Kiin1 18:1 - LAWA A BOO SONBORE

¹ A bɛ́ á bele bɔ, lɛ̀ gere lɛ a wɔ lɛ̀ sɔɔbaa ǹ wɔ, Dɛnaa Lawa boo da ka Yilii ni: «Wo n din nyaa Akaabu ni, ma á die la kiɛ tán la.»

LAWA A BOO SONBORE 2011

¹ A bɛ́ á bele bɔ, lɛ̀ gere lɛ a wɔ lɛ̀ sɔɔbaa ǹ wɔ, Dɛnaa Lawa boo da ka Yilii ni: «Wo n din nyaa Akaabu ni, ma á die la kiɛ tán la.»

Kiin1 18:1 ပူးပေါင်းရင်းမြစ်များ

Kiin1 17:1

Tisibii min, Yilii mɛn nə́ ke Galaati gána min goon lɛa, bɛ pɛ Akaabu ni: «Dɛnaa Lawa Yiikoonaa tɔ nɛ, Izirayeli a Lawa lɛ, ma bɛ́ dí nyɛɛ ǹ mɛn lɛn nɛ, lɛ̀n kɛn die giɛ̃, la ba re kiɛ wa, pele dɔ a die koe wa, bɛ̀ ma bie ma boo da wa.»

Kiin1 17:15

Lɔ giɔɔrɔ lɛ woo á zɛnaa ka Yilii goã á pɛ-n lɔn. Bɛ kio, á màn-bii yɛ á bii lɛawaa didi gɔ́ɔ̃ nɛ, a din ni, a kion minin ni ka Yilii ni.

Kiin1 17:7

Biikoo kɔn daa á dɔ, mu zii lɛ a mu piɛ̃, a giala la goã kiɛ gána lɛ-n wa.

Kiin1 18:2

Yilii woo n din nyaa Akaabu ni. Bòo lɛ bɛ́ á goã woɛ̃ nɛ, Samarii kiwi,

Kiin1 8:36

n toa lon, n nə ǹ lɛ si, n nə n dí-nyalin laanka n zaman Izirayeli minin sii baraan toa ǹ nɛ. Ǹ doamaa bɛ́ nɛ ǹ kɔ zii sonbore mɛn lɛ, ǹ kaa bɛ la. La kaa gána lɛ nɛ, gána mɛn lɛ bɛ́ ń kɔ n zaman lɛ la kíɛ̃ lɛa.

Izayii 5:6

Man die biɛ don lɛa. Min kɔn ba re a da gùrùn boe wa, min kɔn ba re a buu woɛ̃ wa. Nyɛn dan tá re boe a nɛ. Ma á re labaran kurii ǹ baran la kaa a ganaa wa.

Zeremii 10:13

Bɛ̀ á gini, mu pìãn manə n soekɔn lon. A n labaran soekɔn tán lɛ dan ganaa. A n la diɛ tɛ pɛ ganaa màn mɛn bɛ́ toɛ la kaa. A n piɛ̃ boe a duru ǹ bǎãn nɛ a soo ne.

Zeremii 14:22

Tɔrɔ kɔsɔn lawa kooron kɛn bii, màn tá ǹ bii a n boe la a n die ka la nɛ? Mu lɛ n boe lon kiɛ a din li? N din Dɛnaa Lawa, wɔa Lawa a nya ǹ dí bie wa? Wɔ foo n doa nɛ n din ganaa. A giala, n din ni bɛa siin kɛn lɛn tumaa zɛnɛɛ.

Zowɛli 2:23

Kasɛn, Siɔn minin lɛn, Dɛnaa Lawa taman yii, kaa Lawa lɛ, ka bɛ̀ baa, ka n nyɛnyɛɛ. Á re bǐɛ̃ koe ka-a ka la bibinaa nə taãlen kio. Bɛ̀ la a kaa biikoo dɔ, á re la koe ka la a biikoo li. Ká a bɛ́ ke á goã zɛnɛɛ lɔn lɛlɛ.

Lawa a wúlu-bɔlen 26:4

Bɛ̀ ka zɛnaa miɛ̃, lan mɛnɛn bɛ́ ka laadoo bǐɛ̃ koe, ma á die toɛ, bɛn nə kaa a biikoo li. Tán-kɔsiɛ á die bǐɛ̃ koe, dan dɔn tá re nɛ koe.

Amɔɔsi 4:7

Ma din nə má goã má ka nu ka la nɛ, bɛ̀ mui sɔɔ n kanaa, kaa-piɛ dɔ. Má la kaa kiwi goon ne, má kiwi goon toa kooro. La na á goã kiɛ wuru goon ne, bɛ̀ lɛ̀ gere n wuru lɛ a kɔsɔ kɛ gialaa.

Luku 4:25

Man pii ka-n taãn-taãnɛ, Lawa a boo gii-dali Yilii a biikoo li, la bɛ́ n piɛ̃ lɛ̀ sɔɔ ka mui sɔrɔ a ná a kiɛ wa, bòo wɔ, lɔ giɔɔrɔ goã mɔnaa-n Izirayeli gána nɛ.

Timəə dí-pɛn 28:12

Dɛnaa Lawa á re a lon sonbore kɛ lɛ buĩ ka nɛ, a la mu gisĩ kaa gána lɛ la a kɔnpɛ ka a biikoo ne, a barka da kaa nya ǹ dí tumaa ganaa. Kasɛn man die giɔ̀mɔ diɛ tɔrɔ kɔsɔn ganaa, ka dininmaan ba re giɔ̀mɔ siɛ tɔrɔ kɔsɔn lon wa.

Zaaki 5:17

Yilii na á goã minbuiin nɛ lɛa ka wɔ dɔn bɛ́ lɔn. Á n doa á Lawa nyankɔ, màn mɛn bɛ́ toɛ, la baran da wa. La lɛ golee lɛ̀ sɔɔ ka mui sɔrɔ.

Sii-nyaan 11:2

Sɛnɛ, Lawa a Kion lɛ a kanaa sumu gole ke, n nyan bɛ zɔɔ̃ wa, a giala, maǹ nə́ bɛ kɔ tɔrɔ kɔsɔn la, ǹsɛn mɛnɛn bɛ́ re Zeruzalɛmu kiwi sonbore kɛ tɔtɔrɛ yǎa mui pusiwenpaa.

Sii-nyaan 11:6

Pàã tá ǹ lon ǹ nə́ boe la ǹ lon lɛ tã, la ná a doɛ tán ǹ Lawa a dí-pɛ ǹ biikoo kɛ li wa. Pàã tá ǹ lon ǹ nə́ boe la ǹ mu tumaa bɔyaa ǹ baa mà lɛa. Bɛ̀ ǹ nə́ golee li, ǹ tá boe la ǹ koe tɔrɔ tumaa bɔ tán ganaa.