Kiin1 12:29 - LAWA A BOO SONBORE

²⁹ Á diin nɛ nyín sanadɛnaa lɛ a goon koa Betɛli kiwi, á goon kɛ dɔ koa Dan kiwi.

LAWA A BOO SONBORE 2011

²⁹ Á diin nɛ nyín sanadɛnaa lɛ a goon koa Betɛli kiwi, á goon kɛ dɔ koa Dan kiwi.

Kiin1 12:29 ပူးပေါင်းရင်းမြစ်များ

Siin Giala 12:8

Á yoo walan á woo kelen bǎã nɛ Betɛli a lɛ̀giala gɔn la. Á Betɛli toa lɛ̀nyɛɛn gɔn la, á Ayii toa lɛ̀giala gɔn la, a ná a zìã dɔ bɛn bii ni. Á wusoo á wúlu bɔ ǹ bǎã kɔsɔ dɔ Dɛnaa wɔ lɛa walan doo, a ná a nyankɔ, a n bíi ka a tɔ nɛ.

Siin Giala 14:14

Abramu bɛ́ á ǹ dɔɔ̃n lɛa kuĩ boo ma ǹ mɛn waáraa, a dí-nyalin mɛnɛn nə yɛ a kion, ǹ nə́ boe ziabaa la, á bɛn min biɛsɔɔ ka fulukiwisi (318) goa, á kiin lɛn loo yǎa Dan kiwi.

Siin Giala 28:19

Á bɛa bǎã lɛ bíi Betɛli, bɛ giala mà "Lawa a Kion". Sɛnɛ lɛlɛ, kiwi lɛ tɔ na á goã Luuzu.

Siin Giala 35:1

Bɛ kio, Lawa pɛ Zakɔba nɛ: «Yoo n wo Betɛli, n giã walan. N *wúlu bɔ ǹ bǎã dɔ masɛ Lawa-n walan, man din nyaa n nɛ bǎã mɛn nɛ, bɛ̀ n bɛ́ baa sii n gologiĩ Ezawu nyɛɛnɛ.»

Kiin1 13:4

Kii Zeroboamu lɛ bɛ́ á Lawa a boo gii-dali lɛ ma boo diɛ ka paraa nɛ, Betɛli kiwi a wúlu bɔ ǹ bǎã lɛ ganaa, á n gɔn saa á dia lon wúlu bɔ ǹ bǎã lɛ lalan á paraa: «Ka giĩ kɛ kũ.» Sɛnɛ a n gɔn mɛn lɛ nyaa Lawa a boo gii-dali lɛ ganaa, bɛa gɔn lɛ gã, a ba boe la a tá wusii mɔrɛ a din ganaa doo wa.

Kiin1 15:20

Bɛn-Adaadi lɛ lɛ kɔ kii Azaa a boo lɛ ganaa. Á ná a sɔraasin nyɛɛnaadɛnan dia woe Izirayeli gána a kiwin gialaa. Ǹ nə́ Iyɔn kiwi kũ, Dan kiwi ni, Abeli-Bɛti-Maakaa kiwi ni, Kinerɛti bǎã tumaa nɛ, ka Nɛfutalii gána kuturu ni.

Kiin2 10:29

Sɛn kəni, Nebaati a nɛgiĩ Zeroboamu mɛn lɛ goã á Izirayeli minin kaa sii baraa zɛnaa ganaa, bɛa sii baraan kɛn, Zewu nə n bɔ bɛn wɔlɔ li wa. Diin nɛ nyín sanadɛnan mɛnɛn nə goã Betɛli laanka Dan nɛ, a n bɔ bɛn wɔlɔ li wa.

Kiin2 2:2

Yilii pɛ Yiliizee ne: «Bǐɛ̃ kɔ n golee kànaa, a giala Dɛnaa Lawa n ma diɛ yǎa Betɛli kiwi.» Yiliizee ná a lɛ si kɛnɛn: «N bɛ́ nə n tan, Dɛnaa Lawa Yiikoonaa lɛ tɔ nɛ, ma ba n niɛ̃ n ganaa wa.» Ǹ nə́ tɔ́n kiɛ̃, ǹ nə́ woo Betɛli.

KZS2 13:8

Kanna kəni, ka n taasɛ mà pàã tá ka lon, ka nə́ n gòãn dii Dɛnaa *Lawa a kiibaa kɛ ganaa á kɔ Davida a kion minin la. Ka n gigiã sɔraasi zaman lɛa. Sana dii nɛn tá kun ka ka nɛ, Zeroboamu nə ǹ mɛnɛn kɔ ka la, mà ǹ kaa lawan baa.

Zeremii 48:13

Ka bɛ-n kəni, Moabu á re sìi koe dì Kemɔɔsi ganaa ka Izirayeli zaman bɛ́ á sìi kɔ Betɛli ganaa lɔn, a n foo doa ǹ mɛn lɛ la.

Zeremii 8:16

Zɔ́ɔ nə́ n toa Dan á die. Ǹ sùin lɛ baa wuu n boe. Tán tumaa n bìn diɛ ǹ lɛ baa nyɛɛnɛ. Ǹ nə́ ke yii die, maǹ die gána lɛ ziziɛ̃, kɔnlɛ ka a gɔ́ɔ̃gɔ́ɔ̃ ǹ màn tumaa nɛ, ka kiwi lɛ laanka a minin ni.

Ozee 10:5

Nyɛ́ɛ n Samarii minin kɛn ganaa ka ǹ diin nɛ nyín kɛa sii ni, Bɛti-Avɛn kiwi. Zaman lɛ n wuu pii dì lɛ taman yii. Min mɛnɛn bɛ́ n dinin biɛ a wúlu-bɔlen lɛa, bɛ́n man bìn diɛ a nyɛɛnɛ. A giala a siĩnbaa lɛ woo sɔsɔɔ ǹ ganaa.

Ozee 4:15

Izirayeli minin lɛn, bɛ̀ ka á kaa kɔrɔbaa lɛ zɛnɛɛ, ka zɛnaa! Sɛnɛ kasɛn Zudaa minin lɛn, ka baran n saa ǹ li wa! Ka nyan wo *wúlu bɔ ǹ bǎã kɛ nɛ Gilgaali wa, ka nyan wo Bɛti-Avɛn wa, sii baraa zɛnaa ǹ kion ke. Ka nyan nə n liɛ ka ka Dɛnaa Lawa Yiikoonaa tɔ-n wa!

Amɔɔsi 5:5

Sɛnɛ, ka nyan ga ma li Betɛli wa, ka nyan wo ma guguru kɔ Gilgaali wa, ka nyan nə n gòã da Bɛɛr-Sebaa dɔn wa. A giala, ǹ tá re Gilgaali minin tumaa goɛ ǹ wo ǹ ne bǎã kɔsɔ nɛ. Lawa a kion ke, a tɔ n Betɛli, bɛ á re kion kooro biɛ.

Amɔɔsi 7:13

Sɛnɛ, n nyan toa n pɛ mà n nə n Lawa a boo gii diɛ Betɛli doo wa. A giala, Betɛli kiwi lɛ n kii a giã ǹ bǎã lɛa, gána lɛ a bǎã gole lɛa.»

Amɔɔsi 8:14

Min mɛnɛn bɛ́ n liɛ ka Samarii kiwi a dì kɛ tɔ nɛ, ǹ mɛnɛn bɛ́ pii mà Dan tɔrɔn dì kɛ yii die a goã koo, ǹ mɛnɛn bɛ́ mà Bɛɛr-Sebaa a wùlu-bɔ kɛ a sii die a goã a gòãn la miɛ̃, bɛn tá re boe ǹ kaa, ǹ nə́ ǹ ba re boe la ǹ yoo doo duduu wa.

Timəə dí-pɛn 34:1

Muizu nə́ n toa Moabu a diə bǎã kɛ nɛ, á woo dii Neboo kele la, Pisigaa kele kɛ mìi ni, Zerikoo kiwi yɔrɔ-a. Dɛnaa Lawa gána lɛ tumaa nyaa nɛ: A saa Galaati gána ganaa a wo Dan gána yaa,

Zozoe 7:2

Bɛ lɛ kio-n kəni, Zozoe nə́ n toa Zerikoo kiwi, á minin dia Ayii kiwi kɛ nɛ kunu Bɛti-Avɛn li, Betɛli a lɛ̀giala gɔn la. Á pɛ ǹ nɛ mà ǹ woo ǹ nə n bibiə̃, ǹ ga gána lɛ ganaa. Bɛa minin lɛn nə́ woo, ǹ nə́ n bibiə̃ ǹ nə́ ga Ayii kiwi lɛ ganaa.

Sii yɔrɔ-bɔlen 18:26

Dan tɔrɔn lɛn nə́ kiɛ̃ ka ǹ zii ni. Miikaa bɛ́ á yɛ, mà ǹ pàã la asɛ nɛ, á n lɛ goa á woo piɛ.

Sii yɔrɔ-bɔlen 20:1

Izirayeli minin lɛn tumaa soo, a saa Dan kiwi ganaa gɔsɛ a lɛ̀gɔn la, yǎa Bɛɛr-Sebaa kiwi gusin a lɛ̀gɔn la, a wo Galaati gána kɛ yaa. Zaman lɛ tumaa nə́ ǹ wɔ kaa kun, ǹ nə́ n lɛ sɔkɔn Dɛnaa Lawa yɔrɔ-a Mispaa.