Zɔbu 7:1 - LAWA A BOO SONBORE

¹ Minbuiin nɛ a sii ba a din gɔn wa. Kanaa lɛ á kaka á la yii ni. Minbuiin nɛ na a nɛ ka sɔraasi bɛ́ lɔn. A n ka dí-nyali bɛ́ lɔn.

LAWA A BOO SONBORE 2011

¹ Minbuiin nɛ a sii ba a din gɔn wa. Kanaa lɛ á kaka á la yii ni. Minbuiin nɛ na a nɛ ka sɔraasi bɛ́ lɔn. A n ka dí-nyali bɛ́ lɔn.

Zɔbu 7:1 ပူးပေါင်းရင်းမြစ်များ

Zɔbu 10:17

Ma n yui masɛ gialaa miɛ̃ duduu. Màn nə miɛ̃ n foo a yoo li masɛ wɔ paǹ li. Ma n zia nɛn boboe masɛ ganaa.

Zɔbu 14:1

Minbuiin nɛ kɛ lɛ yii lɔ la, a nyin ba sasa wa, nɔmaa dɔ́ la a yii ni.

Zɔbu 5:7

Tɛ bɛ́ pupuri bɛ̀ a yoo lon lɔn sàabaa ná a ba la wa, minbuiin nɛ dɔ na á yɛ nɔmaa taman yii.

Zɔbu 7:2

A n ka bɛ̀rɛ bɛ́ lɔn, giɛ wúlu li mà asɛ nə n susu li. A n ka dí-nyali bɛ́ lɔn, n yii diɛ a saraa la.

Loen 39:4

Ma foo na á goã pipi ma gɔ́ɔ̃ nɛ, maa ginii gogoonmaa n ka tɛ ma kuĩ, yǎa má n lɛ bũ má boo da:

Boo-laakalaali 8:8

Min kɔn nyin biɛ ba a din gɔn, a tɔn boo la a tamaa wa. Min kɔn ba boe la, a na a gɛ̀ lɛawaa zɔ̃ a wo-n nyɛɛn wa. Bɛa zia kɛ lɛ miã, la ǹ gɔn banban wa. Min mɛnɛn bɛ́ baraabaa zɛnɛɛ, baraabaa lɛ ba re ǹ sii a ǹ kaa wa.

Izayii 16:14

Sisia, Dɛnaa Lawa n kɛ pii: «Kànaa ka lɛ̀ sɔɔ ka te, Moabu gána a min dadaran laanka a zaman damata kɛ a re màn kɔn biɛ doo wa. Min mɛnɛn yii bɛ́ re goɛ̃ koo, bɛn ba re tɛ koe wa. Ǹ ba màn lɛa wa, ǹ ba re màn kɔn dɔ biɛ wa.»

Izayii 21:16

A giala Dɛnaa boo mɛn pɛ ma nɛ á ke: «Kànaa ka lɛ̀ goon ka te, Kedaara a yii gugurubaa kɛ tumaa á re nyɛɛ.

Izayii 38:5

– Wo pɛ Ezekiasi-n kɛnɛn: «Masɛ Dɛnaa Lawa, n di Davida a Lawa, má n nyankɔ ma, má n yii mu yɛ. Á ke, ma á re lɛ̀ fulusooro kiɛ n lɛawaan li!

Izayii 40:2

Ka Zeruzalɛmu foo taã, ka pɛ nɛ ka lɛn gole ne, mà a bɛ̀rɛbaa ǹ dí lɛ nya, mà a siɛ̃n lɛn dɔlɔ nya. A giala Dɛnaa Lawa da a sii baraan lɛn tumaa a dɔlɔ saraa ganaa.

Lawa a wúlu-bɔlen 25:50

Bɛ̀ á miɛ̃, a n din sã lɛ̀ mɛn-a, lɛ̀ lɛ mɛn bɛ́ bɛ laanka lɛ̀ posooro zɔ́n biin ni, a bɛ nimi kun ka a piili lɛ nɛ. Ǹ pii lɛ mɛn-a, a bɛ zɔɔ̃ kɔn li ka bɛa lɛ̀ lɛ lɛ nɛ. A dí mɛn dɔ nya a piili lɛ lon, a bɛa wɔrɔ nimi pinin goon dí nya ǹ giɔ̀mɔ lɛ yii li.

Timəə dí-pɛn 15:18

Ka n gɔn bɔ bɛ̀rɛ lɛ ganaa, a woo a n bɔ kaa piɛ, a goã a din gɔn wìi a lɛa. Ka nyan toa bɛ sii kaka baa ka yii li wa. A giala, a lɛ̀ sɔrɔ dí mɛn nya ka nɛ, a màn tá n timii dí-nyali a saraa la gunyin paa. Bɛ lɛ nɛ, ka n gɔn bɔ a ganaa a woo. Kaa Lawa, Dɛnaa Lawa á die barka diɛ kaa nya ǹ dí tumaa ganaa.