Kiin1 17:20 - LAWA A BOO SONBORE

²⁰ Bɛ kio, á goã kũ da Dɛnaa Lawa ganaa á pɛ: «Maa Lawa, Dɛnaa Lawa, ma da n yu lɔ giɔɔrɔ mɛn la ma nə ń sii kaka da bɛ dɔ mìi ni, n nə́ yui a nɛgiĩ dii?»

LAWA A BOO SONBORE 2011

²⁰ Bɛ kio, á goã kũ da Dɛnaa Lawa ganaa á pɛ: «Maa Lawa, Dɛnaa Lawa, ma da n yu lɔ giɔɔrɔ mɛn la ma nə ń sii kaka da bɛ dɔ mìi ni, n nə́ yui a nɛgiĩ dii?»

Kiin1 17:20 ပူးပေါင်းရင်းမြစ်များ

Siin Giala 38:10

A zɛnaa ǹ sii lɛ kɔɔ̃n kɔ Dɛnaa ganaa wa, Dɛnaa ná a dɔ nyin bɔ.

Siin Giala 38:7

Ɛrɛ a zɛnaa ǹ sii tìĩ bɔ Dɛnaa nyin ni, Dɛnaa nɔmaa a ná a nyin bɔ.

Kiin1 17:19

Yilii ná a lɛ si: «N nɛginin lɛ kɔ.» Yilii si á bɔ lɔ lɛ gɔn, a bɛ́ á goã kion mɛn nɛ sanabolo-n lon, á woo n walan, á naa tán piì la.

Kiin1 17:21

Yilii tɔ nə n lɛ bɔ tán nɛ lɛ la gunyin sɔɔ, á Dɛnaa Lawa nyankɔ á pɛ: «Maa Lawa, Dɛnaa Lawa, toa nɛ kɛ yii wusoo a kaa.»

Kiin2 19:15

Á tɔ́n Dɛnaa Lawa nyankɔ á pɛ: «Izirayeli gána a Lawa, Dɛnaa Lawa, nsɛ mɛn bɛ́ lon màn yiikoonaan mìi la, n dinsɔɔ̃ n kanaa gánan tumaa a Lawa lɛa, a giala n din nə n lon laanka tán zɛnaa.

Kiin2 19:4

Asiirii gána a kii sɔraasin goledɛnaa mɛn dia, mà a da sɔ kɔ Lawa yiikoonaa lɛ ganaa, kɔntan, Izayii a Lawa, Dɛnaa Lawa lɛ a die bɛa boon kɛn lɛn tumaa miɛ wa? Kɔntan n Lawa, Dɛnaa Lawa lɛ boon mɛnɛn lɛn ma, a die bɛn dɔlɔ boe wa? Bɛ lɛ nɛ, zaman lɛ a gialakun mɛn bɛ́ tɔn na a tan, Lawa nyankɔ bɛn lɛn lɛa.»

Kiin2 20:11

Bɛ kio, Lawa a boo gii-dali Izayii Dɛnaa Lawa nyankɔ. Dɛnaa Lawa dɔ toa wúlu gòã yii fù baa bɔ a baa lɛ. Wúlu lɛ wusoo ka a kio ne gòã yii fù.

Kiin2 4:33

Yiliizee wɔ á kiɛnlɛ kũ á tã a din lɛ, nɛginin lɛ li, á Dɛnaa Lawa nyankɔ.

Loen 99:6

Muizu laanka Aarɔn nə kun a wúlu-bɔlen ne. Samayeli sɛ n kun a tɔ-bíilin ni. Bɛn man nə́ goã Dɛnaa Lawa lɛ tɔ bíi, á goã ǹ lɛ dɔ sii.

Bɔ bɛ̀rɛbaa nɛ 17:4

Muizu Dɛnaa nyankɔ: «Ma doamaa nɛ, ma wàa mɛn zɛnaa zaman kɛ nɛ? Bɛ̀ á kiɛ̃ kɛ la boɛɛn nɛ, ǹ tá re ma dii ka kɔlɔ nɛ.»

Zeremii 12:1

Nsɛ Dɛnaa Lawa, n tá pepere. Sɛnɛ, man die kiri we kɔn ka n nɛ, man li ma boo da n nɛ peperebaa a paǹ li: A n siɛ lɔn min baraan sii á bǐɛ̃ koe kanaa, bɔlɔgoonbǎãdɛnan tá yii-nyɛɛ la? Bɛ n siɛ lɔn?

Matiə 17:21

Sɛnɛ bɛ̀ á n bɔ Lawa nyankɔ laanka lɛ-sɔɔ nɛ, min ba boe la a nɔ̀ɔnɔn kɛn tɔrɔ loo ǹ woo wa.]»

Matiə 21:22

Bɛ̀ golee Lawa li tá ka lon, bɛ̀ ka màn woo màn nyankɔ Lawa lon, ka tá re bɛ yii.