Kiin1 17:18 - LAWA A BOO SONBORE

¹⁸ Lɔ lɛ pɛ Yilii ni: «Wàa dɔ n wɔ biin ni, Lawa a boo gii-dali? Ma nə ń daa ma li, n tá ma yiri gisĩ ka maa sãn nɛ, n maa nɛ dɛ ń kɔ ma la.»

LAWA A BOO SONBORE 2011

¹⁸ Lɔ lɛ pɛ Yilii ni: «Wàa dɔ n wɔ biin ni, Lawa a boo gii-dali? Ma nə ń daa ma li, n tá ma yiri gisĩ ka maa sãn nɛ, n maa nɛ dɛ ń kɔ ma la.»

Kiin1 17:18 ပူးပေါင်းရင်းမြစ်များ

Siin Giala 44:16

Zudaa tɔ́n a lɛ si: «Dɛnaagiĩ, wɔsɛn man boe la, wɔ wàa mɛn boo da n nɛ? Wàa mɛn boo-n wɔsɛn lɛ-n? Wɔ n die wàa mɛn boo diɛ, wɔ n dinin si ni? Wɔ sii mɛn la, Lawa na á wɔ giala da kanaa. Dɛnaagiĩ, wɔ n bɛ̀rɛn baa, wɔ dininmaan ka min mɛn bɛ́ mu mi ǹ kaaran lɛ yɛ a lon.»

Siin Giala 50:15

Zozɛfu ǹ dɔɔ̃nɔn lɛn bɛ́ ǹ nə́ yɛ, mà ǹsɛn di lɛ gã, ǹ nə́ pɛ kɔn nɛ mà ǹsɛn nə sii baraa mɛn zɛnaa Zozɛfu ni, mà a kiɛ̃ a n bɔyaa ǹsɛn li, a bɛa gɛ̀ dòo bɔ ǹsɛn ganaa ke!

Siin Giala 50:17

mà wɔ pɛ n nɛ, mà n bǐɛ̃ kɔ, n wɔsɛn sii baraa gole kɛ toa wɔ nɛ. Wɔ́ sii la n la sɛn, sɛnɛ, sabara baa, n wɔa sii baraa gole kɛ toa wɔ nɛ. A giala, wɔ di bɛ́ á goã dí nyɛɛ Lawa mɛn nɛ, wɔ dɔn man dí nyɛɛ bɛ lɛ nɛ.» Ǹ bɛ́ ǹ nə́ boo da Zozɛfu-n miɛ̃, á n lɛ da wuu ni.

Samayeli2 16:10

Sɛnɛ kii pɛ nɛ: «Seruzaa a nɛnyaanan lɛn, kaa wàa mɛn sii n maa sii ni? Bɛ̀ a tá lɛn baraa bíi, a bíi. Bɛ̀ Dɛnaa Lawa na á pɛ nɛ mà a wo lɛn baraa bíi Davida li, die n boe la a pɛ nɛ mà wàa na á baa á kɛ zɛnaa?»

Samayeli2 19:22

Seruzaa a nɛgiĩ Abisayii nə́ n zɔ̃ á dɔ á pɛ: «Ka ǹ die Simeyii toɛ walan bɛ lɛ sɛ a lɛa, ka n ka a dii wa? A da yaa, Dɛnaa Lawa min mɛn bɔ á koa kii lɛa, á lɛn baraa bíi bɛ li.»

Kiin1 12:22

Sɛnɛ Lawa boo da ka a boo gii-dali Semayia nɛ á pɛ:

Kiin1 13:1

Sɛnɛ, Dɛnaa Lawa boo da ka a boo gii-dali goon ne, á n toa Zudaa gána nɛ á woo Betɛli. A bɛ́ doe Betɛli, bɛ̀ Zeroboamu n da yon giĩ kɔɔ̃n tiɛ̃ *wúlu bɔ ǹ bǎã nɛ.

Kiin1 17:17

Bɛa siin kɛn lɛn kiɛ̃ kio, Yilii bɛ́ lɔ giɔɔrɔ mɛn lɛ li, busu ná a nɛginin kũ. A busu lɛ kaka kɔ a ganaa taãn-taãnɛ, yǎa á nɔmaa á dɛ.

Kiin1 17:19

Yilii ná a lɛ si: «N nɛginin lɛ kɔ.» Yilii si á bɔ lɔ lɛ gɔn, a bɛ́ á goã kion mɛn nɛ sanabolo-n lon, á woo n walan, á naa tán piì la.

Kiin1 18:9

Obadia nə́ n toa: «Wàa sii ni ma la, bɛ n toɛ n tá giɛ li n ma wɔ Akaabu gɔn a ma dɛ?

Kiin1 20:28

Lawa a boo gii-dali lɛ nə́ n zɔ̃ á dɔ, á boo da ka Izirayeli gána a kii lɛ nɛ, á pɛ: «Á ke, Dɛnaa Lawa n kɛ pii: Siirii minin bɛ́ ǹ nə́ pɛ, mà Dɛnaa Lawa n kele bǎãn lawa lɛa, mà a ba nyankɔrɔ lɛ wɔ lɛa wa, bɛ lɛ nɛ, ma á re bɛa zaman damata kɛ lɛ we n gɔn, n din laanka n minin tá re doɛ̃, mà masɛ n Dɛnaa Lawa lɛa.»

Kiin2 1:9

Kii lɛ tɔ́n sɔraasi posooro mìilandɛnaa goon laanka a kiodɛnaa posooro dia, mà ǹ wo Yilii gialaa. Yilii na á goã giã-n tán kele mìi ni. Sɔraasin goledɛnaa lɛ pɛ Yilii ni: «Lawa a min, kii mà n da gisĩ.»

Kiin2 3:13

Yiliizee pɛ Izirayeli gána a kii lɛ nɛ: «Wàa dɔ n wɔsɛn bii ni? N di laanka ǹ dan goã woe Lawa a boo gii-dalin soɛ-bɔlin mɛnɛn lɛn li, wo bɛn lɛn li.» Izirayeli gána a kii lɛ ná a lɛ si: «Haayii! A giala Dɛnaa Lawa na á lɛ dia kii sɔɔ kɛ la, á n die ǹ we Moabu gána a kii gɔn.»

KZS2 35:21

Neko minin dia maǹ wo boo kɛ pɛ nɛ: «Zudaan kii, n gɔ́ɔ̃ n wáa ganaa? Ma bie die zia biɛ nsɛ ganaa wa, zɔ́ɔ kɔsɔ nɛ. Lawa mà ma wo fufuu. Lawa n kun ka manɛ. N baran gòãn dii a ganaa wa, bɛ bie wa, a n die n dii n gã.»

Zɔbu 13:23

Maa sii kɔkɔrɔn lɛn ka maa sã ǹ siin ni, maǹ gia má ǹ zɛnaa? Ma bɔlɔ tii sii mɛn zɛnaa, ma sã n-a ka sii mɛn nɛ, bɛ pɛ ma nɛ.

Zɔbu 13:26

Ń ke ń boo babaraa kiɛ̃ maa wɔ paǹ li. Ma sã ǹ siin mɛnɛn zɛnaa maa tenmaa waáraa, ń bɛn da ma mìi ni.

Minin nimi 5:15

bɛa giĩ lɛ wo ka a lɔ lɛ nɛ Lawa a wúlu-bɔle li, ka lɔ lɛ a Lawa gɔ ǹ màn nɛ, *ɔrzi wùsu nɔnɔɔ kilo sɔɔ. A baran nyɔɔ kaa li wa, a baran da yon gìĩ kɔɔ̃n da la wa, a giala zu-bɔ ǹ màn nɛ, yiri gisĩ sii ni ǹ màn nɛ, a n yiri gisĩ ka sii baraa nɛ.

Matiə 8:29

Ǹ nə́ yoo ǹ nə́ n lɛ dɛ: «Lawa a Nɛgiĩ ganaa, n wàa mɛn sii n wɔsɛn sii ni? Ma nə́ n daa dɔlɔ bɔ wɔsɛn ganaa kànaa bɛ̀ a biikoo ná a tɔn dɔ wa?»

Marki 5:7

á n lɛ dɛ kɔsɛkɔsɛ á pɛ: «N wàa dí n masɛ ganaa, Yezu, Lawa gole a Nɛ? Ma nə n gòã kuĩ ka Lawa tɔ nɛ, n nyan fuu nyaa ma-n wa.»

Marki 6:16

Erɔdi bɛ́ á bɛ ma ǹ mɛn waáraa, á tɔ́n pɛ mà asɛ pɛ, mà ǹ ZAÃ mɛn lɛ mìi kuru lɛlɛ, mà a din lɛ nɛ, mà a yii na á wusoo á kaa.

Luku 4:34

«Nazarɛtin Yezu. N bɛ́ min mɛn lɛa, wɔsɛn tá doɛ̃, Lawa din a dia dí-a wole sonbore nə n ne! N wàa mɛn sii n wɔsɛn sii ni? Ma nə́ n daa wɔsɛn laadoo ziziɛ̃ gɔrɔ kən le?»

Luku 5:8

Simɔn Piɛrɛ bɛ́ á bɛ yɛ, á kaa tán Yezu giulun, á pɛ: «Dɛnaa, n zɔ̃ n nə n bɔ masɛ ganaa, a giala masɛ n sii baraa-zɛnaali lɛa.»

Luku 8:28

A bɛ́ á Yezu yɛ, á kaa tán-a a giulun. Á n lɛ dɛ ka kɔsɛkɔsɛ, á tɔ́n pɛ ka lɛn gole ne kɛnɛn: «Yezu, Lawa Gole a Nɛ, n wàa mɛn sii n masɛ a sii ni? Masɛ nə n nyankoe n baran dɔlɔ bɔ masɛ ganaa wa.»

Zaã a sɛ́wɔ 2:4

Sɛnɛ Yezu ná a lɛ si á pɛ nɛ: «Náa, n tá masɛ a nya ǹ dí pii ma nɛ? Maa biikoo tɔn dɔ wa.»

Sii yɔrɔ-bɔlen 13:6

Bɛ kio, lɔ lɛ woo piɛ, á pɛ ǹ zuũ ni: Lawa a min goon daa masɛ li pelo, a n boe-n kɔn li Lawa a lon a dia dí-a wole ne. Á nyɛ́ɛ diɛ á la yii ni. Má nɔ̀n da la ka a bɔ ǹ bǎã-n wa a dɔ nə n tɔ pɛ ma-n wa.

Samayeli1 16:4

Dɛnaa Lawa boo mɛn pɛ, Samayeli bɛ zɛnaa. Á dɔ Bɛtlehɛmu kiwi. Kiwi lɛ a min golen nə́ n da lɛ, bɛ̀ ǹ gɔ̀nɔn tá bìn diɛ. Ǹ nə́ nɔ̀n da la: «Bǐɛ̃ nɛ, ń daa a ganaa?» Á ǹ lɛ si mà hiĩ, mà bǐɛ̃ nɛ.