Kiin1 10:22 - LAWA A BOO SONBORE

²² Bǎã sɔsɔɔ mu baa ǹ goon dɔn nə́ goã Salomɔn lon, ǹ nə́ ǹ diɛ baa-a kun ka Iraamu wɔn nɛ. Lɛ̀ sɔsɔɔ gɔ́ɔ̃ nɛ, maǹ nə́ n bɔyɛɛ ka bǎã sɔsɔɔ mu baa ǹ goon lɛn nɛ, sana nə́ ǹ nɛ, ka wɔrɔ nɛ, ka don a díi sɔ nɛ, ka káran laanka kokolo tɔrɔn kɔnɔn nɛ.

LAWA A BOO SONBORE 2011

²² Bǎã sɔsɔɔ mu baa ǹ goon dɔn nə́ goã Salomɔn lon, ǹ nə́ ǹ diɛ baa-a kun ka Iraamu wɔn nɛ. Lɛ̀ sɔsɔɔ gɔ́ɔ̃ nɛ, maǹ nə́ n bɔyɛɛ ka bǎã sɔsɔɔ mu baa ǹ goon lɛn nɛ, sana nə́ ǹ nɛ, ka wɔrɔ nɛ, ka don a díi sɔ nɛ, ka káran laanka kokolo tɔrɔn kɔnɔn nɛ.

Kiin1 10:22 ပူးပေါင်းရင်းမြစ်များ

Siin Giala 10:4

Yavan a nɛnyaanan man ka Eliizaa nɛ ka Tarsisi ni, ka Kitimu laanka Rodanimu ni.

Kiin1 10:18

Kii lɛ kii dankan gole zɛnaa ka don a díi sɔ nɛ, á sana yoreen yoreen kaa la.

Kiin1 10:21

Kii Salomɔn a màn mi ǹ mànan tumaa na á goã sana lɛa. Mànan mɛnɛn tumaa goã "Liban daã kion" kɛ nɛ, ǹ yii na á goã sana yoreen yoreen lɛa. Ǹ kɔn goã wɔrɔ lɛa wa, a giala Salomɔn a wasa nɛ, wɔrɔ goã màn kɔn lɛa ǹ gɔn wa.

Kiin1 22:48

Bɛa biikoo li kii goã koa nɛ Edɔmu gána mìi la wa. Gánadɛnaa dinsɔɔ̃ na á goã a tan, Zudaa n kii bɔ á koa.

Kiin1 22:49

Zozafati mu la ǹ goo zɛnaa, bǎã sɔsɔɔ zii tɔ wɔ ǹ wɔn lɛa, mà ǹ wo ga sana li Ofiiri kiwi. Sɛnɛ, ǹ boo la ǹ nə woo wa, a giala, goon lɛn nə́ ziziɛ̃ Esiɔn-Gebɛɛrɛ.

Kiin1 9:26

Kii Salomɔn mu la ǹ goon zɛnaa Etision-Gebɛrɛ kiwi, kunu Elaati kiwi ganaa, Sawɛɛ tà lɛ-a, Edɔmu gána nɛ.

KZS2 9:21

Bǎã sɔsɔɔ mu la ǹ goon dɔn nə́ goã Salomɔn lon, ǹ nə́ ǹ diɛ baa-a kun ka Uramu wɔn nɛ. Lɛ̀ sɔsɔɔ gɔ́ɔ̃ nɛ, manə n bɔyɛɛ ka bǎã sɔsɔɔ mu baa ǹ goon lɛn nɛ, sana nə́ ǹ nɛ, ka wɔrɔ nɛ, ka don a díi sɔ nɛ, ka káran laanka kokolo tɔrɔn kɔnɔn nɛ.

Zɔbu 39:13

Bɛnda nə n nyàa dii sɔnbɔraanɛ, bɛ̀ a baa si. Sɛnɛ, a boe la a piɛ̃ ka gɔgɔrɔ bɛ́ lɔn wa.

Loen 48:7

Ǹ gɔ̀nɔn na á bìn da walan kəkəkə, ka lɔ nɔna-a n nɛ yii.

Loen 72:10

Tarsisi kiwi laanka gánan mɛnɛn bɛ́ mu bii, bɛn kiin tá re min gɔ ǹ mànan diɛ la. Saabaa laanka Seebaa gánan kiin tá re màn boboe, ǹ kɔ la.

Izayii 2:16

Mu la ǹ goon kɛn zii sɔsɔɔ tɔ wɔ ǹ wɔn lɛa, á re yui bɛn gialaa ka ǹ mɛnɛn bɛ́ pii màn giɔ̀mɔ kakaan goɛ.

Izayii 23:1

Tiiri a boo gii. Kasɛn, bǎã sɔsɔɔ zii tɔ wɔ mu la ǹ goon, ka wuu pɛ. Tiiri kiwi kɛ ziziɛ̃. Kion banban doo wa. Kiɛnlɛ banban wa. Bɛ̀ n dɔ Siipri gána nɛ, man bɛa kibərə lɛ miɛ.

Izayii 23:10

Tiiri, tán kɔsɔ ka Niili tà lɛ-a minin bɛ́ lɔn, a giala, bǎã sɔsɔɔ zii tɔ wɔ mu la ǹ goon golee ǹ bǎã banban doo wa.

Izayii 23:6

Ka yìsi mu wɔsɔ yǎa Tarsiisi. Kasɛn kɛn giã-n yìsi mu lɛkoro lɛ-a, ka gɛ̀ loe lɔ.

Izayii 60:9

Gánan mɛnɛn bɛ́ mu bii, bɛn manə n yii diɛ ma la, ǹ foo n doa nɛ. Bǎã sɔsɔɔ mu la ǹ goo dadaran man nyɛɛnɛ, boe ka n nɛnyaanan lɛn nɛ gána sɔsɔɔ nɛ, kun ka ǹ sana laanka ǹ wɔrɔ nɛ. Maǹ die gugurubaa diɛ Dɛnaa Lawa, n Lawa, Izirayeli a Lawa sonbore kɛ tɔ la, asɛ mɛn bɛ́ yii gugurubaa koe n la.

Izayii 66:19

Ma á re sii giala pɛ ǹ màn diɛ ǹ bii. Min mɛnɛn yii bɛ́ re goɛ̃ koo, ma á re ǹ diɛ kiɛ-bɔle zanbian kɛn li boe Tarsisi, Puli, ka Luudi. Ma á re ǹ diɛ Tubaali minin li, Zavan minin ni, ka gánan kɛn nɛ Yìsi mu gole bii, bǎã mɛn bɛ́ ǹ bin tɔn ma boo ma wa, ǹ bin maa gugurubaa yɛ wa. Ǹ tá re maa gugurubaa nyɛɛ bɛa tɔrɔn lɛn manɛ.

Ezekieli 27:12

Tarsiisi minin kɛn, bɛn nə́ goã pii màn tɔrɔ tumaa pii kaa piɛ. Maǹ nə́ goã die ka wɔrɔ nɛ, fɔlɔ nɛ, fɔlɔ fu ni, ka fɔlɔ bù ni, bɛ̀ ǹ kɔ n la pii mànan lɛn dòo.

Ezekieli 27:15

Dedan kiwi minin kɛn dɔn man nə́ goã pii koe kunun n ni. Minin man boe bǎã sɔsɔɔ nɛ, die mànan pii n piɛ. A da yaa maǹ nə́ goã don a díi sɔ koe n la, ka díwi gɔn nɛ, bɛ̀ ǹ nə n pii mànan lɛn si.

Amɔɔsi 3:15

Kion dadaran nɛ, ka kion bisinin ni, ma á re bɛn wurii ma ǹ kaa. Ǹ kionən mɛnɛn nyaǹ kɔ ka don a díi sɔn nɛ, bɛn tá re papaɛ̃, kion gigiã á re kiɛ. Dɛnaa Lawa a da ǹ boo ne.

Zonaasi 1:3

Sɛnɛ Zonaasi yoo, mà a n baa sii woe Tarsisi kiwi, a n bɔ Dɛnaa Lawa yɔrɔ-a. Á daa Zafa tà lɛ-a, á mu la ǹ goo goon yɛ walan die woe Tarsisi. Á goo lɛ a wɔ ǹ giɔ̀mɔ saraa, á n dɔ kun ka minin lɛn nɛ, mà asɛ n woe Tarsisi kiwi sɔsɔɔ kɛ nɛ, a n bɔ Dɛnaa Lawa yɔrɔ-a.