Kiin1 12:27 - LAWA A BOO SONBORE

²⁷ Mà bɛ̀ zaman kɛ goã woe wúlu boe Lawa a kion miɛ̃, Zeruzalɛmu, mà ǹ dɛnaagiĩ Roboamu lɛ, Zudaa gána a kii lɛa, mà bɛ sii tá re wusii a wɔ ǹ foo ne, mà asɛ mɛn nə́ ke, mà ǹ tá re asɛ dii.

LAWA A BOO SONBORE 2011

²⁷ Mà bɛ̀ zaman kɛ goã woe wúlu boe Lawa a kion miɛ̃, Zeruzalɛmu, mà ǹ dɛnaagiĩ Roboamu lɛ, Zudaa gána a kii lɛa, mà bɛ sii tá re wusii a wɔ ǹ foo ne, mà asɛ mɛn nə́ ke, mà ǹ tá re asɛ dii.

Kiin1 12:27 ပူးပေါင်းရင်းမြစ်များ

Siin Giala 26:7

Bǎã lɛ a minin nə́ nɔ̀n da la, a lɔ wɔ paǹ li. Izaaki pɛ ǹ nɛ, mà asɛ miãnɛn nɛ. A n pii mà bǎã lɛ a minin tá re asɛ dii Rebeka a lɛa, a giala, Rebeka goã siĩn parsiini. Bɛ lɛ a nyɛ́ɛ na á kũ, a lɛ kɔ á pɛ, mà Rebeka na asɛ a lɔ lɛa wa.

Kiin1 11:32

Sɛnɛ tɔrɔn lɛn goon tá re goɛ̃ Salomɔn gɔn, maa a dí-nyali Davida lɛ a lɛa, ka Zeruzalɛmu kiwi kɛ nɛ, má a yii gɔgɔɔ̃ Izirayeli a bǎã tumaa bii.

Kiin1 12:26

Zeroboamu taasɛ a din gɔ́ɔ̃ nɛ mà sii kɛ bɛ́ gòã mɛn ganaa, mà kiibaa lɛ á boe la a wusoo a dɔ Davida a minin ganaa.

Kiin1 8:44

Ta man nə́ n zaman lɛ yɔrɔ dia zii mɛn li, ǹ nə́ woo zia da ǹ zɔ́ɔn ganaa, bɛ̀ ǹ nə́ Dɛnaa Lawa nyankɔ, ǹ nə́ n yɔrɔ dia n kiwi yii gɔgoɛ̃ wole kɛ la, ka kion kɛ nɛ ma dɔ n tɔ la,

Loen 120:1

Wo Zeruzalɛmu loe. Maa fuu kɛ gɔ́ɔ̃ nɛ, má n lɛ dɛ Dɛnaa Lawa ganaa, á ma lɛ si dɔn.

Suusun 29:25

Nyɛ́ɛ n kan lɛa min kuĩ. Sɛnɛ, min mɛn bɛ́ n din sii we Dɛnaa Lawa gɔn, bɛa dɛnaa tamaamaa nɛ.

Timəə dí-pɛn 12:11

Bɛa biikoo li kəni, kaa Lawa, Dɛnaa Lawa lɛ din tá re bǎã goon boe, a n tɔ da la. Ma laa ka ganaa máa ka die ka wo ka mànan mɛnɛn tumaa nɛ, ka die ka wo ǹ ne walan: wúlu màn tiɛ̃n manɛ, kaa barka da ǹ wúlu mànan nɛ, mànan fùfùbaa ǹ wɔn nɛ, Lawa gɔ ǹ wɔn nɛ ka màn mɛn tumaa bɛ́ ká n lɛ kɔ mà ka á re koe Dɛnaa Lawa la.

Timəə dí-pɛn 12:14

Sɛnɛ, Dɛnaa Lawa bɛ́ re bǎã mɛn boe kaa tɔrɔn lɛn bii, ka kaa wúlu mànan tã bɛa bǎã lɛ dinsɔɔ̃ nɛ. Man gɔn waa ka nɛ ka sii mɛn tumaa nɛ, ka a tumaa zɛnaa walan lɛ dinsɔɔ̃ nɛ.

Timəə dí-pɛn 16:2

Ka bɛ́ re wúlu mànan mɛnɛn koe Dɛnaa Lawa la kiɛ̃mala ǹ zɔ́n lɛ wɔ lɛa, tɔɔ bisinin laanka a dadaran nɛ, kaa Lawa, Dɛnaa Lawa din bɛ́ re bǎã mɛn boe a n tɔ da la, ka die ka bɛn dɛ walan.

Timəə dí-pɛn 16:6

Sɛnɛ, kaa Lawa, Dɛnaa Lawa din bɛ́ re bǎã mɛn boe a n tɔ da la, ka zɛnaa walan, wasamiɛ̃nɛ, wasa a yii sã biikoo li, a kɔnpɛ ka kaa soo Ezipti gána-n pinaa nɛ.