɛ boo la a ná a lɛ si ka boo goon ne wa.

LAWA A BOO SONBORE 2011

²¹ Bɛ kio, Yilii nə́ n zɔ̃ á dɔ zaman lɛ tumaa li, á pɛ: «Yǎa biĩ kəni kaa yiri binbirin boe kɛ tɔ nə n danbiɛ? Bɛ̀ Lawa n ka Dɛnaa Lawa nɛ, ka kɔ lɛ, bɛ̀ Baali dɔ n doo ka kɔ lɛ.» Sɛnɛ zaman lɛ boo la a ná a lɛ si ka boo goon ne wa.

Kiin1 18:21 ပူးပေါင်းရင်းမြစ်များ

Siin Giala 24:50

Laban tɔ́n nə n lɛ da boo lɛ nɛ. A din laanka Betoeli tɔ́n pɛ: «Sii kɛ na á bɔ Dɛnaa din li, boo kɔ́n ba wɔsɛn lɛ-n, wɔ pɛ n nɛ wa.

Siin Giala 44:16

Zudaa tɔ́n a lɛ si: «Dɛnaagiĩ, wɔsɛn man boe la, wɔ wàa mɛn boo da n nɛ? Wàa mɛn boo-n wɔsɛn lɛ-n? Wɔ n die wàa mɛn boo diɛ, wɔ n dinin si ni? Wɔ sii mɛn la, Lawa na á wɔ giala da kanaa. Dɛnaagiĩ, wɔ n bɛ̀rɛn baa, wɔ dininmaan ka min mɛn bɛ́ mu mi ǹ kaaran lɛ yɛ a lon.»

Kiin1 18:20

Akaabu minin dia ǹ nə́ woo ga Izirayeli minin tumaa li, ǹ nə́ daa. Á Baali a wúlu-bɔlen lɛn dɔn sɔkɔn Karmɛli kele lɛ la.

Kiin1 18:39

Zaman lɛ bɛ́ á bɛ yɛ, ǹ tumaa nə́ n gɔn na ǹ dinin ganaa, ǹ nə́ bɔ ǹ nə́ kaa tán ǹ lɛ la, ǹ nə́ n toa: «Dɛnaa Lawa lɛ n Lawa lɛa, Dɛnaa Lawa lɛ n Lawa lɛa!»

Kiin2 17:41

Bɛ lɛ n ke kəni, bɛa tɔrɔn kɛn lɛn nə́ goã Dɛnaa Lawa guguru koe bɛ̀ ǹ tá tɔn dí dɔ nyɛɛ ǹ dìn manɛ. Ǹ nɛnyaanan nɛ, ǹ nɛnyaanan nɛnyaanan nɛ, bɛn dɔn man tɔn zɛnɛɛ miɛ̃ pelo, ka ǹ digolon nə goã zɛnɛɛ lɔn.

KZS1 17:26

Kanna kəni Dɛnaa Lawa, n din ni Lawa lɛa, ń lɛ kɔ n dí-nyali la ka bɛa sii sonbore kɛ lɛ nɛ.

KZS2 33:13

á gòa-kũ da a ganaa. Lawa toa a lɛ-dɛ dɔ a li, á n too kɔ a nyankɔ ganaa. Á wusoo á daa nɛ Zeruzalɛmu, a ná a kiibaa ǹ pàã kɔ la. Bɛ lɛ na á toa Manaasee dɔ̃, mà Dɛnaa Lawa lɛ din ni Lawa lɛa.

Loen 100:3

Ka dɔ̃ mà Dɛnaa Lawa n Lawa lɛa. A din na á wɔ zɛnaa, wɔ na a din wɔn lɛa. A din a minin man wɔ nɛ, a n wɔ lɛduĩ ka n bɛ́ tɔɔn lɛduĩ lɔn.

Loen 119:113

Min mɛnɛn gɔ́ɔ̃ bɛ́ paa, bɛn sii goon ba ma-a wa. Sɛnɛ, n landa boon kɛn man kɔɔ̃n ma ganaa.

Ozee 10:2

Sonbore a boe minin kɛn gɔ́ɔ̃-n wa. Sisia kəni, a dɔlɔ á re n boe ǹ ganaa. Dɛnaa Lawa dinmaa n die ǹ wúlu bɔ ǹ bǎãn kɛn wurii. A din nə die ǹ tíĩn kɛn yuyui.

Sofonii 1:5

Min mɛnɛn dɔn bɛ́, dii kalan ǹ tá lon mànan guguru koe ma á re bɛn bɔ̀n biɛ. Min mɛnɛn bɛ́ masɛ guguru koe ǹ wusoo doo ǹ nə n liɛ ka ǹ dì Molɛki ni ma á re bɛn dɔn bɔ̀n biɛ.

Matiə 22:12

Á tɔ́n pɛ nɛ: «Maa giaáragiĩ, a na á saa lɔn n wɔ kànaa, kɔn wɔ ǹ mɔnaa dɔ ná a ba n ganaa wa?» Giĩ lɛ nə n lɛ da boo-n wa.

Matiə 22:34

Fariziɛ̃n bɛ́ ǹ nə́ ma mà Yezu Sadusɛɛ̃n naa ka boo ne, ǹ dɔn nə́ woo n lɛ sɔkɔn.

Matiə 22:36

«Mìinaa, landa gɔ́ɔ̃ nɛ, dí-pɛ lɛ mɛn a sii n kaka á la ǹ miãn manɛ?»

Matiə 6:24

Min kɔ́n ba boe la a dí nya mìinaa paa-n wa. Bɛ̀ min bɛ zɛnaa, a n die goon biɛ zɔ́ɔ, a goon narɛ, a n die goon bɔlɔ sii, a goon kɛ puusə kɔ. Ka a boe la ka n dinin kɔ Lawa la, ka n dinin kɔ wɔrɔ dɔ la wa.

Luku 6:13

Lɛ̀ bɛ́ á waa, a ná a kialandɛnan lɛn bíi, á min fulupaa bɔ ǹ bii, á ǹ tɔ kɔ mà dia dí-a wolen.

Rɔmu minin 3:19

Wɔ á doɛ̃ dɔn, wáa Lawa a dí-pɛn bɛ́ màn mɛn pii, bɛ nə n pii, tá dí-pɛn pàã giulun wolen manɛ. Min kɔ́n ba boe la a n din bɔ zɛ̀rɛ-n doɛ̃ wa. Kanaa min din tumaa n zɛ̀rɛdɛnaa lɛa Lawa yɔrɔ-a.

Timəə dí-pɛn 4:35

Bɛ na á n nyaa ka nɛ, màn mɛn bɛ́ toɛ ka dɔ̃, mà Dɛnaa Lawa n Lawa lɛa, bɛ̀ á n bɔ a din ni, lawa kɔsɔ banban.

Zozoe 24:15

Sɛnɛ, bɛ̀ dí nya Dɛnaa Lawa nɛ lɛ a siĩni ka yii li wa, ka dinin bɛ́ li ka dí nya min mɛn nɛ, ka bɛ bɔ pelo. Ka digolon nə lawa kɔsɔn mɛnɛn guguru kɔ bɛ̀ ǹ bɛ́ tɔn giã-n Efrati tà kio, hinlaa ǹ bɛ́ giã-n Amɔɔrɔ tɔrɔn mɛnɛn gána nɛ, bɛn dìn kɛn. Masɛ laanka maa kion minin ni sɛn, wɔsɛn man die dí nyɛɛ Dɛnaa Lawa nɛ.»

Samayeli1 7:3

Samayeli tɔ́n pɛ Izirayeli minin lɛn tumaa nɛ: «Bɛ̀ á daa yaa ka n wusii die Lawa-a ka ka foo din tumaa ne, ka lawa soreen lɛn kaa, ka Asitartee nyínin ni. Ka n yɔrɔ dia Dɛnaa Lawa la, ka dí nya a dinsɔɔ̃ nɛ, bɛ kio, ka á re n sii Filisiti minin lɛn la.»