Kiin1 10:4 - LAWA A BOO SONBORE

⁴ Saabaa gána a kii lɔ lɛ Salomɔn a sii-doɛ̃ gole lɛ dɔ̃. Salomɔn kion mɛn dɔ á bɛ dɔ yɛ.

LAWA A BOO SONBORE 2011

⁴ Saabaa gána a kii lɔ lɛ Salomɔn a sii-doɛ̃ gole lɛ dɔ̃. Salomɔn kion mɛn dɔ á bɛ dɔ yɛ.

Kiin1 10:4 ပူးပေါင်းရင်းမြစ်များ

Kiin1 10:3

Salomɔn ná a nɔ̀n-diɛn lɛn tumaa a lɛ-sii kɔ la. Nɔ̀n-diɛ lɛ kɔn kaka kɔ kii lɛ ganaa, á fɔ̃ a lɛ sii li wa.

Kiin1 10:5

Salomɔn goã màn mɛn bii a tabala la, a dí-nyalin nə goã wɛɛ maa, a kion dí-nyalin nə goã dí nyɛɛ lɔn, ǹ goã mɔnaan mɛnɛn we, min mɛnɛn nə goã Salomɔn a màn-bii koe la, Salomɔn goã wúlu mànan mɛnɛn tiɛ̃ Dɛnaa Lawa a kion kɛ nɛ, kii lɔ lɛ bɛ́ á bɛn yɛ, á n kaãbaa ǹ ganaa parsiini.

Kiin1 3:28

Kii lɛ kiri mɛn kuru, Izirayeli kuturu bɛ boo ma. Ǹ nə́ kii lɛ yii guguru kɔ, a giala, ǹ nə́ dɔ̃ mà Lawa na á yiri kɔ Salomɔn la mà a sii yɔrɔ bɔ nɛ.

Boo-laakalaali 12:9

Minin-daraali lɛ goã sii-dɔ̃li lɛa, bɛ dɔ dinsɔɔ̃ bie wa, á wusoo doo á minin dɔn daraa sii-doɛ̃ ganaa. Á suusu gigiã sɔsɔ̃, á ǹ gɔsɛ, á ǹ zɛnaa.

Matiə 12:42

Kiri kurii pinaa, lɔ mɛn bɛ́ á goã kii lɛa Saabaa gána nɛ, bɛ á re yui kun ka pelo minin kɛn nɛ, a ǹ zɛ̀rɛ baa. A giala, a na á bɔ kanaa bǎã sɔsɔɔ nɛ, á daa n too kɔ Salomɔn a sii-doɛ̃ boon kɛn ganaa. Màn tá kànaa á gole á la Salomɔn nɛ dɛ!

Matiə 6:29

Bɛ din tumaa kio, masɛ n pii ka nɛ, kii Salomɔn laanka a naforodɛnaabaa kɛ lɛ din ni, a wɔ ǹ mɔnaan nə goã siĩni ka da buũn kɛn lɛn kɔ́n bɛ́ lɔn wa.

Luku 12:27

«Ka ga don a da buũn kɛn ganaa. Ǹ ba koara miɛ wa, ǹ ba mɔnaa tiɛ̃ wa. Sɛnɛ, masɛ n pii ka nɛ, kii Salomɔn laanka a naforodɛnaabaa kɛ lɛ din ni, a wɔ ǹ mɔnaan nə goã siĩni, ka da buũn kɛ lɛn kɔ́n bɛ́ lɔn wa.