Kiin1 12:13 - LAWA A BOO SONBORE

¹³ Sɛnɛ yiri mɛn bɛ́ min golen lɛn nə́ goã ǹ nə́ kɔ kii lɛ la, á bɛ toa walan á zaman lɛ lɛ si ka boo basaã nɛ.

LAWA A BOO SONBORE 2011

¹³ Sɛnɛ yiri mɛn bɛ́ min golen lɛn nə́ goã ǹ nə́ kɔ kii lɛ la, á bɛ toa walan á zaman lɛ lɛ si ka boo basaã nɛ.

Kiin1 12:13 ပူးပေါင်းရင်းမြစ်များ

Siin Giala 16:6

Abramu tɔ́n Sarayii lɛ si á pɛ: «N bɛ̀rɛlɔ lɛ á ke. A nə n wɔ gɔ́ɔ̃ nɛ, bɛ̀ sii mɛn kɔɔ̃n kɔ n ganaa, n bɛ zɛnaa nɛ.» Sarayii tɔ́n kũ baraa. Agaara nɔmaa á baa si á n bɔ a li, á woo bǎã sɔsɔɔ nɛ.

Siin Giala 42:30

Ǹ nə́ pɛ nɛ: – Giĩ mɛn bɛ́ gána lɛ mìi la, á kakaarɛ kɔ wɔsɛn ganaa. A na a yiri ni, ka wɔsɛn man wɔ daa ga gána lɛ ganaa ka gɔ́ɔ̃ nɛ.

Siin Giala 42:7

Zozɛfu nə́ ǹ golon lɛn yɛ, á ǹ dɔ̃. Sɛnɛ, á n din duru ǹ ganaa, á kakaarɛ kɔ ǹ ganaa. Á pɛ ǹ nɛ: «Ka ǹ boe maa?» Ǹ ná a lɛ si: «Wɔ ǹ boe Kanaan gána nɛ. Wɔ n wɔ́ daa belee pii.»

Samayeli2 19:43

Zudaa minin lɛn tumaa tɔ́n pɛ Izirayeli minin lɛn manɛ. Dɔɔ̃nbaa tá wɔsɛn laanka kii lɛ bii á la ka nɛ. Wàa na á baa kasɛn foo á yui bɛ taman yii. Kii lɛ na á màn-bii kɔ wɔsɛn la wɔ́ bii? Kii lɛ na á màn bɔ á kɔ wɔsɛn la?

Kiin1 12:12

Lɛawaa sɔɔ bɛ kio, Zeroboamu laanka zaman lɛ tumaa daa Roboamu li, ka kii lɛ goã á pɛ ǹ nɛ lɔn mà ǹ nə bɔyaa ǹ da asɛ li, lɛawaa sɔɔ gɔ́ɔ̃ nɛ.

Kiin1 12:14

Min tenən lɛn nə yiri mɛn kɔ la, a na á boo da ka zaman lɛ nɛ, á kɔnpɛ ka bɛ nɛ: «Maa díi guĩ guguru da ka mìi ni, masɛ n die màn diɛ bɛa guĩ lɛ li, maa díi na á ka duwəə ka sɛ̌n nɛ, masɛ n die ka duwii ka sɔsɔrɔ kiɛdɛnan nɛ.»

Bɔ bɛ̀rɛbaa nɛ 10:28

Faarahɔn pɛ Muizu ni: «Soo! N baran toa wɔ yii kɔn yɛ doo wa. Wɔ yii bɛ́ re wusii a kɔn yɛ ǹ mɛn pinaa, n gɛ̀ pinaa dɔ n bɛ-n gɔrɔ.»

Bɔ bɛ̀rɛbaa nɛ 5:2

Faarahɔn pɛ: «Dɛnaa lɛ n die lɛa, ma tɔn nə n too kɔ a boo ganaa, ma toa Izirayeli nɛnyaanan nə woo? Ma a Dɛnaa doɛ̃ wa, ma a toɛ Izirayeli nɛnyaanan nə woo wa.»

Suusun 10:11

Sii sonbore-zɛnaali lɛ n yiikoonaabaa ǹ mu yala lɛa. Sɛnɛ, boo basaã n durii-n sii baraa-zɛnaalin da ǹ boo kio.

Suusun 10:32

Min pepere n boo diɛ ka fubaa nɛ. Sɛnɛ, sii baraa-zɛnaali n minin sã ǹ boo diɛ.

Suusun 13:20

Bɛ̀ n koa kun ka sii-dɔ̃li ni, ma n sii-dɔ̃li biɛ. Bɛ̀ n koa kun baãnaa nɛ, n tá re nɔmaa we.

Suusun 15:1

Lɛ si ka bɔlɔ kɔɔ̃n nɛ n foo wɛɛ. Sɛnɛ, boo baraa n foo diɛ yoo ganaa.

Suusun 18:23

Doobaan man boo diɛ ka din boɛɛn kɔ nɛ, sɛnɛ, pàãman manə ǹ lɛ sii ka boo kaka nɛ.

Boo-laakalaali 10:12

Sii-dɔ̃li lɛ gɔ́ɔ̃ ǹ boo á kiɛ foo la. Sɛnɛ, baãnaa lɛ na a din bɔ̀n biɛ.

Boo-laakalaali 2:19

Bɛa dɛnaa kɛ lɛ n die goɛ̃ baãnaa lɛa hinlaa sii-dɔ̃li lɛa, die n doɛ̃? Ma dí kaka mɛn tumaa nya, ma dí kaka mɛn tumaa nya kanaa kɛ nɛ, ka maa sii-doɛ̃ nɛ, ǹ dɛnaa n die goɛ̃ bɛ mìi la. Bɛ dɔ giala banban.

Zaaki 3:17

Sɛnɛ, Lawa bɛ́ sii-doɛ̃ mɛn koe, bɛ̀ bɛ tá min mɛn lon, bibinaa nɛ, a bɛ miã sii gɔgɔrɛ kɛ zɛnɛɛ wa, bɛa sii-doɛ̃ lɛ n die ka là nyantoro ne. Ǹ dɛnaa a sii n basiɛ̃ nɛ, a n giɛ minin lɛ a kaa kun li. Ǹ dɛnaa a makara-doɛ̃ n gole, a n sii sonbore zɛnɛɛ parsiini. Ǹ dɛnaa ba n gɔ́ɔ̃ lonlankoe wa, a bɔlɔ paa pii min ni wa.

Samayeli1 20:10

Davida pɛ Zonaatan nɛ: «Bɛ̀ n di lɛ nə́ n lɛ si ka foo ne, die tɔn bɛ pɛ masɛ nɛ?»