Kiin1 12:28 - LAWA A BOO SONBORE

²⁸ Kii Zeroboamu nɔ̀n da min tɛnɛn la ka yiri ni, á diin nɛ nyín paa zɛnaa ka sana nɛ, á pɛ zaman lɛ nɛ: «Kaa wo Zeruzalɛmu lɛ la yii ni, Izirayeli minin lɛn, kaa dìn lɛn nə́ ke, kɛn lɛn man nə́ ka waa Ezipti gána nɛ ǹ nə́ soo ka nɛ.»

LAWA A BOO SONBORE 2011

²⁸ Kii Zeroboamu nɔ̀n da min tɛnɛn la ka yiri ni, á diin nɛ nyín paa zɛnaa ka sana nɛ, á pɛ zaman lɛ nɛ: «Kaa wo Zeruzalɛmu lɛ la yii ni, Izirayeli minin lɛn, kaa dìn lɛn nə́ ke, kɛn lɛn man nə́ ka waa Ezipti gána nɛ ǹ nə́ soo ka nɛ.»

Kiin1 12:28 ပူးပေါင်းရင်းမြစ်များ

Kiin1 14:9

Min mɛnɛn tumaa kiɛ̃ n nyɛɛnɛ, ń dí baraa nya á la bɛn manɛ. Ń yoo n nə n daa guguru kɔ ǹ mànan la n nə ǹ zɛnaa ka màn nyínin ni fɔlɔ lɛa, ń ma foo busu. N ma dinmaa lɛ sɛ zũ kio.

Kiin1 15:26

Sii mɛn bɛ́ baraa Dɛnaa Lawa yii li, Naadaabu bɛ zɛnaa. A na á kɔ ǹ di a nya ǹ dín lɛ. Ǹ di goã á Izirayeli minin kaa sii baraa-n lɔn, a dɔ́ zɛnaa miɛ̃.

Kiin1 16:19

A sii baraan mɛnɛn lɛn zɛnaa, bɛn man nə́ daa ka kɛ nɛ. Sii mɛn bɛ́ baraa Dɛnaa Lawa yii li, a na á goã bɛ zɛnɛɛ. A na á kɔ Zeroboamu a nya ǹ dín lɛ. Zeroboamu din sii baraa zɛnaa lɔn, a Izirayeli minin kaa a zɛnaa ganaa lɔn, Zimirii dɔ na á zɛnaa miɛ̃.

Kiin2 10:29

Sɛn kəni, Nebaati a nɛgiĩ Zeroboamu mɛn lɛ goã á Izirayeli minin kaa sii baraa zɛnaa ganaa, bɛa sii baraan kɛn, Zewu nə n bɔ bɛn wɔlɔ li wa. Diin nɛ nyín sanadɛnan mɛnɛn nə goã Betɛli laanka Dan nɛ, a n bɔ bɛn wɔlɔ li wa.

Kiin2 17:16

Ǹ nə́ ǹ Lawa, Dɛnaa Lawa lɛ a gɔn waa ǹ boon toa walan, ǹ nə́ diin nɛ nyin màn paa zɛnaa ǹ dinin wɔ lɛa, ǹ nə́ dì Aseeraa kɛ nyin zɛnaa, ǹ nə́ lon gɔ̀nɔn ganaa ǹ mànan kɛn tumaa guguru kɔ, ǹ nə́ dí nya dì *Baali dɔ nɛ.

Kiin2 17:8

Dɛnaa Lawa goã á gánan mɛnɛn loo á ǹ bɔ ǹ bǎã nɛ Izirayeli minin lɛn nyɛɛnɛ, bɛn nə goã landa siin mɛnɛn zɛnɛɛ Izirayeli minin lɛn dɔn nə́ goã bɛn zɛnɛɛ. Izirayeli gána a kiin nə goã ǹ nə́ soo ka landa siin mɛnɛn nɛ, Izirayeli minin lɛn nə́ goã bɛn dɔn zɛnɛɛ.

KZS2 11:14

Levii tɔrɔn nə́ n la bɔ ǹ tánan ganaa kiwin kɛn lɛkoro-a ka ǹ gɔn mànan nɛ, ǹ nə́ daa Zudaa ka Zeruzalɛmu. A giala, Zeroboamu laanka a nɛnyaanan man nə́ ǹ kurəə Dɛnaa Lawa a wúlu-bɔlebaa ǹ dí nyɛɛ ganaa.

KZS2 11:15

Zeroboamu ná a din dùũ wúlu-bɔlen bɔ, dìn wúlu bɔ á lɛa, butumu laanka dii nɛn kɔnboen lɛa, a din nə ǹ mɛnɛn zɛnaa.

KZS2 13:8

Kanna kəni, ka n taasɛ mà pàã tá ka lon, ka nə́ n gòãn dii Dɛnaa *Lawa a kiibaa kɛ ganaa á kɔ Davida a kion minin la. Ka n gigiã sɔraasi zaman lɛa. Sana dii nɛn tá kun ka ka nɛ, Zeroboamu nə ǹ mɛnɛn kɔ ka la, mà ǹ kaa lawan baa.

KZS2 15:3

Haalɛ bibi, wɔ digolo Izirayeli tɔrɔn lɛn man nə́ goã bii-a ǹ Lawa taãn na a banban wa. Lawa a wúlu-bɔle banban a tá ǹ darɛɛ wa, ǹ landa dɔ banban wa.

KZS2 17:4

A n giɛ ǹ digolon Lawa li á n koe a dí-pɛn lɛ. Izirayeli minin kɛn nə goã sii mɛn zɛnɛɛ, asɛ ba koe bɛ lɛ wa.

KZS2 21:6

Akaabu a nɛlɔ na á goã a lɔ lɛa, bɛ lɛ nɛ, a dɔ Izirayeli gána a kiin lɛn tɔ wɔ ǹ gɔn saa ka Akaabu a kion minin wɔ bɛ́ lɔn. Sii mɛn bɛ́ baraa Dɛnaa Lawa yii li, a na á bɛ zɛnaa.

KZS2 33:7

Á dì goon nyín sɛlɛ á da Lawa a kion. A da yǎa dɔn, Lawa goã á pɛ Davida laanka a nɛgiĩ Salomɔn nɛ: «Man die n tɔ toɛ kion kɛ lɛ gɔ́ɔ̃ nɛ Zeruzalɛmu, yǎa duduu. Man má kiwi kɛ lɛ bɔ Izirayeli tɔrɔ fulupaa a kiwin tumaa bii.

Bɔ bɛ̀rɛbaa nɛ 1:10

Ka daa wɔ ga yiri sonbore li, wɔ yoo ǹ gialaa wɔ ǹ kurəə mɔnaa ganaa. Bɛ bie wa, bɛ̀ zia yoo, maǹ die kiɛ kun ka wɔa zɔ́ɔn nɛ, ǹ zia da wɔ ganaa, ǹ tɔn soo ǹ nə n bɔ gána lɛ nɛ.»

Bɔ bɛ̀rɛbaa nɛ 20:4

- N baran màn nyín zɛnaa n bɛ baa n Lawa lɛa wa. A baran lon màn yiikoonaa baa wa, tán wɔ nɛ, ka mu giulun wɔ-n wa.

Bɔ bɛ̀rɛbaa nɛ 32:25

Muizu yɛ, mà Aarɔn na á toa, zaman lɛ ná a din dùũ sii zɛnaa, a n die ǹ zɔ́ɔn yaa wɔ ǹ ganaa gòã biɛ.

Bɔ bɛ̀rɛbaa nɛ 32:4

Aarɔn bɛa sana kɛ lɛ si ǹ gɔn, á yo á zɛnaa diin nɛ nyí lɛa. Ǹ nə́ tɔ́n pɛ kəni: «Haya, Izirayeli minin lɛn! Kaa lawa lɛ á ke, ǹ mɛn lɛ ka bɔ Ezipti gána nɛ, á soo ka nɛ!»

Bɔ bɛ̀rɛbaa nɛ 32:8

Á ke, ma zii mɛn nyaa ǹ nɛ, ǹ nə n foo kũ, ǹ nə́ goã bɛ la wa, ǹ nə́ ke ǹ nə́ kanaa ǹ nə́ n bɔ la. Á ke, ǹ nə́ diin nɛ nyín zɛnaa, ǹ ná a guguru kɔ, ǹ nə́ wúlu mànan dɛ a ganaa. Ǹ nə́ pɛ kɛnɛn dɔn dinin: «Haya, Izirayeli minin lɛn, kaa lawa lɛ á ke, ǹ mɛn lɛ ka bɔ Ezipti gána nɛ, á soo ka nɛ.»

Suusun 14:12

Min tá boe la a taasɛ mà asɛ a giã ǹ gɔn tá siĩni a da yaa dɔn, a woe-n geren piɛ.

Izayii 30:1

Dɛnaa Lawa a da ǹ boo á ke: Nɛnyaan piã wolen lɛn, kaa wɔ n ka koe ne. Ka ǹ siin lɛ boe, ǹ nə́ ǹ ba boe masɛ li wa. Ka ǹ lɛ kɔ we, masɛ bɛ́ ma ba ǹ mɛn li wa. Ka ǹ sii baraan kiɛ kɔn la.

Izayii 30:10

Maǹ pii sii-nyaalin manɛ: «Ka nyan sii-nyaa yɛ doo wa.» Maǹ pii Lawa a boo gii-dalin manɛ: «Ka nyan Lawa a boo gii da wɔ-n doo wa. Boo mɛn bɛ́ sonbore lɛa, ka nyan bɛ pɛ wɔ-n doo wa. Boo mɛn bɛ́ kɔɔ̃n wɔ too ne, haalɛ ta a n soɛ lɛa, ka bɛ pɛ wɔ nɛ.»

Ezekieli 16:26

Zeruzalɛmu, n kɔrɔbaa zɛnaa kun ka Ezipti minin kɛn nɛ, n miãkɛnɛn lɛn, ǹ tɔntɔraabaa n gole. N màn da n kɔrɔbaa lɛ li, yǎa ń má foo yoo.

Ezekieli 23:8

A kɔrɔbaa mɛn lɛ giala kɔ Ezipti gána nɛ, a bɛ lɛ da wa. A giala, maǹ nə́ goã giɛ̃ kun ni haalɛ a tenmaa waáraa, ǹ nə́ goã a nɛniɛbaa ǹ nyɔn kɛn kuĩ, bɛ̀ ǹ da naarɛbaa ganaa.

Ozee 10:10

Man die dɔlɔ boe n ganaa ma foo yii li. Tɔrɔ kɔsɔn tá re n soekɔn ǹ da ka gialaa, a giala n tɔ nə n sii baraa màn paa kɛ lɛ lɛ da wa.

Ozee 10:8

Ǹ wúlu bɔ ǹ bǎãn kɛn Avɛn bɛ́n tá re ziziɛ̃, Izirayeli sii baraa zɛnaa bǎã mɛn lɛ nɛ. Buu laanka nyan tá re boe ǹ wúlu bɔ ǹ bǎãn nɛ. Ǹ tá re pii bɛa biikoo li kəni: «Kelen lɛn, ka n kɔ wɔ lɛ! Tentenen lɛn ka bɔ ka mɛ wɔ la!»

Amɔɔsi 5:5

Sɛnɛ, ka nyan ga ma li Betɛli wa, ka nyan wo ma guguru kɔ Gilgaali wa, ka nyan nə n gòã da Bɛɛr-Sebaa dɔn wa. A giala, ǹ tá re Gilgaali minin tumaa goɛ ǹ wo ǹ ne bǎã kɔsɔ nɛ. Lawa a kion ke, a tɔ n Betɛli, bɛ á re kion kooro biɛ.

Amɔɔsi 8:14

Min mɛnɛn bɛ́ n liɛ ka Samarii kiwi a dì kɛ tɔ nɛ, ǹ mɛnɛn bɛ́ pii mà Dan tɔrɔn dì kɛ yii die a goã koo, ǹ mɛnɛn bɛ́ mà Bɛɛr-Sebaa a wùlu-bɔ kɛ a sii die a goã a gòãn la miɛ̃, bɛn tá re boe ǹ kaa, ǹ nə́ ǹ ba re boe la ǹ yoo doo duduu wa.

Piɛrɛ2 2:19

Maǹ pii bɛa minin kɛn lɛn manɛ, mà ǹ tá re yii-nyɛɛ yii, a da yaa ǹ dinin dɔn man bɛ̀rɛn lɛa lɛ-mui siin gɔn, ǹ mɛnɛn bɛ́ woe ǹ kiɛ gɛ̀ nɛ. A giala, sii mɛn bɛ́ á min kũ á yii ka kaka, ma n bɛa sii lɛ a bɛ̀rɛ lɛa.

Samayeli1 27:1

Davida taasɛ a din gɔ́ɔ̃-n kɛnɛn: «Ta á n baa lɔn, masɛ á re bɔ̀n biɛ Sayulu gɔn ǹ kɔn pinaa. Màn kɔn din ba soɛ masɛ ganaa, á dɔ maa baa si a wo Filisiti minin gána-n li wa. Bɛ̀ á n baa miɛ̃, Sayulu á re masɛ a gamali lɛ diɛ, Izirayeli gána kuturu ni, bɛ á re n biɛ maa la lɛa Sayulu la.»