Kiin1 1:35 - LAWA A BOO SONBORE

³⁵ Bɛ kio, ka die ka kɔ a kio lɛ, a da giã maa kii dankan lɛ la, a din nə die kii biɛ ma bǎã nɛ, a din lɛ nɛ, ma á koɛ Izirayeli gána laanka Zudaa gána a kii lɛa.

LAWA A BOO SONBORE 2011

³⁵ Bɛ kio, ka die ka kɔ a kio lɛ, a da giã maa kii dankan lɛ la, a din nə die kii biɛ ma bǎã nɛ, a din lɛ nɛ, ma á koɛ Izirayeli gána laanka Zudaa gána a kii lɛa.

Kiin1 1:35 ပူးပေါင်းရင်းမြစ်များ

Kiin1 1:13

Wo dɔ kii Davida lɛ li n pɛ nɛ: «Maa dɛnaagiĩ, táa n din nə n goã n nə n liɛ n pɛ ma nɛ, mà maa nɛ Salomɔn tá re kii biɛ n kio, a giã n kii dankan lɛ la? Sɛnɛ a na á saa lɔn Adoniya tá kii biɛ?»

Kiin1 1:17

Bati-Seebaa ná a lɛ si: «Dɛnaagiĩ, ma nə n liɛ kɛ wɔ masɛ nɛ, ka n Lawa, Dɛnaa Lawa lɛ tɔ nɛ ń pɛ mà ma din a nɛgiĩ Salomɔn lɛ n die kii biɛ n kio, mà a din lɛ n die giɛ̃ n kii dankan lɛ la.

Kiin1 1:34

Walan nɛ, Lawa a wúlu-bɔle Sadɔki laanka Lawa a boo gii-dali Natan tá re nyɔɔ loe Salomɔn ganaa ǹ koa Izirayeli a kii lɛa. Ka die ka bɛn pɛ bɛa biikoo li, ka n lɛ dɛ ka pɛ: «Kii Salomɔn die a nyín sasa yɛ!»

Kiin1 1:36

Zozadaa a nɛgiĩ Benaazaa kii lɛ lɛ si: «A n miɛ̃! N Lawa, Dɛnaa Lawa lɛ die a na a lɛ pã.

Kiin1 2:12

Salomɔn giã ǹ di Davida a kiibaa lɛ la, a pàã lɛ gòãn nə́ wɔ tán taãn-taãnɛ.

Kiin1 2:15

Adoniya tɔ́n pɛ kɛnɛn: «N dinmaa lɛ á doɛ̃, bɛ̀ a na á goã, bɛ̀ kiibaa lɛ n doe masɛ din ganaa. Izirayeli gána kuturu yii na á goã masɛ la, mà ma kii baa. Sɛnɛ, kiibaa lɛ ma lɛ bɔ á da, á kiɛ̃ á woo ma dɔɔ̃ngiĩ li. A na á kiibaa lɛ yɛ ka Dɛnaa Lawa foo sii ni.

KZS1 23:1

Davida zizi kɔ parsiini. A ná a nɛgiĩ Salomɔn koa kii lɛa Izirayeli mìi la.

Loen 2:6

A na á pɛ: Ma kii mɛn bɔ, man má bɛ koa maa *Siɔn kele sonbore kɛ la.