Kiin1 11:33 - LAWA A BOO SONBORE

³³ Man die bɛ zɛnɛɛ, a giala Izirayeli minin lɛn nə́ ma toa walan, ǹ nə́ Sidɔn minin dì Asitartee guguru kɔ, ka Moabu minin dì Kemɔɔsi laanka Amɔn tɔrɔn dì Molɛki kɛ nɛ. Ka bɛ dɔ nɛ, ma zii mɛn nyaa ǹ nɛ, ǹ kɔ bɛ lɛ wa, sii mɛn bɛ́ pepere masɛ gɔn ǹ bɛ zɛnaa wa. Landa boon laanka sii yɔrɔ bɔ ǹ boon mɛnɛn bɛ́ má kɔ ǹ la, ǹ kɔ bɛn lɛ ka Salomɔn ǹ di Davida wɔ bɛ́ lɔn wa.

LAWA A BOO SONBORE 2011

³³ Man die bɛ zɛnɛɛ, a giala Izirayeli minin lɛn nə́ ma toa walan, ǹ nə́ Sidɔn minin dì Asitartee guguru kɔ, ka Moabu minin dì Kemɔɔsi laanka Amɔn tɔrɔn dì Molɛki kɛ nɛ. Ka bɛ dɔ nɛ, ma zii mɛn nyaa ǹ nɛ, ǹ kɔ bɛ lɛ wa, sii mɛn bɛ́ pepere masɛ gɔn ǹ bɛ zɛnaa wa. Landa boon laanka sii yɔrɔ bɔ ǹ boon mɛnɛn bɛ́ má kɔ ǹ la, ǹ kɔ bɛn lɛ ka Salomɔn ǹ di Davida wɔ bɛ́ lɔn wa.

Kiin1 11:33 ပူးပေါင်းရင်းမြစ်များ

Kiin1 11:34

Ka bɛ yii ni, ma ba re kiibaa lɛ sii lenlen ma bɔ Salomɔn gɔn wa, man die toɛ pàã la miɛ̃ a yiikoonaabaa tumaa gɔ́ɔ̃ nɛ, maa dí-nyali Davida lɛ a lɛa, ma asɛ mɛn lɛ yii gɔgɔɔ̃, a giala á maa gɔn waa ǹ boon laanka maa landa boon kɛn tamaa.

Kiin1 11:4

Sonbore, Salomɔn bɛ́ á zizi kɔ ǹ mɛn waáraa, a lɔn lɛn ná a yiri bɔyaa ǹ nə́ da dìn guguru kɔ ganaa. A taasiɛ goã dia-n a Lawa, Dɛnaa Lawa lɛ la taãn doo, ka ǹ di Davida wɔ goã lɔn wa.

Kiin1 11:9

Dɛnaa Lawa foo yoo Salomɔn li, a giala Salomɔn nə́ n foo wɔlɔ lui Izirayeli a Lawa, Dɛnaa Lawa lɛ ganaa, ǹ mɛn lɛ goã á n din nyaa nɛ gunyin paa,

Kiin1 14:8

Man má kiibaa lɛ si Davida a sumu minin la, má kɔ n la. Sɛnɛ n nə n baa ka maa dí-nyali Davida bɛ́ lɔn wa. Davida na á maa gɔn waa ǹ boon tamaa, á kɔ ma lɛ, ka a foo din tumaa nɛ, a sii zɛnaa tumaa n kiɛ ma foo la.

Kiin1 3:14

Bɛ̀ n tá koe masɛ dùũ lɛ, ń masɛ a landa boon laanka maa gɔn waa ǹ boon kɛn tamaɛ, ka n di Davida goã zɛnɛɛ lɔn, masɛ n die nyín sasa koe n la.»

Kiin2 1:3

Sɛnɛ Tisibu min Yilii lɛ, Lawa a boo gii-dali lɛa, Dɛnaa Lawa a lon a dia dí-a wole goon pɛ bɛ nɛ, mà a wo n da Samarii gána a kii a dia dí-a wolen lɛn lɛ, a pɛ ǹ nɛ kɛnɛn: – Lawa na a banban Izirayeli gána nɛ ka tá nɔ̀n diɛ la wa, yǎa ka woe Ekrɔn kiwi a dì Baali-Zebubu li?

Kiin2 21:22

Á ǹ din Lawa, Dɛnaa Lawa lɛ toa walan. A kɔ Dɛnaa Lawa a zii lɛ wa.

KZS2 15:2

Azaria woo kii Azaa li á pɛ nɛ: «Azaa, Zudaa ka Bɛnzamɛn minin, ka tumaa nə n too kɔ ma lon! Dɛnaa Lawa n kun ka nɛ, bɛ̀ ka dɔn tá kun ni. Bɛ̀ ka ga li, á re toɛ ka yɛ. Sɛnɛ, bɛ̀ ka n la bɔ a ganaa, á re n la boe ka-a.

Zeremii 2:11

Tɔrɔ kɔn bin ná a dìn lon kɔ? A da yaa, ǹ bie Lawa taãn lɛa wa. Sɛnɛ, maa zaman lɛ ná a gugurubaa lɛ lon kɔ ka màn kooron ne.

Zeremii 2:13

Maa zaman lɛ na á sã wɔlɔ paa wɔ: Ǹ nə́ n la bɔ ma ganaa, masɛ mu yala nyantoto ke, nyin koe. Ǹ nə́ nyankɔrɔn fɔ̃, sɛnɛ, nyankɔrɔn lɛn gɔ́ɔ̃ yuimaa nɛ, ǹ ba mu kuĩ wa.

Zeremii 48:13

Ka bɛ-n kəni, Moabu á re sìi koe dì Kemɔɔsi ganaa ka Izirayeli zaman bɛ́ á sìi kɔ Betɛli ganaa lɔn, a n foo doa ǹ mɛn lɛ la.

Zeremii 48:7

Moabu, ma nə́ ń goã n foo doɛ n sii zɛnaan laanka n naforon ganaa. Sɛnɛ, ǹ tá re n dɔ kuĩ, ǹ wo n ne. N dì Kemɔɔsi kɛ á re woe gùli kɔ ǹ bǎã nɛ kun ka n wúlu-bɔlen laanka n kiãn tumaa nɛ.

Ozee 4:17

Efrayimu tɔrɔn kɛn nə́ n paraa dìn ganaa. Ka ǹ toa walan!

Sofonii 1:5

Min mɛnɛn dɔn bɛ́, dii kalan ǹ tá lon mànan guguru koe ma á re bɛn bɔ̀n biɛ. Min mɛnɛn bɛ́ masɛ guguru koe ǹ wusoo doo ǹ nə n liɛ ka ǹ dì Molɛki ni ma á re bɛn dɔn bɔ̀n biɛ.

Minin nimi 21:29

Moabu gána, koe bɔ n ganaa! Dì Kemɔɔsi guguru-kɔlen, kaa wɔ nya! Ǹ nə́ baa da kaa nɛgiĩn gòã li. Ǹ nə́ kaa nɛlɔn baa kii Sihɔn, Amɔɔrɔ tɔrɔ kɛa bɛ̀rɛn lɛa.

Samayeli1 7:3

Samayeli tɔ́n pɛ Izirayeli minin lɛn tumaa nɛ: «Bɛ̀ á daa yaa ka n wusii die Lawa-a ka ka foo din tumaa ne, ka lawa soreen lɛn kaa, ka Asitartee nyínin ni. Ka n yɔrɔ dia Dɛnaa Lawa la, ka dí nya a dinsɔɔ̃ nɛ, bɛ kio, ka á re n sii Filisiti minin lɛn la.»