Kiin1 11:13 - LAWA A BOO SONBORE

¹³ Ma ba re kiibaa lɛ sii lenlen wa. Maa dí-nyali Davida lɛ a lɛa, ka Zeruzalɛmu kiwi kɛ nɛ má a yii gɔgɔ́ɔ̃, ma á die tɔrɔ goon toɛ n nɛgiĩ gɔn.»

LAWA A BOO SONBORE 2011

¹³ Ma ba re kiibaa lɛ sii lenlen wa. Maa dí-nyali Davida lɛ a lɛa, ka Zeruzalɛmu kiwi kɛ nɛ má a yii gɔgɔ́ɔ̃, ma á die tɔrɔ goon toɛ n nɛgiĩ gɔn.»

Kiin1 11:13 ပူးပေါင်းရင်းမြစ်များ

Kiin1 11:14

Dɛnaa Lawa zɔ́ɔ goon saa á da Salomɔn ganaa. Bɛa zɔ́ɔ lɛ n ka Edɔn min Adaadi ni. Edɔn gána kii nɛ nɛ.

Kiin1 11:32

Sɛnɛ tɔrɔn lɛn goon tá re goɛ̃ Salomɔn gɔn, maa a dí-nyali Davida lɛ a lɛa, ka Zeruzalɛmu kiwi kɛ nɛ, má a yii gɔgɔɔ̃ Izirayeli a bǎã tumaa bii.

Kiin1 11:39

Salomɔn a sii baraa lɛ taman yii, man dɔlɔ boe Davida tɔrɔn ganaa, sɛnɛ man maa die boe n wɔn ganaa duduu wa.»

Kiin1 12:17

Sɛnɛ Izirayeli minin mɛnɛn nə goã giã-n Zudaa gána nɛ, Roboamu giã bɛn mìi la.

Kiin1 12:19

A kũ bɛa biikoo lɛ ganaa, a da kaa pelo lɛ, Izirayeli minin nə́ n gòãn dii Davida a kion minin ganaa.

Kiin1 12:20

Izirayeli minin lɛn tumaa ma lɔn, mà Zeroboamu nə́ n bɔyaa, ǹ nə́ zaman paã, ǹ nə́ lɛ dia la ǹ nə́ koa kii lɛa Izirayeli minin tumaa mìi la. Zudaa tɔrɔn dininsɔɔ̃nɔn man nə kɔ Davida a kion minin lɛ.

Kiin1 8:29

N yii die a goã kɛa kion kɛ lɛ la penleen laanka tèlò ne, bǎã mɛn lɛ á ke ń bɔ n nə n tɔ da la. Kanna kəni, n too kɔ maa nyankɔ li kion kɛ nɛ.

Kiin2 13:23

Sɛnɛ Dɛnaa Lawa bǐɛ̃ kɔ Izirayeli minin lɛn ganaa, a ná a makara doɛ̃ nyaa ǹ nɛ, á n bɔyaa á n yɔrɔ bǐɛ̃ da ǹ la, a lɛ kɔ kɔn la kɛ taman yii, ǹ mɛn bɛ́ a bii ni ka Abrahamu ni, ka Izaaki laanka Zakɔba nɛ. Dɛnaa Lawa lɛ kɔ, á ǹ bɔ̀n baa wa, haalɛ tɔn pelo, Dɛnaa Lawa tɔn nə ǹ wɔlɔ lui a din-a wa.

Kiin2 17:18

Dɛnaa Lawa foo tɔ́n yoo Izirayeli minin lɛn li taãn-taãnɛ, á ǹ zɔ̃ á ǹ bɔ a din ganaa ka sɔɔsɔɔ. A na á n zɔ̃ á goã Zudaa tɔrɔn dininsɔɔ̃nɔn manɛ.

Kiin2 19:34

Man die kiwi kɛ tamɛɛ, ma a kanbaa ma din laanka maa dí-nyali Davida taman yii.

Kiin2 21:4

Á *wúlu bɔ ǹ bǎã kɔsɔn dɔ Dɛnaa Lawa a kion. Bɛa kion kɛ lɛ nɛ, Dɛnaa Lawa goã á boo da a wɔ paǹ li á pɛ: «Man die n tɔ toɛ Zeruzalɛmu kiwi.»

Kiin2 23:27

Dɛnaa Lawa pɛ: «Man die Zudaa tɔrɔn dɔn dinin zoɛ̃ ma ǹ bɔ ma yɔrɔ-a ka sɔsɔɔ, ka ma goã má Izirayeli minin na lɔn. Zeruzalɛmu kiwi ke, má a yii gɔgɔɔ̃, man die bɛ dɔ toɛ walan. Ma goã má pɛ kion mɛn wɔ paǹ li, máa ma tɔ n die goɛ̃ kànaa, man die bɛ dɔ toɛ walan.»

Kiin2 8:19

Sɛnɛ, Dɛnaa Lawa a dí-nyali Davida lɛ taman yii, Dɛnaa Lawa lɛ kɔ, á Zudaa gána bɔ̀n baa wa, a giala a na á goã á pɛ Davida lɛ nɛ mà a tɔrɔ tá re goɛ̃ kiibaa lɛ la miɛ̃ duduu.

KZS2 21:7

Sɛnɛ, Dɛnaa Lawa ba li a Davida a kion yu wa, a goã á lɛ kɔ kɔn la mɛn wɔ nɛ, bɛ lɛ taman yii. Taãnɛ, a lɛ kɔ Davida la ka sii mɛn nɛ, á ke: «N tɔrɔn tá re goɛ̃ kiibaa lɛ la miɛ̃ duduu.»

Loen 132:1

Wo Zeruzalɛmu loe. Dɛnaa Lawa, n yiri kɔ Davida li. A nɔmaa mɛn wɔ, n yiri gisĩ bɛ nɛ.

Loen 132:17

Ma á re Davida tɔrɔ koɛ kii lɛa walan, pàã ná a lon. Ma kii mɛn bɔ má koa, ma á re a kio koɛ. Man die biɛ ka bólon bɛ́ lɔn, kuĩ miɛ̃.

Loen 89:49

Minbuiin nɛ mɛn nə die goɛ̃ kanaa, a ná a ba gɛ̃ doɛ̃ wa, á n die n sii geren piɛ a kòso kɛ la? Min kɔn.

Izayii 14:32

Wɔ n die Filisiti minin dia dí-a wolen kɛn lɛ sii lɔn? Wɔ n die pii: Dɛnaa Lawa din na á *Siɔn kiwi koa, a zaman lɛ a doobaan tá re mìi duru ǹ bǎã yii walan.

Izayii 62:1

*Siɔn, ma a re n lɛ tiɛ̃ wa, a giala ma á n narɛ, Zeruzalɛmu, ma a re n toɛ bíi-a kooro má n maa sii zɛnɛɛ wa, a giala ma á n narɛ, ma nə n yii diɛ yǎa n peperebaa kuĩ ka wɔlɔ fúlu bɛ́ lɔn, yǎa n kirisibaa kɛ tɛ pii ka bolon tɛ bɛ́ lɔn.

Izayii 62:7

Ka nyan toa a susui yɛ wa, yǎa a Zeruzalɛmu zɛnɛɛ a nyɛɛ, yǎa a tɔ boe tán tumaa la.»

Izayii 9:7

Dɛnaa boo da Zakɔba tɔrɔn ganaa, bɛa boo lɛ mɛ Izirayeli gána la.

Timəə dí-pɛn 12:11

Bɛa biikoo li kəni, kaa Lawa, Dɛnaa Lawa lɛ din tá re bǎã goon boe, a n tɔ da la. Ma laa ka ganaa máa ka die ka wo ka mànan mɛnɛn tumaa nɛ, ka die ka wo ǹ ne walan: wúlu màn tiɛ̃n manɛ, kaa barka da ǹ wúlu mànan nɛ, mànan fùfùbaa ǹ wɔn nɛ, Lawa gɔ ǹ wɔn nɛ ka màn mɛn tumaa bɛ́ ká n lɛ kɔ mà ka á re koe Dɛnaa Lawa la.

Timəə dí-pɛn 12:5

Kaa Lawa, Dɛnaa Lawa bɛ́ re bǎã mɛn boe kaa tɔrɔn lɛn bii, a n tɔ da la, a baa a giã ǹ bǎã lɛa, ka doamaa-n ka wo a guguru kɔ bɛa bǎã lɛ dinsɔɔ̃ nɛ.

Timəə dí-pɛn 9:5

Kaa peperebaa laanka kaa gɔ́ɔ̃ fubaa bie re toɛ, ka wɔ ǹ gána lɛ nɛ, ka si ka baa kaa wɔ lɛa wa. Sɛnɛ, bɛa tɔrɔn kɛn lɛn dinin baraabaa n die toɛ, kaa Lawa, Dɛnaa Lawa nə ǹ loo a ǹ bɔ ka nyɛɛnɛ. A n die bɛ zɛnɛɛ dɔn, màn mɛn bɛ́ toɛ, a na a lɛ kɔ ǹ boo lɛ pã ka digolon wɔ paǹ li: Abrahamu laanka Izaaki ni, ka Zakɔba nɛ.