Zɔbu 5:5 - LAWA A BOO SONBORE

⁵ Bòonaan tá re a buu kɔsɔ ǹ màn bii. A na a lɛnpɛnɛ ka nyan mɛn din ni, ǹ tá re we bɛ lɛ gɔ́ɔ̃ nɛ ǹ goa. Bɔlɔ sɛ̀muidɛnan tá re a gɔn màn goɛ.

LAWA A BOO SONBORE 2011

⁵ Bòonaan tá re a buu kɔsɔ ǹ màn bii. A na a lɛnpɛnɛ ka nyan mɛn din ni, ǹ tá re we bɛ lɛ gɔ́ɔ̃ nɛ ǹ goa. Bɔlɔ sɛ̀muidɛnan tá re a gɔn màn goɛ.

Zɔbu 5:5 ပူးပေါင်းရင်းမြစ်များ

KZS2 33:11

Bɛ lɛ nɛ, Dɛnaa Lawa Asiiriin kii a zia-baalin nyɛɛnaandɛnan dia ǹ gialaa. Ǹ nə́ Manaasee kũ, ǹ nə́ koɛ̀ɛ̃nən kaa a ganaa, ǹ nə́ yii ka zan zɔrɔkan nɛ ǹ nə́ woo ne *Baabilonii.

Zɔbu 1:15

Sabaa minin nə́ daa kaa ǹ bii, ǹ nə́ n dí-nyalin kɛn dɛ, ǹ nə́ tɔɔn lɛn loo, ǹ nə́ kiɛ̃ ǹ nɛ. Masɛ dinsɔɔ̃ n ke, má baa si má la, má daa a boo da n nɛ.»

Zɔbu 1:17

Bɛ dɔ ba a wɔ diɛ á nyɛɛ wa, bɛ̀ goon dɔ bɛ́ á dɔ mà *Kaldee minin nə́ n tala kɔn kuru sɔɔ, ǹ nə́ daa kaa nyɔɔmaan lɛn bii, ǹ nə́ dí-nyalin lɛn dɛ, ǹ nə́ nyɔɔmaan lɛn loo, ǹ nə́ kiɛ̃ ǹ nɛ. Mà asɛ dinsɔɔ̃ na á baa si á la, á daa a boo da nɛ.

Zɔbu 12:6

Mɛnaa minin la wolen kɛn, là nyantoro n bɛn kion. Min mɛnɛn bɛ́ n yii we Lawa la, gɔ́ɔ̃-bii ba bɛn-a wa. Ǹ ba Lawa kɔsɔ doɛ̃ wa, yǎa ǹ dinin pàã ke.

Zɔbu 2:3

Dɛnaa Lawa tɔ́n pɛ nɛ: «Táa ń masɛ a dí-nyali Zɔbu kɛ yɛ? Ǹ miã din banban kanaa wa. Min pepere ne, a zɛnaa ǹ sii n siĩni, á n nyɛ́ɛ biɛ masɛ Lawa yii ni, n nyɛnɛɛ sii baraa nɛ. A ke, a tɔn sii kɔn la wa, n dɔ á ke ma diɛ a dɛ ganaa kooro.»

Zɔbu 20:15

A pàãmabaa ǹ mànan kɛn lɛn á ǹ mui, á re pisii ǹ ni. Lawa á die ǹ wɛɛ a bɔ a gɔ́ɔ̃ nɛ.

Zɔbu 20:22

Nɔmaa á die kirii la a pàãmabaa gole kɛ lɛ gɔ́ɔ̃ nɛ, sii tumaa á re bɔ̀n diɛ a ganaa.

Zɔbu 22:10

Bɛ lɛ n ke, kan nə́ n kũ n paǹ yii-a, nyɛ́ɛ nə́ n kũ á n foo biɛ na.

Loen 109:11

A giɔ̀mɔ dama-a wole die a daa, a na a gɔn màn tumaa goa. A màn mɛn yɛ, tiin die ǹ bɛ kokoo.

Izayii 62:8

Dɛnaa Lawa nə n liɛ kɛnɛn: «Maa Lawa Pàãyiidɛnaabaa kɛ taman yii, ma a re toɛ n zɔ́ɔn nə n *belee kɛ bii wa. N nɔmaa duvɛ̃ mɛn taman yii, tiin ba re bɛ mii wa.

Zeremii 51:34

Baabiloniin kii Nebukadenezɔɔrɔ ma ziziɛ̃ lenlen, á n la bɔ ma ganaa ka tasa gɔ́ɔ̃ kooro bɛ́ lɔn. Á ma mui ka mu li ǹ màn babaraa kɛ bɛ́ lɔn. Ma gɔn màn giɔ̀mɔ kakan kɛn, á n nɔ̀ kã ka bɛn nɛ. Bɛ kio, á ma loo.

Zeremii 51:44

Dɛnaa Lawa pɛ: Man yui Bɛɛli gialaa Baabilonii, màn mɛn bɛ́ a bɔlɔ-n á n mui, man bɛ baɛ̃ ma soo ne. Tɔrɔn ba re yiɛ ǹ wo a li doo wa. Kungɔnɔn mɛnɛn bɛ́ Baabilonii tamaɛ bɛn nə́ kaa.

Busii pɛ 2:16

Á ke, n zɔ́ɔn tumaa n boo diɛ n ganaa. Maǹ nə n yiin wɛɛ n li, ǹ nə́ yaa we n ganaa bɛ̀ ǹ tá pii: «Wɔ gɔn dɔ a ganaa. Wɔ bɛ́ n yii diɛ lɛawaa mɛn la, á ke. A din nə ka kɛ nɛ wɔ yii ná a ganaa.»

Busii pɛ 2:5

Dɛnaa Lawa na á n baa ka zɔ́ɔ bɛ́ lɔn. Á Izirayeli yu, a ná a kion sonboren tumaa yu. Kungɔnɔn mɛnɛn bɛ́ tamɛɛ, á bɛn dɔn tumaa wuru. Á Zudaa gána tumaa pã ginii ni, ka foo ziziɛ̃ nɛ.

Ozee 8:7

Bɛ̀ n piɛ̃ lɔnlɔɔn yoo, n tá re la piɛ̃ yii. Bɛ̀ *belee mìi bɔ wa, a wùsu boe wa. Ta a na á bɔ dɔn dinin, tiin man bii.

Timəə dí-pɛn 28:33

Ka bɛ́ re màn mɛn yii kaa tán-kɔsiɛ gɔ́ɔ̃ nɛ, ka bɛ́ re nɔmiɛ̃ ka tɔn màn mɛn tumaa yɛ, tɔrɔn mɛnɛn bɛ́ ka a ǹ doɛ̃ wa, bɛn tá re bɛ bii. Maǹ die goɛ̃ mɛnɛɛ ka la miɛ̃, bɛ̀ ǹ bɔ ka yii ni.

Timəə dí-pɛn 28:51

Ǹ tá re kaa tɔɔn kuĩ ǹ nə ǹ si ka la, ka kaa tán-kɔsiɛ mànan nɛ, yǎa bòo ka dii. Kaa *belee ne, kaa duvɛ̃ nɛ, kaa nyɔɔ nɛ, haalɛ kaa diin nɛn, sère nɛn nɛ ka bòe nɛn nɛ, ǹ ba re bɛ kɔn toɛ wa. Maǹ die nɔmiɛ̃ ǹ ka papaã.

Sii yɔrɔ-bɔlen 6:11

Dɛnaa Lawa a lon a dia dí-a wole lɛ daa Ofra kiwi, á giã tán da goon giulun, Zoasi a wuru-n. Zoasi lɛ n Abiezɛɛrɛ a tanlɛ min lɛa. A nɛgiĩ Zediɔ̃ na á goã *belee duwii rezɛ̃ mu bɔ ǹ yala kɛ nɛ, màn mɛn bɛ́ toɛ, Madiã minin kɛn baran yɛ wa.