Kiin1 14:21 - LAWA A BOO SONBORE

²¹ Salomɔn a nɛgiĩ, Roboamu kii baa Zudaa gána nɛ. A bɛ́ kii lɛ biɛ bɛ́ a lɛ̀ pusi ka goon ne. A na á kiibaa zɛnaa lɛ̀ fulusɔbaa Zeruzalɛmu kiwi, kiwi mɛn lɛ bɛ́ Dɛnaa Lawa ná a yii gɔ̀gɔ́ɔ̃ Izirayeli a bǎãn tumaa bii, á n tɔ da la. Roboamu ǹ dan tɔ na á goã Naamaa, Amɔn tɔrɔ nɛ.

LAWA A BOO SONBORE 2011

²¹ Salomɔn a nɛgiĩ, Roboamu kii baa Zudaa gána nɛ. A bɛ́ kii lɛ biɛ bɛ́ a lɛ̀ pusi ka goon ne. A na á kiibaa zɛnaa lɛ̀ fulusɔbaa Zeruzalɛmu kiwi, kiwi mɛn lɛ bɛ́ Dɛnaa Lawa ná a yii gɔ̀gɔ́ɔ̃ Izirayeli a bǎãn tumaa bii, á n tɔ da la. Roboamu ǹ dan tɔ na á goã Naamaa, Amɔn tɔrɔ nɛ.

Kiin1 14:21 ပူးပေါင်းရင်းမြစ်များ

Kiin1 11:1

Salomɔn lɔ gigiã narɛ. Eziptin kii a nɛlɔ kɛ dinsɔɔ̃ bie á goã á saa wa. Á Moabu tɔrɔn dɔn goa, Amɔn tɔrɔn nɛ, Edɔmu tɔrɔn nɛ, ka Sidɔn tɔrɔn laanka Ɛti tɔrɔn nɛ.

Kiin1 11:32

Sɛnɛ tɔrɔn lɛn goon tá re goɛ̃ Salomɔn gɔn, maa a dí-nyali Davida lɛ a lɛa, ka Zeruzalɛmu kiwi kɛ nɛ, má a yii gɔgɔɔ̃ Izirayeli a bǎã tumaa bii.

Kiin1 11:36

Sɛnɛ ma á die tɔrɔn lɛn goon toɛ Salomɔn a nɛgiĩ gɔn, màn mɛn bɛ́ toɛ, maa dí-nyali Davida lɛ tɔrɔ die a goã kiibaa la miɛ̃, ma yɔrɔ-a Zeruzalɛmu kiwi kɛ nɛ, má bɔ má n tɔ da la.

Kiin1 11:43

A bɛ́ á gã, á woo ǹ digolon li ǹ nə́ bĩ ǹ di "Davida a kiwi". A nɛgiĩ Roboamu giã a bǎã nɛ pàã la.

Kiin1 12:17

Sɛnɛ Izirayeli minin mɛnɛn nə goã giã-n Zudaa gána nɛ, Roboamu giã bɛn mìi la.

Kiin1 14:20

Zeroboamu ná á lɛ̀ fuəwenpaa zɛnaa pàã la, á tɔ́n gã. A bɛ́ á gã, a nɛgiĩ Naadaabu na á pàã saa a bǎã nɛ.

Kiin1 14:31

Roboamu gã, ǹ nə ǹ digolon bĩ yala mɛn nɛ, ǹ ná a dɔ bĩ walan "Davida a kiwi". Roboamu ǹ dan tɔ na á goã Naamaa, Amɔn tɔrɔ nɛ. Roboamu a nɛgiĩ Abiyamu kii baa a bǎã nɛ.

Kiin1 22:42

Zozafati bɛ́ kii biɛ, bɛ̀ a lɛ̀ pɔsɔɔ ka sooro ne. A na á kiibaa zɛnaa lɛ̀ fuəwensooro Zeruzalɛmu kiwi. Ǹ dan tɔ na á goã Azubaa, Siili a nɛlɔ nɛ.

Kiin1 8:16

«Ma maa zaman Izirayeli minin lɛn waa má soo ǹ ne Ezipti gána nɛ ǹ mɛn pinaa, a kũ bɛa pinaa kɛ lɛ ganaa, ma kiwi kɔn bɔ Izirayeli tɔrɔn kiwin bii, ma maa kion dɔ walan ń giɛ ma tɔ á goɛ̃ la wa. Sɛnɛ man má Davida bɔ, màn mɛn bɛ́ toɛ a maa zaman Izirayeli lɛ a kii baa.»

Kiin1 8:29

N yii die a goã kɛa kion kɛ lɛ la penleen laanka tèlò ne, bǎã mɛn lɛ á ke ń bɔ n nə n tɔ da la. Kanna kəni, n too kɔ maa nyankɔ li kion kɛ nɛ.

Kiin1 8:44

Ta man nə́ n zaman lɛ yɔrɔ dia zii mɛn li, ǹ nə́ woo zia da ǹ zɔ́ɔn ganaa, bɛ̀ ǹ nə́ Dɛnaa Lawa nyankɔ, ǹ nə́ n yɔrɔ dia n kiwi yii gɔgoɛ̃ wole kɛ la, ka kion kɛ nɛ ma dɔ n tɔ la,

KZS2 12:1

Roboamu a kiibaa gòã bɛ́ á wɔ tán, màn mɛ a pàã li, a kɔ Dɛnaa Lawa a dí-pɛ kɛ lɛ doo wa. Izirayeli zaman tumaa dɔ nə n saa li.

KZS2 12:13

Roboamu a pàã gòã wɔ tán Zeruzalɛmu. Roboamu bɛ́ kii biɛ, bɛ̀ a lɛ̀ pusi ka goon ne. Á pàã yɛ parsiini. A lɛ̀ fulusɔbaa n kiibaa la Zeruzalɛmu, Dɛnaa Lawa kiwi mɛn lɛ bɔ Izirayeli tɔrɔn tumaa bii á ná a din tɔ da la. Ǹ dan nɛ ka Naama nɛ, Amɔn tɔrɔ nɛ.

KZS2 13:7

Fɔ̃ ma din li wolen man nə́ goã kun ni. Min babaraan manɛ, ǹ nə́ kaka kɔ ǹ nə́ la Salomɔn a nɛgiĩ Roboamu ni, nɛ ten ke-a ná a tɔn sii dɔ̃ bɔrɔ wa. A boo la á gòã doa ǹ bǎã yɛ ǹ li wa.

Bɔ bɛ̀rɛbaa nɛ 20:24

Ka *wúlu bɔ ǹ bǎã dɔ ka tii ni masɛ wɔ lɛa, ka wúlu mànan dɛ ka ǹ tã la, ka bii kɔɔ̃n kɔ kɔn ka Lawa nɛ ǹ wúlu mànan nɛ. Ka ǹ bɔ, sèren laanka diin ni. Ma bɛ́ re bǎãn mɛnɛn nyɛɛ, ka ma guguru kɔ ǹ nɛ, ma á re die walan, ma barka da ka ganaa.

Izayii 12:6

Nsɛ mɛn bɛ́ giã-n *Siɔn, foo kɔɔ̃nbaa ǹ lɛ dɛ ka n foo tumaa nɛ, a giala, min mɛn bɛ́ kunun n ni, á gole Izirayeli a Lawa sonbore kɛ nɛ.

Timəə dí-pɛn 12:21

Kaa Lawa, Dɛnaa Lawa bɛ́ re bǎã mɛn lɛ boe a n din tɔ da la, bɛ̀ bɛ wɔlɔ á sɔsɔɔ ka mɛnɛn ganaa, Dɛnaa Lawa bɛ́ re tɔɔn mɛnɛn koe ka la, ta a gole hinlaa a boɛɛn nɛ, didie na a wɔ dɛ a din a kiwi, ka ma bɛ́ má pɛ ka-n lɔn. Ka bɛ́ giɛ li mà ka siĩ lɛ sɔ̃ lɔn, ka á re soɛ̃ miɛ̃.

Timəə dí-pɛn 12:5

Kaa Lawa, Dɛnaa Lawa bɛ́ re bǎã mɛn boe kaa tɔrɔn lɛn bii, a n tɔ da la, a baa a giã ǹ bǎã lɛa, ka doamaa-n ka wo a guguru kɔ bɛa bǎã lɛ dinsɔɔ̃ nɛ.

Timəə dí-pɛn 23:3

Lɔ laanka giĩ a tá-kun mɛn bɛ́ a n zɛnaa a yɔrɔ li wa, bɛa nɛ doamaa bie a giã kun ka Dɛnaa Lawa a zaman nɛ wa. Haalɛ a nɔ̀ɔ fulupaa a fùbaa ǹ wɔn dinin doamaa bie ǹ giã kun ka Dɛnaa Lawa a zaman nɛ wa.