Kiin1 11:7 - LAWA A BOO SONBORE

⁷ Bɛ lɛ n ke, kele mɛn bɛ́ Zeruzalɛmu yɔrɔ-a, Salomɔn guguru kɔ ǹ bǎã dɔ walan, Moabu tɔrɔn dì bɔbɔnɛɛ Kemɔɔsi wɔ lɛa. Á kɔsɔ dɔ dɔ, Amɔn tɔrɔn dì bɔbɔnɛɛ Molɛki wɔ lɛa.

LAWA A BOO SONBORE 2011

⁷ Bɛ lɛ n ke, kele mɛn bɛ́ Zeruzalɛmu yɔrɔ-a, Salomɔn guguru kɔ ǹ bǎã dɔ walan, Moabu tɔrɔn dì bɔbɔnɛɛ Kemɔɔsi wɔ lɛa. Á kɔsɔ dɔ dɔ, Amɔn tɔrɔn dì bɔbɔnɛɛ Molɛki wɔ lɛa.

Kiin1 11:7 ပူးပေါင်းရင်းမြစ်များ

Siin Giala 33:2

Á bɛ̀rɛlɔ min paa lɛ laanka ǹ nɛnyaanan kaa nyɛɛnɛ, bɛ kio, Leyaa laanka a nɛnyaanan nə́ kɔ bɛn lɛ, á tɔ́n Raseli laanka a nɛ Zozɛfu kaa bɛn kio.

Samayeli2 15:30

Davida na á *olivie dan kele kɛa zii saa, á goã dii woe. A na á goã dii, bɛ̀ á n wuu pii. Foo ziziɛ̃ taman yii, màn na á goã koe ne a mìi lɛ, á n tɔ we ka a gòã kooro ne. Zaman mɛn tumaa goã kun ni, bɛn dɔn man nə́ màn kɔ ǹ mìi lɛ, ǹ nə́ goã dii kele lɛ la. Maǹ dii bɛ̀ ǹ tá wuu pii.

Kiin1 11:5

Salomɔn Sidɔn minin dì Asitartee guguru kɔ, ka Amɔn tɔrɔn dì bɔbɔnɛɛ, Molɛki kɛ nɛ.

Kiin1 11:6

Sii mɛn bɛ́ baraa Dɛnaa Lawa yii li, Salomɔn bɛ zɛnaa, a kɔ Dɛnaa Lawa lɛ, a lɛ pã ka ǹ di Davida wɔ bɛ́ lɔn wa.

Kiin1 11:8

Á guguru kɔ ǹ bǎã dɔ a gána kɔsɔ lɔn dìn lɛn wɔ lɛa. Lɔn lɛn nə́ goã wúlu boe ǹ dìn lɛn la, ǹ nə́ nyɔɔ gìĩ kɔɔ̃n koe ǹ la.

Kiin1 15:12

Azaa wo dìn la ǹ kɔrɔbaa-zɛnaalin loo á ǹ bɔ gána lɛ nɛ. Dìn mɛnɛn tumaa bɛ́ Azaa lɛ digolon nə́ ǹ zɛnaa, á bɛn yii papaã.

Kiin2 23:10

*Wúlu màn tã ǹ bǎã mɛn goã Tofɛti, Bɛn-Inɔmu a nyankɔrɔ lɛ kɛ nɛ, kii lɛ bɛ dɔ soɛ̃ yiɛ, màn mɛn bɛ́ toɛ, min kɔn baran a nɛginin hinlaa a nɛlɔ tã wúlu màn lɛa, dì Molɛki wɔ lɛa wa.

KZS2 21:11

Zoraamu lɛ wúlu bɔ ǹ bǎãn dɔ Zudaa kelen la, á Zeruzalɛmu minin laanka Zudaa min kɔsɔn kɛn kaa lawa kɔsɔn guguru kɔ ganaa.

Loen 78:58

Ǹ nə́ Lawa foo busu ka ǹ wúlu bɔ ǹ bǎãn kɛn nɛ, ǹ ná a foo yoo ka ǹ dìn kɛn nɛ.

Izayii 44:19

Min kɔn ba n taasɛ, a bɔ a din ni, min kɔn ba yiri yii ka sii-doɛ̃ nɛ a pɛ: «Má tɛ koa ka gɔn lɛ a talɛɛ nɛ, má màn-bii zɛnaa a tɛ nàn la, má siĩ tã la má sɔ̃. Ma á re màn nyín bɔbɔnɛɛ zɛnɛɛ ká a gialakun kɛ-n doo? Ma a re kiɛ tán gɔn lɛkoro yɔrɔ-a wa!»

Zeremii 32:31

Taãn nɛ, a kũ Zeruzalɛmu a giala kɔ ganaa a da kaa pelo lɛ, bɛa kiwi kɛ ma foo yoo. Bɛ lɛ nɛ, ma ba li ma yɛ ma yɔrɔ-a doo wa.

Zeremii 32:35

Inɔn nyankɔrɔ basa nɛ, ǹ nə́ *wúlu bɔ ǹ bǎã dɔ dì Baali wɔ lɛa. Ǹ nə́ ǹ nɛgiĩn laanka ǹ nɛlɔn tã *wúlu màn lɛa dì Molɛki ganaa. A da yaa ma bɛa nɔ̀n da ǹ la wa, a taasiɛ din da ma yiri-n wa. Bɛa sii bɔbɔnɛɛn lɛn zɛnaa Zudaa minin dɔn kaa sii baraa zɛnaa nɛ.

Zeremii 48:13

Ka bɛ-n kəni, Moabu á re sìi koe dì Kemɔɔsi ganaa ka Izirayeli zaman bɛ́ á sìi kɔ Betɛli ganaa lɔn, a n foo doa ǹ mɛn lɛ la.

Zeremii 48:46

Wàa koe n ka kɛ nɛ n ganaa Moabu! Dì Kemɔɔsi minin, á ke ka papaã! Ǹ nə́ n nɛgiĩn laanka n nɛlɔn kũ kòso nɛn lɛa.

Ezekieli 18:12

A n mɛnɛɛ nɔmaa wolen laanka doobaan la, á n wurumu biɛ, a giɔ̀mɔ lɛ koa ǹ màn koe wa. A n dìn guguru koe, á n sii bɔbɔnɛɛ zɛnɛɛ.

Lawa a wúlu-bɔlen 26:30

Bɛ̀ masɛ foo yoo ka li, kaa wúlu bɔ ǹ bǎãn kɛn, ma á re bɛn wurii. Ka tíĩ dadaran mɛnɛn dɔ, ka n wasa guguru koe ne, ma á die bɛn yui. Ma á die ka dininmaan gere kiɛ kɔn la, bɛa dìn kɛn lɛn kɛbɔlɔ lalan. Ka tìĩ á die boe masɛ nyin ni.

Misee 1:5

Zakɔba tɔrɔn kɛn bɔlɔ-tii taman yii ni, kɛ tumaa á die n zɛnɛɛ. Izirayeli minin lɛn sii baraa a lɛa nɛ, kɛ tumaa á die n zɛnɛɛ. Izirayeli gána a bɔlɔ-tii kɛ na á bɔ die li? Samarii kiwi kɛ lɛ sii ni. Zudaa gána a dì wúlu bɔ kɛ na á bɔ die li? Zeruzalɛmu kiwi kɛ lɛ sii ni.

Zakarii 14:4

Bɛa pinaa, a n die gisĩ Olivə kele la, kunu Zeruzalɛmu kiwi ganaa, a lɛ̀giala gɔn la. Olivə kele lɛ n die wɔsɛ a bii ni, a nyankɔrɔ gole goon bɔ, a kũ lɛ̀giala ganaa a wo lɛ̀nyɛɛn yaa. Kele lɛ paǹ goon nə woe gɔsɛ a lɛ̀gɔn la, goon dɔ wo gusin a lɛ̀gɔn la.

Minin nimi 21:29

Moabu gána, koe bɔ n ganaa! Dì Kemɔɔsi guguru-kɔlen, kaa wɔ nya! Ǹ nə́ baa da kaa nɛgiĩn gòã li. Ǹ nə́ kaa nɛlɔn baa kii Sihɔn, Amɔɔrɔ tɔrɔ kɛa bɛ̀rɛn lɛa.

Minin nimi 33:52

ka die ka gána lɛ a minin tumaa loo ka ǹ bɔ ka nyɛɛnɛ, ka ǹ tíĩ kɔlɔn kɛn tumaa papaã, ka ǹ fɔlɔ yoe màn nyín zɛnaan kɛn tumaa nɛ. Ka die ka ǹ wúlu bɔ ǹ bǎãn tumaa ziziɛ̃.

Matiə 26:30

Bɛ kio, ǹ nə́ zɔ́n lɛ a loe lɔ, ǹ nə́ tɔ́n yoo, ǹ nə́ woo *Olivie dan kele la.

Nya ǹ dín 1:12

Dia dí-a wolen lɛn nə bɔ tenten mɛn la ǹ nə́ woo Zeruzalɛmu kiwi, maǹ bɛa tenten lɛ bíi "*Olivie dan Kele", a n sɔsɔɔ kiwi lɛ ganaa ka kilo goon ne.

Nya ǹ dín 1:9

Bɛa boon kɛn lɛn diɛ kio, Yezu gòãn nə́ yoo ǹ nə́ n bɔ tán, á dii lon bɛ̀ ǹ nə́ giɛ a ganaa. Labara goon nə́ n kɔ lɛ ǹ yɔrɔ-a.

Nya ǹ dín 7:43

Táa ka n ká dì Mɔlɔki kɛa da ǹ mɔnaa kion gũ, dì Refan kɛ dɔ ka leere bɛ́ lɔn, ka bɛ dɔ nyín gũ. Ka ǹ ká bɛa màn nyínin kɛn lɛn zɛnaa ka tá ǹ guguru koe. Bɛ lɛ taman yii ni, ma á re toɛ ǹ ka goa, ǹ wo ka-n sɔsɔɔ *Baabilonii kiwi kɛ kio.»

Timəə dí-pɛn 13:14

mà min kooron nə́ soo ka bii, ǹ nə́ ǹ kiwi minin nyɛnɛɛ ǹ kiɛ lawa kɔsɔn guguru kɔ ganaa, ka bɛ́ ka a lawan mɛnɛn doɛ̃ wa.

Timəə dí-pɛn 27:15

Bɛ̀ min mɛn gɔn sɛlɛ màn nyín lɛa, hinlaa a na á fɔlɔ yo á baa dì lɛa, á n die a guguru koe ka durii ni, bɔ̀n na á bɛa dɛnaa yɛ! Bɛa mànan kɛn lɛn minbuiin nɛ nə́ ǹ zɛnaa ka a din gɔn nɛ, ǹ sii a kɔɔ̃n Dɛnaa Lawa ganaa wa. Bɛ kio, zaman lɛ tumaa nə ǹ lɛ si, ǹ pɛ: «A n miɛ̃!»

Sii yɔrɔ-bɔlen 11:24

N lawa Kemɔɔsi kɛ bɛ́ á màn mɛn kɔ n la, bɛ ba n gɔn wa? Dɛnaa Lawa mɛn bɛ́ wɔsɛn Lawa lɛa, bɛ̀ bɛ́ màn mɛn tumaa kɔ wɔsɛn la, bɛa goɛ̃ wɔsɛn gɔn wa?