Kiin1 11:34 - LAWA A BOO SONBORE

³⁴ Ka bɛ yii ni, ma ba re kiibaa lɛ sii lenlen ma bɔ Salomɔn gɔn wa, man die toɛ pàã la miɛ̃ a yiikoonaabaa tumaa gɔ́ɔ̃ nɛ, maa dí-nyali Davida lɛ a lɛa, ma asɛ mɛn lɛ yii gɔgɔɔ̃, a giala á maa gɔn waa ǹ boon laanka maa landa boon kɛn tamaa.

LAWA A BOO SONBORE 2011

³⁴ Ka bɛ yii ni, ma ba re kiibaa lɛ sii lenlen ma bɔ Salomɔn gɔn wa, man die toɛ pàã la miɛ̃ a yiikoonaabaa tumaa gɔ́ɔ̃ nɛ, maa dí-nyali Davida lɛ a lɛa, ma asɛ mɛn lɛ yii gɔgɔɔ̃, a giala á maa gɔn waa ǹ boon laanka maa landa boon kɛn tamaa.

Kiin1 11:34 ပူးပေါင်းရင်းမြစ်များ

Samayeli2 7:14

Ma á re n biɛ a díi lɛa, a dɔ á re n biɛ maa nɛ lɛa. Bɛ̀ á sii baraa zɛnaa, man die minin biɛ a doroo ǹ bàlà lɛa, ma minbuiinin kaa a ganaa ǹ dɔlɔ bɔ a ganaa.

Kiin1 11:31

Bɛ kio, á pɛ Zeroboamu-n kɛnɛn: – A lɛkara fù si, a giala Izirayeli a Lawa, Dɛnaa Lawa lɛ n kɛ pii: «Á ke, man die kiibaa lɛ sii Salomɔn la, man die tɔrɔn lɛn fù toɛ nsɛ din gɔn.

Kiin1 11:33

Man die bɛ zɛnɛɛ, a giala Izirayeli minin lɛn nə́ ma toa walan, ǹ nə́ Sidɔn minin dì Asitartee guguru kɔ, ka Moabu minin dì Kemɔɔsi laanka Amɔn tɔrɔn dì Molɛki kɛ nɛ. Ka bɛ dɔ nɛ, ma zii mɛn nyaa ǹ nɛ, ǹ kɔ bɛ lɛ wa, sii mɛn bɛ́ pepere masɛ gɔn ǹ bɛ zɛnaa wa. Landa boon laanka sii yɔrɔ bɔ ǹ boon mɛnɛn bɛ́ má kɔ ǹ la, ǹ kɔ bɛn lɛ ka Salomɔn ǹ di Davida wɔ bɛ́ lɔn wa.

Kiin1 11:35

Sɛnɛ, man die kiibaa lɛ sii Salomɔn a nɛgiĩ la, ma tɔrɔn lɛn fù kɔ nsɛ din Zeroboamu la.

Kiin1 3:14

Bɛ̀ n tá koe masɛ dùũ lɛ, ń masɛ a landa boon laanka maa gɔn waa ǹ boon kɛn tamaɛ, ka n di Davida goã zɛnɛɛ lɔn, masɛ n die nyín sasa koe n la.»

Zɔbu 11:6

Toa bɛ̀ a na a sii-doɛ̃ a zii duriin kɛn nyɛɛ n nɛ. A giala, bɛn giala miɛ á kaka wɔ ganaa. Bɛ̀ ń bɛn woo ǹ bǎã dɔ̃, n tá re doɛ̃ kəni, mà Lawa nə n tɛn toɛ n nɛ.

Loen 103:10

A ba wɔ kuĩ wɔa sii baraan li wa, a ba gɛ̀ dòo boe wɔ ganaa, a kɔnpɛ ka wɔa sãn nɛ wa.

Loen 89:19

Dɛnaa Lawa, n din nə ń wɔ tamaali kɛ kɔ wɔ la, Izirayeli a Lawa sonbore, n din nə ń kii kɛ koa wɔ mìi la.

Izayii 55:3

Ka n too da, ka da ma li. Ka n too kɔ, ka yii á re goɛ̃ koo.» Dɛnaa Lawa pɛ: «Ma á re lɛ kɔ kɔn la we ka ka nɛ yǎa duduu, man lɛ kɔ ka ǹ mɛn lɛ nɛ Davida la, maa bɔlɔgoondɛnaabaa gɔ́ɔ̃ nɛ.

Abakuku 3:2

Dɛnaa Lawa, má n boo ma. Ma gɔ̀nɔn nə bìn diɛ ǹ nyɛɛnɛ, n sii dadaran zɛnaa a lɛa, Dɛnaa Lawa. Wɔa yiikoonaabaa gɔ́ɔ̃ nɛ, bɛa siin kɛn kɔnboe nyaa wɔ nɛ! Wɔa yiikoonaabaa gɔ́ɔ̃ nɛ, toa ǹ nə n dɔ̃! Ta n foo na á yoo, n yiri kɔ n din a makara doɛ̃ kɛ nɛ.