Kiin1 12:26 - LAWA A BOO SONBORE

²⁶ Zeroboamu taasɛ a din gɔ́ɔ̃ nɛ mà sii kɛ bɛ́ gòã mɛn ganaa, mà kiibaa lɛ á boe la a wusoo a dɔ Davida a minin ganaa.

LAWA A BOO SONBORE 2011

²⁶ Zeroboamu taasɛ a din gɔ́ɔ̃ nɛ mà sii kɛ bɛ́ gòã mɛn ganaa, mà kiibaa lɛ á boe la a wusoo a dɔ Davida a minin ganaa.

Kiin1 12:26 ပူးပေါင်းရင်းမြစ်များ

Kiin1 11:38

Ma bɛ́ re n gɔn wɛɛ n nɛ ka sii mɛn tumaa nɛ, bɛ̀ n nə n too kɔ bɛ ganaa, ma bɛ́ re zii mɛn nyɛɛ n nɛ, bɛ́ ń kɔ bɛ lɛ, sii mɛn bɛ́ pepere ma yii li, bɛ̀ ń bɛ zɛnaa, bɛ̀ ń maa landa boon laanka maa gɔn waa ǹ boon kɛn tamaa ka maa dí-nyali Davida zɛnaa lɔn, ma á die goɛ̃ kunun n ni. Ma á die n kion lɛ gòãn we tán ka ma Davida wɔ baa lɔn. Ma á die Izirayeli tɔrɔn biɛ n wɔ lɛa.

Kiin1 12:25

Zeroboamu kungɔn dɔ Sisɛmu kiwi ganaa, Efrayimu kele yii ni, á giã walan. Bɛ kio, á soo walan, á woo kungɔn dɔ Penuweli kiwi ganaa.

Kiin1 12:27

Mà bɛ̀ zaman kɛ goã woe wúlu boe Lawa a kion miɛ̃, Zeruzalɛmu, mà ǹ dɛnaagiĩ Roboamu lɛ, Zudaa gána a kii lɛa, mà bɛ sii tá re wusii a wɔ ǹ foo ne, mà asɛ mɛn nə́ ke, mà ǹ tá re asɛ dii.

Kiin1 15:17

Izirayeli gána a kii Bayesaa woo kɔ Zudaa gána lɛ ka zia nɛ. Á kungɔn dɔ Ramaa kiwi ganaa, màn mɛn bɛ́ toɛ a zii tã Zudaa gána a kii Azaa ganaa.

Kiin2 13:2

Sii mɛn bɛ́ baraa Dɛnaa Lawa yii li, a na á bɛ zɛnaa. Nebaati a nɛgiĩ Zeroboamu goã á Izirayeli minin kaa sii baraan mɛnɛn zɛnaa ganaa, Zoakazi dɔ na á kɔ bɛn lɛ, a n bɔ ǹ wɔlɔ li wa.

KZS2 20:20

Bɛa lɛawaa baayɛlɛ yiisoo, zaman tumaa zii saa ǹ nə́ woe Tekoa diə gole ne. Ǹ woo waáraa, Zozafati nə́ n doa ǹ nyɛɛnɛ á pɛ ǹ nɛ: «Zeruzalɛmu laanka Zudaa minin lɛn, ka n too kɔ ma lon! Ka n foo tumaa doa Dɛnaa Lawa, kaa Lawa ganaa, ka á re pàã yii. Ka n foo tumaa doa a boo gii-dalin kɛn ganaa, gɔ̀lɔ̀baa n die goɛ̃ kaa wɔ lɛa!»

Loen 14:1

LOE-saalin goledɛnaa loe mɛn lɔ. Davida a loe n ke. Baãnaan man pii ǹ dinin gɔ́ɔ̃ nɛ mà Lawa banban. Bɛa minin kɛn nə́ ziziɛ̃, maǹ sii bɔnɛɛ zɛnɛɛ, ǹ kɔn ba sii bǐɛ̃ zɛnɛɛ wa.

Suusun 14:12

Min tá boe la a taasɛ mà asɛ a giã ǹ gɔn tá siĩni a da yaa dɔn, a woe-n geren piɛ.

Izayii 7:9

Samarii kɛ dɔ Efrayimu tɔrɔn kiwi gole lɛa, Remalia a nɛgiĩ sɛ n kii lɛa walan. Bɛ̀ ka n foo doa Dɛnaa Lawa ganaa wa, ka a re yii-nyɛɛ yii wa.

Luku 7:39

Fariziɛ̃n giĩ lɛ á Yezu bíi màn bii-a, a bɛ́ á sii kɛ yɛ, á pɛ a din gɔ́ɔ̃-n kɛnɛn: «Bɛ̀ giĩ kɛ n Lawa a boo gii-dali lɛa sonbore, lɔ ke n gɔn diɛ a ganaa, bɛ̀ á dɔ̃ a bɛ́ màn mɛn lɛa, bɛa lɔ kɔrɔ kɛ lɛɛ!»

Zaã a sɛ́wɔ 12:19

*Fariziɛ̃n nə́ tɔ́n pɛ kɔn nɛ mà haya! Mà ǹ yii bɛ́ a ganaa, mà ǹ ba re boe sii kɔ́n la wa. Mà min tumaa á ke toɛ̃ koe a kio lɛ!

Samayeli1 27:1

Davida taasɛ a din gɔ́ɔ̃-n kɛnɛn: «Ta á n baa lɔn, masɛ á re bɔ̀n biɛ Sayulu gɔn ǹ kɔn pinaa. Màn kɔn din ba soɛ masɛ ganaa, á dɔ maa baa si a wo Filisiti minin gána-n li wa. Bɛ̀ á n baa miɛ̃, Sayulu á re masɛ a gamali lɛ diɛ, Izirayeli gána kuturu ni, bɛ á re n biɛ maa la lɛa Sayulu la.»