Kiin1 17:12 - LAWA A BOO SONBORE

¹² Lɔ giɔɔrɔ lɛ ná a lɛ si: «N Lawa, Dɛnaa Lawa Yiikoonaa lɛ tɔ nɛ, màn-bii kɔn ba ma lon wa. Wùsu gɔn yii goon dinsɔɔ̃ n ke ma lon kunun ni piɛ, ka nyɔɔ boɛɛn kɔn nɛ tàan nɛ. Bɛ̀ má gɔn kɔn yɔ, man woe piɛ, ma bɛ lɛ zɛnaa, ma laanka maa nɛgiĩ a màn-bii lɛa, wɔ bii, bɛ kio wɔ tɔn gã.»

LAWA A BOO SONBORE 2011

¹² Lɔ giɔɔrɔ lɛ ná a lɛ si: «N Lawa, Dɛnaa Lawa Yiikoonaa lɛ tɔ nɛ, màn-bii kɔn ba ma lon wa. Wùsu gɔn yii goon dinsɔɔ̃ n ke ma lon kunun ni piɛ, ka nyɔɔ boɛɛn kɔn nɛ tàan nɛ. Bɛ̀ má gɔn kɔn yɔ, man woe piɛ, ma bɛ lɛ zɛnaa, ma laanka maa nɛgiĩ a màn-bii lɛa, wɔ bii, bɛ kio wɔ tɔn gã.»

Kiin1 17:12 ပူးပေါင်းရင်းမြစ်များ

Siin Giala 21:15

Mu bɔnaa lɛ a mu bɛ́ á nya, á n gɔn bɔ nɛ lɛ ganaa, á daa da boɛɛn kɔ́n giulun.

Siin Giala 21:16

Bɛ kio, a din kiɛ̃ á woo giã tán tìãlɛa, á n wɔlɔ lui nɛ lɛ ganaa, ka kiɛ zũ a wo mɛnaa tán bɛ́ lɔn. A giala, a na á goã pii a din gɔ́ɔ̃-n kɛnɛn: «He, maa nɛ kɛ baran gã ma yii-n wa!» A bɛ́ giã-n tán tìãlɛa, á n lɛn saa lon á wuu pɛ.

Samayeli2 15:21

Itayii tɔ́n kii lɛ si á pɛ nɛ: «Ka Dɛnaa Lawa Yiikoonaa kɛ tɔ nɛ, a maa dɛnaagiĩ kii kɛ yii toa koo, n bɛ́ re goɛ̃ bǎã mɛn nɛ, ta ma n giɛ̃, ta ma n liɛ, masɛ dɔ á walan.»

Kiin1 17:1

Tisibii min, Yilii mɛn nə́ ke Galaati gána min goon lɛa, bɛ pɛ Akaabu ni: «Dɛnaa Lawa Yiikoonaa tɔ nɛ, Izirayeli a Lawa lɛ, ma bɛ́ dí nyɛɛ ǹ mɛn lɛn nɛ, lɛ̀n kɛn die giɛ̃, la ba re kiɛ wa, pele dɔ a die koe wa, bɛ̀ ma bie ma boo da wa.»

Kiin1 17:11

Lɔ giɔɔrɔ lɛ woo mu lɛ si. Yilii lɛ dia la doo á pɛ nɛ: «Bǐɛ̃ kɔ n wo ga màn-bii kɔn li, n da kɔ ma la.»

Kiin1 17:13

Yilii tɔ́n pɛ nɛ: – N baran nyɛ́ɛ baa wa! Wo piɛ, n màn mɛn pɛ, bɛ lɛ zɛnaa. Sɛnɛ màn mɛn bɛ́ n lon, mɔ̀mɔ boɛɛn da ka bɛ-n bɔrɔ n da kɔ ma la, bɛ kio n tá re n din laanka n nɛ wɔ diɛ.

Zeremii 14:18

Bɛ̀ má soo wurun ni lɔn, á ke, geren man tán bǎã yii ni. Bɛ̀ ma wɔ kiwi lɔn, á ke, ma yii n minin ganaa nɔmaa-n bòo gɔn. Lawa a boo gii-dalin laanka Lawa a wúlu-bɔlen manə n bibiĩ gána lɛ nɛ, ǹ ba màn goon a woo ǹ bǎã doɛ̃ wa.

Zeremii 4:2

Bɛ̀ n tá pepere, bɔlɔgoondɛnaa lɛa, n gɔ́ɔ̃ n fu, bɛ̀ n lɛ kɔ wɔ, ń pɛ: «Ma nə n liɛ ka Dɛnaa Lawa Yiikoonaa tɔ nɛ», bɛa waáraa kəni, tɔrɔ kɔsɔn kɛn tá re ma nyankoe mà ma barka da ǹsɛn ganaa. Ǹ tá re gugurubaa yii masɛ taman yii.

Zeremii 5:2

Bɛ̀ ǹ tá liɛ we, maǹ pii: «Ma nə n liɛ ka Dɛnaa Lawa Yiikoonaa tɔ nɛ.» Sɛnɛ, ǹ liɛ tumaa n soɛ lɛa.

Busii pɛ 4:9

Bɛ̀ gɔya sa nə n mɛn dɛ, á soɛ bòo a dɛ nɛ. Gã ka piũn tá soɛ nɔmaa bòo gɔn nɛ.

Matiə 26:7

lɔ goon daa wɔ walan ka kɔlɔ donkolon siĩn kɔ́n nɛ, nyɔɔ gìĩ kɔɔ̃n ná a nɛ, a giɔ̀mɔ n kaka parsiini. Lɔ lɛ Yezu toa màn bii, á bɛa nyɔɔ lɛ kaa a mìi ni.

Samayeli1 14:39

Dɛnaa Lawa Yiikoonaa lɛ, Izirayeli kirisibaali lɛa, bɛ tɔ taman yii, ta ma din a nɛgiĩ Zonaatan a sã nɛ, gɛ̀ dɔlɔ nə n boe a ganaa, sàabaa ba bɛ la wa. Min kɔn nə yɛ zaman damata lɛ bii, á ná a lɛ si wa.»

Samayeli1 14:45

Zaman lɛ pɛ Sayulu ni: «Zonaatan lɛ n die giɛ̃ koɛ, asɛ mɛn nə́ ke, á gɔ̀lɔ̀baa gole kɛ yɛ, Izirayeli a lɛa? Bɛ boo bie wa! Dɛnaa Lawa Yiikoonanaa tɔ taman yii, a mìi ka goon ba re papaɛ̃ wa. A giala, a màn mɛn din nya pelo dinin, Lawa a dɔmalɛ nɛ.» Zaman lɛ Zonaatan si bɛa gɔn kɛ lɛ la á da. A gã wa.

Samayeli1 20:21

Bɛ kio, ma á die pii nɛginin ni, máa a wo ga kiɛn lɛn li. Bɛ̀ ma pɛ nɛginin lɛ-n kɛnɛn: «Kiɛn lɛn nə́ ke walan li n giulun, ǹ goa», bɛ giala mà n tá boe la n daa, sii tumaa bǐɛ̃ kɔ, sii kɔn ba re boe a n wa, Dɛnaa Lawa tan.

Samayeli1 20:3

Davida nə́ n liɛ á pɛ doo: «Zonaatan n di lɛ tá doɛ̃ taãn-taãnɛ, mà maa sii á kaka n gɔn. N di lɛ á maa á pɛ a gɔ́ɔ̃ nɛ, mà Zonaatan ba siĩni a bɔ kɛ siére-a wa, màn mɛn bɛ́ toɛ, a foo baran busu wa. Sɛnɛ, Dɛnaa Lawa yii á koo, n dɔ yii á tɔn koo. Bɛa liere banban. Gɛ̀ gɔn dɔ masɛ ganaa á nya.»

Samayeli1 25:26

Dɛnaa Lawa din nə n kurəə, n baran dòo bɔ n zɔ́ɔn ganaa, n nə ǹ dɛ wa. Sisia, Dɛnaa Lawa Yiikoonaa tɔ lɛ taman yii, masɛ n pii n ni, máa n zɔ́ɔn laanka min mɛnɛn yii tumaa bɛ́ giɛ mà ǹ sii baraa zɛnaa n nɛ, dɔlɔ tá re n boe ǹ ganaa ka Naabaali wɔ bɛ́ lɔn.

Samayeli1 26:10

Davida tɔ́n pɛ: «Dɛnaa Lawa yii tá koo! Dɛnaa Lawa din nə die Sayulu dii. Bɛ̀ a tɔ gɛ̀ dɛ a biikoo li wa, a wo zia la, zia bii.