Kiin1 11:36 - LAWA A BOO SONBORE

³⁶ Sɛnɛ ma á die tɔrɔn lɛn goon toɛ Salomɔn a nɛgiĩ gɔn, màn mɛn bɛ́ toɛ, maa dí-nyali Davida lɛ tɔrɔ die a goã kiibaa la miɛ̃, ma yɔrɔ-a Zeruzalɛmu kiwi kɛ nɛ, má bɔ má n tɔ da la.

LAWA A BOO SONBORE 2011

³⁶ Sɛnɛ ma á die tɔrɔn lɛn goon toɛ Salomɔn a nɛgiĩ gɔn, màn mɛn bɛ́ toɛ, maa dí-nyali Davida lɛ tɔrɔ die a goã kiibaa la miɛ̃, ma yɔrɔ-a Zeruzalɛmu kiwi kɛ nɛ, má bɔ má n tɔ da la.

Kiin1 11:36 ပူးပေါင်းရင်းမြစ်များ

Samayeli2 21:17

Sɛnɛ, Seruzaa a nɛgiĩ Abisayii daa n dɔ Davida lɛ, á Filisiti min lɛ dɛ á gã. Bɛ kio, Davida a zia-baalin nə́ n liɛ nɛ ǹ nə́ pɛ nɛ mà a ba woe ziabaa ǹ bǎã-n kun ka ǹsɛn nɛ doo, n Izirayeli minin yaa kiɛ̃ goɛ̃ kii wɛɛ̃ nɛ ǹ kɔn pinaa wa.

Samayeli2 22:29

Taãn nɛ, n din nə toɛ ma yii á koo. Dɛnaa Lawa, maa Lawa, n din nə wɔlɔ fúlu boe ma nɛ.

Samayeli2 7:16

N kion laanka n kiibaa lɛ n die goɛ̃ yǎa duduu. N kii dankan lɛ gɔ́ɔ̃ kooro á die goɛ̃ duduu wa.»

Samayeli2 7:29

Kanna kəni, barka da masɛ a kion minin lɛn ganaa, màn mɛn bɛ́ toɛ, ma tɔrɔn lɛn nə goã kiibaa la n din yɔrɔ-a yǎa duduu. Dɛnaa Lawa, n din bɛ́ n maa Lawa lɛa, n din bɛ́ n nə n lɛ kɔ, n din die n barka da maa kion lɛ ganaa, yǎa duduu.

Kiin1 11:13

Ma ba re kiibaa lɛ sii lenlen wa. Maa dí-nyali Davida lɛ a lɛa, ka Zeruzalɛmu kiwi kɛ nɛ má a yii gɔgɔ́ɔ̃, ma á die tɔrɔ goon toɛ n nɛgiĩ gɔn.»

Kiin1 11:32

Sɛnɛ tɔrɔn lɛn goon tá re goɛ̃ Salomɔn gɔn, maa a dí-nyali Davida lɛ a lɛa, ka Zeruzalɛmu kiwi kɛ nɛ, má a yii gɔgɔɔ̃ Izirayeli a bǎã tumaa bii.

Kiin1 11:37

«Zeroboamu, man die n kuĩ, ma n baa kii lɛa Izirayeli gána mìi la ka a bɛ́ kɔɔ̃nɛ n ganaa lɔn.

Kiin1 12:17

Sɛnɛ Izirayeli minin mɛnɛn nə goã giã-n Zudaa gána nɛ, Roboamu giã bɛn mìi la.

Kiin1 14:21

Salomɔn a nɛgiĩ, Roboamu kii baa Zudaa gána nɛ. A bɛ́ kii lɛ biɛ bɛ́ a lɛ̀ pusi ka goon ne. A na á kiibaa zɛnaa lɛ̀ fulusɔbaa Zeruzalɛmu kiwi, kiwi mɛn lɛ bɛ́ Dɛnaa Lawa ná a yii gɔ̀gɔ́ɔ̃ Izirayeli a bǎãn tumaa bii, á n tɔ da la. Roboamu ǹ dan tɔ na á goã Naamaa, Amɔn tɔrɔ nɛ.

Kiin1 15:4

Sɛnɛ Davida lɛ taman yii, Abiyamu a Lawa, Dɛnaa Lawa lɛ nɛginin kɔ la, mà bɛ̀ a banban wa, mà bɛ die a na a kíɛ̃-saali baa Zeruzalɛmu, màn mɛn bɛ́ toɛ Zeruzalɛmu kiwi lɛ goã.

Kiin1 2:4

Bɛ lɛ n die toɛ dɔn, Dɛnaa Lawa na a boo lɛ pã, boo mɛn lɛ á ke á pɛ ma nɛ kɛnɛn: «Bɛ̀ n nɛgiĩn lɛn nə́ n doa ǹ nə́ ǹ dinin kɔ masɛ la ka ǹ foo din tumaa nɛ, ǹ nə́ ǹ tɔ wɔ ǹ gɔn tele masɛ yɔrɔ-a, n din a min ba re nyaabiɛ duduu Izirayeli a kiibaa lɛ la wa.»

Kiin1 8:29

N yii die a goã kɛa kion kɛ lɛ la penleen laanka tèlò ne, bǎã mɛn lɛ á ke ń bɔ n nə n tɔ da la. Kanna kəni, n too kɔ maa nyankɔ li kion kɛ nɛ.

Kiin1 9:3

Dɛnaa Lawa pɛ nɛ: – N ma nyankɔ, ń gòã-kũ da ma ganaa màn mɛn a lɛa, má ma. Kion ke ń dɔ ma tɔ la, man die n din nyɛɛ bɛ lɛ-n miɛ̃ duduu. Má á re giɛ a walan parsiini.

Kiin2 8:19

Sɛnɛ, Dɛnaa Lawa a dí-nyali Davida lɛ taman yii, Dɛnaa Lawa lɛ kɔ, á Zudaa gána bɔ̀n baa wa, a giala a na á goã á pɛ Davida lɛ nɛ mà a tɔrɔ tá re goɛ̃ kiibaa lɛ la miɛ̃ duduu.

KZS2 12:13

Roboamu a pàã gòã wɔ tán Zeruzalɛmu. Roboamu bɛ́ kii biɛ, bɛ̀ a lɛ̀ pusi ka goon ne. Á pàã yɛ parsiini. A lɛ̀ fulusɔbaa n kiibaa la Zeruzalɛmu, Dɛnaa Lawa kiwi mɛn lɛ bɔ Izirayeli tɔrɔn tumaa bii á ná a din tɔ da la. Ǹ dan nɛ ka Naama nɛ, Amɔn tɔrɔ nɛ.

KZS2 21:7

Sɛnɛ, Dɛnaa Lawa ba li a Davida a kion yu wa, a goã á lɛ kɔ kɔn la mɛn wɔ nɛ, bɛ lɛ taman yii. Taãnɛ, a lɛ kɔ Davida la ka sii mɛn nɛ, á ke: «N tɔrɔn tá re goɛ̃ kiibaa lɛ la miɛ̃ duduu.»

Loen 132:17

Ma á re Davida tɔrɔ koɛ kii lɛa walan, pàã ná a lon. Ma kii mɛn bɔ má koa, ma á re a kio koɛ. Man die biɛ ka bólon bɛ́ lɔn, kuĩ miɛ̃.

Ebrəə 12:22

Sɛnɛ, kasɛn man ká n mɔrɔ *Siɔn kele kɛ ganaa, ka Lawa yiikoonaa a kiwi kɛ nɛ, Lon a Zeruzalɛmu ke, ka a lon a dia dí-a wole duu damata kɛ nɛ.

Sii-nyaan 21:10

Lawa a Yiri Fu gisĩ ma la, á ma saa, á woo ma nɛ kele gole sasa goon mìi ni: Kiwi sonbore ke, Zeruzalɛmu lɛa, má bɛ yɛ boe lon Lawa li gisĩ tán.