Kiin1 15:13 - LAWA A BOO SONBORE

¹³ Á ǹ dan gole Maakaa a kii a lɔbaa din si la, a giala a na á goã á dì kooro Aseeraa kɛ nyín zɛnaa. Azaa na á dì lɛ ziziɛ̃ á tɛ da a ganaa Sedrɔn nyankɔrɔ lɛ kɛ nɛ.

LAWA A BOO SONBORE 2011

¹³ Á ǹ dan gole Maakaa a kii a lɔbaa din si la, a giala a na á goã á dì kooro Aseeraa kɛ nyín zɛnaa. Azaa na á dì lɛ ziziɛ̃ á tɛ da a ganaa Sedrɔn nyankɔrɔ lɛ kɛ nɛ.

Kiin1 15:13 ပူးပေါင်းရင်းမြစ်များ

Samayeli2 15:23

Zaman lɛ tumaa bɛ́ kiɛ̃, gána lɛ a minin tumaa na á goã wuu pii n lɛ dii. Bɛ á zɛnɛɛ, bɛ̀ kii din nə Sedrɔn tà kɛ kuri, zaman lɛ sɛ n koe diə gole zii kɛ wàã lɛ kiɛ̃.

Kiin1 15:10

A na á kiibaa zɛnaa lɛ̀ pusiwengoon, Zeruzalɛmu. Ǹ dan gole tɔ na á goã Maakaa, Abusalɔn a nɛlɔ nɛ.

Kiin1 15:2

A na á kiibaa zɛnaa lɛ̀ sɔɔ Zeruzalɛmu. Ǹ dan tɔ na á goã Maakaa, Abusalɔn a nɛlɔ nɛ.

Kiin1 2:19

Bati-Seebaa woo kii Salomɔn li, á n die boo diɛ nɛ Adoniya wɔ paǹ li. Kii lɛ yoo á woo n da lɛ, á kaa tán ǹ dan lɛ giulun. Bɛ kio, á giã a kii dankan la. Ǹ nə́ dankan lɛ a kɔsɔ da tán kii lɛ gusin ǹ dan wɔ lɛa, á giã la.

Kiin2 10:26

Tíĩn mɛnɛn bɛ́ Baali guguru kɔ ǹ kion lɛ nɛ, ǹ nə́ soo ka bɛn nɛ, ǹ nə́ tɛ da ǹ ganaa.

Kiin2 18:4

A din lɛ na á wúlu bɔ ǹ bǎãn lɛn papaã, á tíĩn yɔyɔrɛ, á dì Aseeraa nyín na kɔn. Muizu goã á miɛ̃ nyín mɛn zɛnaa ka zan nɛ, á bɛ dɔ nana kɔn, a giala Izirayeli nɛnyaanan lɛn man nə́ goã nyɔɔ gìĩ kɔɔ̃n tiɛ̃ tán bɛa miɛ̃ nyín lɛ nyɛɛnɛ, á daa dɔ bɛa biikoo lɛ ganaa. Maǹ nə́ goã miɛ̃ nyin lɛ bíi "Newusutan".

Kiin2 23:4

Bɛ kio, kii lɛ tɔ́n pɛ Lawa a wúlu-bɔlen kiã Ilkia nɛ, ka Lawa a wúlu-bɔlen kɛn nɛ koɛ la, ka kiɛnlɛ-lɛduə̃lin ni mà mànan kɛn ǹ nə́ ǹ zɛnaa dì baali wɔ lɛa, ka dì Aseeraa laanka lon gɔ̀nɔn ganaa ǹ mànan kɛn tumaa wɔ lɛa, mà ǹ bɛn tumaa goa, ǹ nə ǹ bɔ Lawa a kion lɛ nɛ. Kii lɛ bɛa mànan kɛn lɛn tã, Zeruzalɛmu kiwi kio, Sedrɔn wurun kɛn gɔ́ɔ̃ nɛ. Á ǹ ton goa, á daa-n Betɛli.

Kiin2 23:6

Á dì Aseeraa nyin kɛ saa Dɛnaa Lawa a kion, á soo á n bɔ nɛ Zeruzalɛmu kiwi, á woo Sedrɔn nyankɔrɔ kɛ nɛ, á tã walan á ton baa, á goa á zũ zaman tumaa bi ǹ yala kɛ nɛ.

KZS2 34:4

Zoziasi nə́ ǹ kaa dì *Baali a wúlu bɔ ǹ bǎãn wurii ganaa kɔnlɛ ka da yon gìĩ kɔɔ̃n tã ǹ bǎãn nɛ ǹ lalan, a din yii ni. Á wúlu bɔ ǹ bǎãn ziziɛ̃, dì gɔnɔn nɛ, dì nyínin tumaa nɛ, fɔlɔ màn yoe lɛa ka gɔn nɛ. Ǹ nə́ ǹ tumaa yɔyɔrɛ mɔnɔmɔnɔ. Min mɛnɛn nə wúlu bɔ dì nyínin ganaa, ǹ nə́ pɛsɛ̃ bɛn yalan la.

Bɔ bɛ̀rɛbaa nɛ 32:20

Ǹ diin nɛ nyán mɛn lɛ zɛnaa, á bɛ saa, á da tɛ-n, a ná a gialakun kɛ lɔ mɔmɔnɔ, á kaa mu li, á kɔ Izirayeli nɛnyaanan lɛn la ǹ nə́ mi.

Lawa a wúlu-bɔlen 26:30

Bɛ̀ masɛ foo yoo ka li, kaa wúlu bɔ ǹ bǎãn kɛn, ma á re bɛn wurii. Ka tíĩ dadaran mɛnɛn dɔ, ka n wasa guguru koe ne, ma á die bɛn yui. Ma á die ka dininmaan gere kiɛ kɔn la, bɛa dìn kɛn lɛn kɛbɔlɔ lalan. Ka tìĩ á die boe masɛ nyin ni.

Zakarii 13:3

Min woo min bɛ́ re yui mà asɛ n Lawa a boo gii diɛ, a din a yɛ ǹ di laanka a yɛ ǹ dan tá re yui a gialaa ǹ pɛ nɛ: «N doamaa-n ka gɛ̀ nɛ, a giala, n nə́ n soɛ bɔ ka Dɛnaa Lawa tɔ nɛ.» A toa a n soɛ boe ka masɛ tɔ nɛ, a din a yɛ ǹ di laanka a yɛ ǹ dan tá re dii a gã.

Matiə 10:37

Min mɛn bɛ́ ǹ di hinlaa ǹ dan narɛ á la masɛ nɛ, bɛa dɛnaa doamaa bie ka masɛ-n wa; min mɛn bɛ́ a nɛgiĩ hinlaa a nɛlɔ narɛ á la masɛ nɛ, bɛa dɛnaa doamaa bie ka masɛ-n wa.

Zaã a sɛ́wɔ 18:1

Bɛa boon lɛn diɛ kio, Yezu kiɛ̃ kun ka a kialandɛnan nɛ, ǹ nə́ Sedrɔn tà gòã kuru ǹ nə́ woo a kio. Dù gɔrɔ kɔ́n goã walan, á wɔ bɛ-n kun ka a kialandɛnan nɛ.

Korɛnti2 5:16

Bɛ lɛ nɛ, ma bie min kɔ́n doɛ̃ doo minbuiinbaa ǹ yɔrɔ kɛ la wa. Haalɛ ta má Krita dɔ̃ minbuiinbaa ǹ yɔrɔ la lɛlɛ, kanna, ma bie doɛ̃ bɛa yɔrɔ kɛ la doo wa.

Galaasi minin 2:14

Sɛnɛ, má yɛ, máa ǹ ba koe Boo Tii Kɔɔ̃n a sonbore kɛ lɛ pepere wa. Má pɛ Piɛrɛ-n min tumaa yii ni: «N din mɛn bɛ́ Zuifu lɛa, sii zɛnɛɛ ka tɔrɔ kɔsɔn wɔ bɛ́ lɔn, a ná a kɔnpii ka Zuifun landa-n wa, ma n siɛ lɔn, n tɔn boo la n pɛ tɔrɔ kɔsɔn nɛ mà ǹ kɔ Zuifun landan lɛ ka pàã nɛ?»

Timəə dí-pɛn 33:9

Ǹ nə́ n din narɛ á la ǹ díin laanka ǹ náan manɛ, ǹ nə́ n piã ka ǹ dɔɔ̃nɔn nɛ n din a lɛa, ǹ nə́ ǹ nɛnyaanan tii n din a lɛa. Ǹ nə́ n boo kɛ tamaa, ǹ nə́ n yiri koa n lɛ kɔ kɔn la lɛ li.

Timəə dí-pɛn 7:5

Sɛnɛ, ka bɛ́ re sii mɛn zɛnɛɛ bɛa tɔrɔ kɔsɔn lɛn manɛ, bɛ n ka kɛ nɛ: ǹ wúlu bɔ ǹ bǎãn kɛn, ka die ka bɛn wuru, ǹ tíĩn kɛn, ka bɛn wɔwoɛ̃, ka ǹ dì gɔnɔn kɛn kukuru, ǹ dìn kɛn, ka bɛn tã.

Timəə dí-pɛn 9:21

Bɛ kio, ka dí mɛn nya kaa sii baraa zɛnaa lɛ gɔ́ɔ̃ nɛ, diin nɛ nyín lɛ, má bɛ saa, má da tɛ-n. Má zũ má baa wùsu lɛa nɔnɔɔ, ka tii ni. Tà mɛn a mu á ke n toɛ kele lɛ la bɛ̀ a gisĩ, má a wùsu lɛ kaa bɛa mu li.

Zozoe 6:24

Sɛnɛ, kiwi lɛ sɛ, ǹ nə́ bɛ tã kun ka a gɔ́ɔ̃gɔ́ɔ̃ ǹ màn tumaa nɛ, yǎa wɔrɔ kɛ laanka sana ke, ka zan mànan kɛn laanka fɔlɔ wɔn nɛ. Maǹ nə́ bɛn kaa kun ka Dɛnaa Lawa a kion mànan nɛ.