Kiin1 18:18 - LAWA A BOO SONBORE

¹⁸ Yilii ná a lɛ si: «Masɛ sii bie wa. N din laanka n kion minin sii ni. A giala, ka Dɛnaa Lawa a gɔn waa ǹ boon toa walan, ka bɛ dɔ nɛ, ń *Baali nyínin guguru kɔ.

LAWA A BOO SONBORE 2011

¹⁸ Yilii ná a lɛ si: «Masɛ sii bie wa. N din laanka n kion minin sii ni. A giala, ka Dɛnaa Lawa a gɔn waa ǹ boon toa walan, ka bɛ dɔ nɛ, ń *Baali nyínin guguru kɔ.

Kiin1 18:18 ပူးပေါင်းရင်းမြစ်များ

Kiin1 16:31

A bie á kɔ Nebaati a nɛgiĩ Zeroboamu a sii zɛnaan dininsɔɔ̃nɔn lɛ wa, sɛnɛ á woo ǹ daa Sidɔn minin kii Etibaali a nɛlɔ Zezabɛli la, á saa lɔ lɛa. Ka bɛ dɔ nɛ, á woo dì *Baali kɛ guguru kɔ, á kaa tán a giulun.

Kiin1 16:32

A goã á kion mɛn dɔ Samarii kiwi Baali lɛ wɔ lɛa, á Baali lɛ a guguru kɔ ǹ bǎã dɔ bɛ gɔ́ɔ̃ nɛ.

Kiin1 21:25

Min kɔn din yɛ, á n din kɔ dí baraa nya la, Dɛnaa Lawa yɔrɔ-a, ka Akaabu bɛ́ lɔn wa. A giala, a lɔ Zezabɛli lɛ na á goã sɔmɛ diɛ a zɛnaa ganaa.

Kiin1 21:26

Akaabu dí bɔbɔnɛɛ nya, á dìn guguru kɔ ka Amɔɔrɔ tɔrɔn kɛn bɛ́ lɔn Dɛnaa Lawa goã á ǹ loo Izirayeli minin nyɛɛnɛ, ǹ nə́ giã ǹ bǎã nɛ.

Kiin1 9:9

Minin tá re ǹ lɛ sii ǹ pɛ: «A giala, maǹ nə́ ǹ Lawa, Dɛnaa Lawa lɛ toa walan, ǹ mɛn lɛ bɛ́ á ǹ digolon waa Ezipti gána nɛ á soo ǹ ne. Maǹ nə́ ǹ paraa guguru kɔ ǹ mànan kɔsɔn ganaa ǹ nə́ dí nya ǹ nɛ, ǹ nə́ ǹ guguru kɔ. Bɛ lɛ nɛ, Dɛnaa Lawa koe kɛ tumaa da ǹ mìi ni.»

KZS2 15:2

Azaria woo kii Azaa li á pɛ nɛ: «Azaa, Zudaa ka Bɛnzamɛn minin, ka tumaa nə n too kɔ ma lon! Dɛnaa Lawa n kun ka nɛ, bɛ̀ ka dɔn tá kun ni. Bɛ̀ ka ga li, á re toɛ ka yɛ. Sɛnɛ, bɛ̀ ka n la bɔ a ganaa, á re n la boe ka-a.

KZS2 28:19

Sonbore, Dɛnaa Lawa Zudaa gána yii puusə kɔ Izirayelin kii Ahaazi a lɛa. Ahaazi zaman lɛ zulu á da sii baraa zɛnaa ganaa, á n baa bɔlɔgoonbaãdɛnaa lɛa Dɛnaa Lawa nɛ.

Suusun 11:19

Bɛ̀ min mɛn gole bǐɛ̃ zɛnaa li, a yii á re goɛ̃ koo. Min mɛn bɛ́ baa sii sii baraa kio, bɛ n die giɛ̃.

Suusun 13:21

Koe n sii baraa-zɛnaalin kio. Sɛnɛ là nyantoro n sii bǐɛ̃ baraa-zɛnaalin saraa lɛa.

Suusun 28:4

Min mɛnɛn bɛ́ ǹ ba koe dí-pɛn lɛ wa, maǹ min baraan laakalɛ. Sɛnɛ, min mɛnɛn bɛ́ koe dí-pɛn lɛ, bɛn manə n gòãn dii ǹ ganaa.

Suusun 5:22

Min baraa n mɛnɛɛ a din a kan nɛ. A din a sii baraa lɛ nə n pɛnɛ a ganaa ka kan bɛ́ lɔn.

Izayii 3:11

Sɛnɛ, min baraan wɔ n ka bɔ̀n nɛ, bɔ̀n woo bɔ̀n. A giala, a baraa mɛn zɛnaa, bɛ lɛ n die kuĩ a mìi ni.

Zeremii 2:13

Maa zaman lɛ na á sã wɔlɔ paa wɔ: Ǹ nə́ n la bɔ ma ganaa, masɛ mu yala nyantoto ke, nyin koe. Ǹ nə́ nyankɔrɔn fɔ̃, sɛnɛ, nyankɔrɔn lɛn gɔ́ɔ̃ yuimaa nɛ, ǹ ba mu kuĩ wa.

Zeremii 2:19

N sii baraa mɛn zɛnaa, bɛ die a dɔlɔ baa n ganaa. N bɔlɔgoonbaãdɛnaabaa ke, bɛ die a kũ n din mìi ni. Ka bɛ nɛ, n tá re yii, n na a giala ma, mà la bɔ Dɛnaa Lawa ganaa á bɔbɔnɛɛ, a n kɔɔsɛ taãn-taãnɛ, ka masɛ Dɛnaa Lawa guguru kɔ baã bɛ́ lɔn. Masɛ Dɛnaa Lawa Pàãyiidɛnaa a da ǹ boo ne.

Zeremii 23:13

Samarii a Lawa a boo gii-dalin li, má siin yɛ ǹ mɛnɛn bɛ́ ǹ ba foo sii wa. Maǹ boo diɛ ka *Baali tɔ nɛ ǹ nə́ maa zaman Izirayeli siɛ̃ nɛ.

Zeremii 38:4

Bɛ kio, gána nyɛɛnaandɛnan nə́ pɛ kii Sedekiasi ni: «Zeremii dɛ a gã. A bɛ́ boo mɛn diɛ, bɛ n sɔraasin foo ziziɛ̃, ka zaman kɛ nɛ kiwi. A bie giɛ zaman lɛ a bǐɛ̃ li wa, a n giɛ a koe li.»

Ezekieli 3:8

Á ke, man die n dɔ yii we sii la, ka ǹ dɔn yii á ke we sii la lɔn, ma n too kaka kɔ, ka ǹ dɔn too á ke kaka lɔn.

Matiə 14:4

Bɛ lɛ nɛ, ZAÃ goã pii ni mà a doamaa bie a kũ a baa a lɔ lɛa wa.

Nya ǹ dín 24:13

Minin kɛn lɛn bɛ́ soɛ diɛ masɛ la ka siin mɛnɛn nɛ, ǹ ba boe la ǹ nə ǹ kɔ́n nyaa n nɛ sonbore lɛa wa.

Nya ǹ dín 24:20

Ma bɛ́ má pɛ kiri-wɔlen kuru lɛ yɔrɔ-a máa ma á waa-n la máa geren yii á re kiɛ, bɛ lɛ nɛ ǹ tá kiri we ma ganaa, kɔntan bɛa lɛa nɛ. Bɛ̀ bɛ bie wa, ǹ dinin mɛnɛn bɛ́ kànaa, bɛ̀ ǹ tá ma zɛ̀rɛbaa ǹ sii kɔsɔ yii, ǹ pɛ.»

Timəə dí-pɛn 31:16

Dɛnaa Lawa pɛ Muizu ni: – Boɛɛnɛ, n tá re kanaa toɛ. N gɛ̀ kio, Izirayeli minin lɛn tá re n dinin koe kɔrɔbaa la: tɔrɔ kɔsɔn mɛnɛn bɛ́ gána lɛ nɛ, ǹ nə́ die woe we ǹ bii, maǹ die bɛn lɛn dìn guguru koe. Ǹ tá re masɛ toɛ walan, ǹ maa lɛ kɔ kɔn la kɛ ziziɛ̃, ma lɛ kɔ kɔn la mɛn lɛ wɔ kɔn-a ǹ nɛ.

Samayeli1 14:29

Zonaatan tɔ́n na a lɛ si: «Maa díi na á bɔ̀n da gána lɛ ganaa. Ma zoo kɛ lɛ a boɛɛn nɛ̀n da lɔn, ka ga ma yii toɛ̃ lɔn dɛ.