Zɔbu 6:10 - LAWA A BOO SONBORE

¹⁰ Nɔmaa babaraa kɛ lɛ bii, sii mɛn bɛ́ nyɛnyɛɛ diɛ ma ganaa, bɛ n ka kɛ nɛ: man piã ka Lawa sonbore lɛ a boon ne wa.

LAWA A BOO SONBORE 2011

¹⁰ Nɔmaa babaraa kɛ lɛ bii, sii mɛn bɛ́ nyɛnyɛɛ diɛ ma ganaa, bɛ n ka kɛ nɛ: man piã ka Lawa sonbore lɛ a boon ne wa.

Zɔbu 6:10 ပူးပေါင်းရင်းမြစ်များ

Zɔbu 11:4

Ń pɛ dinin, mà nsɛ a giã ǹ gɔn tá siĩni, mà Lawa din tá doɛ̃ mà zɛ̀rɛ ba nsɛ-a wa.

Zɔbu 15:11

Wɔ bɛ́ boo basiɛ̃ mɛn diɛ n nɛ, Lawa a minin foo basa ǹ boo ke, bɛa doe nsɛ yii li wa?

Zɔbu 21:33

Bɛ̀ ǹ tá woe ka a gere ne, zaman tumaa n woe diɛ zii. Kɛn man a kio, kɛn man a nyɛɛnɛ, min ba ǹ nimii a ǹ lɛ dɔ̃ wa. Yala tii lɛ din nə puusə a ganaa.

Zɔbu 22:22

A bɛ́ doree mɛn koe n la, bɛ si. A bɛ́ boo mɛn pii n ni, bɛ tamaa n yiri ni.

Zɔbu 23:11

Má kɔ a gòɛ̃ lɛ, má kɔ a zii kɛ lɛ, ma kanaa wa.

Zɔbu 23:12

A lɛ gɔ́ɔ̃ ǹ boo ke, ma talaa má n bɔ bɛ la wa. A din a dí-pɛn kɛn, má bɛn sii zɛnaa á la ma din foo sii ni.

Zɔbu 3:22

Bɛ̀ man yala-n dinin, bɛ̀ man die n nyɛnyɛɛ foo kɔɔ̃nbaa gole gɔn.

Zɔbu 9:4

Sii-doɛ̃ na á goã Lawa din ni, pàã tumaa na á goã a din ni. Die nə n gòãn dii a ganaa, n wusoo n na a laakalaa?

Loen 119:13

N sii yɔrɔ bɔ ǹ boon kɛn, má ǹ tumaa pɛ ka ma lɛ nɛ.

Loen 119:50

N lɛ kɔ ǹ boo lɛ wusoo á ma yii kaa. Á ke, bɛ lɛ din nə foo-basiɛ̃ koe ma la maa nɔmaa gɔ́ɔ̃ nɛ.

Loen 37:30

Min sonbore n sii-doɛ̃ boo diɛ, peperebaa ǹ boon n soe a lɛwɔn la.

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Ozee 11:9

Boo giala nyɔmiɛ̃ ba re goɛ̃ maa foo-yoo-n wa, ma a re wusii ma da Efrayimu ziziɛ̃ wa. A giala ma bie minbuiin lɛa wa. Lawa n ka masɛ nɛ. Nsɛ li Efrayimu, Lawa sonbore n ka ma nɛ, ma bie die maa foo-yoo nyɛɛ wa.»

Lawa a wúlu-bɔlen 19:2

Boo da ka Izirayeli zaman lɛ tumaa nɛ, n pɛ ǹ nɛ: Ka goã min *yoreen lɛa ka ma dinmaa bɛ́ yoreen lɔn, masɛ Dɛnaa Lawa din nə kaa Lawa lɛa.

Abakuku 1:12

A kũ a giala kɔ waáraa ganaa, n din nə Dɛnaa Lawa lɛa. Maa Lawa nɛ n nɛ, n tá sonbore. Wɔ a re giɛ̃ wa. Dɛnaa Lawa, n din ni n Baabilonii minin bɔ mà ǹ kiri kuru wɔ la. N din nə maa gɛ̀fu kaka lɛa, n nə ǹ dia mà ǹ da dɔlɔ bɔ wɔ ganaa.

Abakuku 3:3

Lawa n boe Temaa, Lawa sonbore lɛ n boe Paran a kelen la. *Doa A golebaa lon pã, a tɔ laakalaa tán pã.

Nya ǹ dín 20:20

Màn mɛn tumaa là bɛ́ ka ganaa, ma bɛ kɔ́n duru ka la wa. Sɛnɛ, masɛ n má Lawa a boo lɛ pɛ, má ka daraa min tumaa yɔrɔ-a, má ka daraa kaa kionən dɔn nɛ.

Nya ǹ dín 20:27

A giala, ma màn kɔ́n duru ka la wa, sɛnɛ, má Lawa a dí nya ǹ gɔn lɛ tumaa boo da ka nɛ ka lenlen.

Rɔmu minin 8:32

Lawa nə n piã dinin ka a din a Nɛ kɛ a kɔ gɛ̀ la-n wa, a na á kɔ wɔsɛn tumaa a lɛa. A re màn tumaa dɔ koe wɔ la a da a Nɛgiĩ lɛ a koe la wa? Hiĩ! Á re màn tumaa koe wɔ la.

Timəə dí-pɛn 29:20

Dɛnaa Lawa á re niɛ a bɔ Izirayeli minin lɛn tumaa ganaa, a dɔlɔ bɔ a ganaa, a kɔnpɛ ka lɛ kɔ kɔn la lɛ a dɔlɔ tumaa nɛ, ǹ mɛnɛn boo bɛ́ kiɛ̃ nɛ dí-pɛn sɛ́wɔ kɛ nɛ.

Sii-nyaan 3:7

Sɛ́wɔ kɛ kiɛ̃ n dia Filadɛlfiin Lawa a sɔmɔ a lon a dia dí-a wole la: «Masɛ mɛn bɛ́ sonbore lɛa, man taãn lɛa, Davida a goo nɛ n ma gɔn, bɛ̀ má kiɛnlɛ tã, min kɔ́n ba boe la a bũ wa, bɛ̀ má bũ, min kɔ́n ba boe la a tã wa, ma bɛ́ màn mɛn pii, á ke:

Sii-nyaan 4:8

Màn yiikoonaa pàãdɛnaa sii lɛ gogoonmaa nyàan man sɔrɔ, yii nàn nə́ ǹ paǹ tumaa ganaa, ǹ nyàa giulun ni ka a kanaa nɛ. Maǹ loe loe baayɛlɛ ka tèlò tumaa nɛ ǹ nə́ pii: N tá sonbore, n tá sonbore, n tá sonbore, wɔa Dɛnaa Lawa Pàãyiidɛnaa mɛn bɛ́ á goã, a ná a tan, a n die die dɔn.

Samayeli1 2:2

Dɛnaa Lawa miã banban ka siĩnbaa-n wa. Dɛnaa Lawa kɔsɔ banban, bɛ̀ n din lɛ bie wa. Màn kɔsɔ a wɔ tamaɛ ka wɔa Lawa bɛ́ lɔn wa.