Zɔbu 42:8 - LAWA A BOO SONBORE

⁸ A bɛ́ miɛ̃, ka dii gɔ̀lɔ̀ sɔbaa kũ ka sère gɔ̀lɔ̀ sɔbaa nɛ, ka wo ǹ ne maa dí-nyali Zɔbu li, ka baa *wúlu màn tiɛ̃ lɛa. Maa dí-nyali Zɔbu á re Lawa nyankoe kaa lɛa. A Lawa nyankɔ lɛ a lɛa, a laanɛ ka boo sonbore da masɛ wɔ paǹ li ka Zɔbu wɔ bɛ́ lɔn wa, ma a re ka kuĩ bɛ li wa.»

LAWA A BOO SONBORE 2011

⁸ A bɛ́ miɛ̃, ka dii gɔ̀lɔ̀ sɔbaa kũ ka sère gɔ̀lɔ̀ sɔbaa nɛ, ka wo ǹ ne maa dí-nyali Zɔbu li, ka baa *wúlu màn tiɛ̃ lɛa. Maa dí-nyali Zɔbu á re Lawa nyankoe kaa lɛa. A Lawa nyankɔ lɛ a lɛa, a laanɛ ka boo sonbore da masɛ wɔ paǹ li ka Zɔbu wɔ bɛ́ lɔn wa, ma a re ka kuĩ bɛ li wa.»

Zɔbu 42:8 ပူးပေါင်းရင်းမြစ်များ

Siin Giala 20:17

N dɔ̃, lɔ mɛn tumaa bɛ́ á goã Abimelɛki a kion, Lawa na á goã á n tumaa baa lɔ nɛ-yele baãnaan lɛa, Abrahamu a lɔ Saaraa taman yii. Sɛnɛ, Abrahamu Lawa nyankɔ Abimelɛki a lɛa, ka a lɔ nɛ, ka a bɛ̀rɛlɔn nɛ. Bɛ kio, lɔn lɛn nə́ tɔ́n nɛnyaanan yɛ.

Siin Giala 20:7

Sisia, giĩ lɛ a lɔ lɛ kɔ la. A giala, Lawa a boo gii-dali ni, á die Lawa nyankoe n lɛa, màn mɛn bɛ́ toɛ n nyin goã. Bɛ̀ n kɔ la wa, a dɔ̃ mà n din laanka n minin tumaa á re giɛ̃, sàabaa ná a ba la wa.»

KZS1 15:26

Lawa na á n dɔ *Levii tɔrɔn lɛ, ǹ nə́ Dɛnaa Lawa a lɛ kɔ kɔn la ǹ goo lɛ gũ. Ǹ nə́ dii gɔ̀lɔ̀ sɔbaa ka sère gɔ̀lɔ̀ sɔbaa dɛ *wúlu màn lɛa.

KZS2 29:21

Ǹ nə́ daa ka dii gɔ̀lɔ̀ sɔbaa nɛ, sère gɔ̀lɔ̀ sɔbaa nɛ, sère ten sɔbaa nɛ ka butumu sɔbaa nɛ, ǹ nə́ kɔ Lawa la, sii baraa sawaa ǹ wúlu mànan lɛa, bɛa wúlu mànan kɛn manə n koe kii kion wɔ lɛa, Lawa a kion kɛ wɔ nɛ, ka Zudaa zaman nɛ. Kii lɛ pɛ Aarɔn tɔrɔn manɛ, Lawa a wúlu-bɔlen lɛa mà ǹ mànan lɛn dɛ Dɛnaa Lawa a wúlu bɔ ǹ bǎã kɛ nɛ.

Zɔbu 1:5

Bɛ̀ zɔ́n lɛ kiɛ̃, Zɔbu na a nɛnyaanan lɛn bíi, bɛ̀ a *gɔ̀ bɔ ǹ ganaa. A n yui baayɛlɛ yiisoone, bɛ̀ a tɔɔ dɛ a tã lenlen, a didie a wúlu bɔ nɛ. Zɔbu na á goã zɛnɛɛ miɛ̃ biikoo tumaa li. A giala a na á goã taasɛ, mà kɔntan asɛ a nɛnyaanan lɛn nə́ sii baraa zɛnaa, hinlaa ǹ nə́ wɔ Lawa gasɛ nɛ ka ǹ taasiɛ nɛ.

Zɔbu 1:8

Dɛnaa Lawa tɔ́n pɛ Zɔ́ɔ nɛ: «Táa ń maa dí-nyali Zɔbu kɛ yɛ? Ǹ miã din banban kanaa wa. Min pepere ne, a zɛnaa ǹ sii n siĩni, á n nyɛ́ɛ biɛ masɛ Lawa yii ni, n nyɛnɛɛ sii baraa nɛ.»

Zɔbu 22:30

Lawa lɛ bɛ́ n zɛ̀rɛbaãnaa kirisibiɛ, bɛ̀ n dɔ sii la wa, n tá re n boe a nɛ.

Zɔbu 35:8

N baraabaa kɛ lɛ n basaã koe n din miãn dininsɔɔ̃nɔn manɛ, n peperebaa kɛ lɛ a là n doe n din miã minbuiinin ganaa.

Zɔbu 42:9

Elifaazi ke boe Teman, Bildaadi ni boe Suwaa, ka Sofaara nɛ boe Naaman, ǹ nə́ bɛa wúlu lɛ bɔ, ka Dɛnaa Lawaa bɛ́ á pɛ ǹ nɛ lɔn. Dɛnaa Lawa Zɔbu a nyankɔ lɛ si sɔnbɔraanɛ.

Loen 103:10

A ba wɔ kuĩ wɔa sii baraan li wa, a ba gɛ̀ dòo boe wɔ ganaa, a kɔnpɛ ka wɔa sãn nɛ wa.

Bɔ bɛ̀rɛbaa nɛ 18:12

Ǹ daãgiĩ Zetro lɛ woo *wúlu màn tã kunun ǹ ni, ǹ nə́ wúlu màn tɔrɔ kɔsɔn dɔn bɔ ǹ nə́ ǹ kɔ Lawa la. Aarɔn laanka Izirayeli a min golen kɛn tumaa daa màn bii Lawa yɔrɔ-a, kun ka ǹ daãgiĩ Zetro lɛ nɛ.

Izayii 60:14

Min mɛnɛn nə fuu nyaa n nɛ, bɛn nɔ̀ɔnɔn tá re n mɔrɛɛ n ganaa, ǹ mìi n kuməə ne. Min mɛnɛn nə n baa màn kooro lɛa, bɛn tá re n musin koɛ tán-a n yɔrɔ-a. Ǹ tá re n bíi: «Dɛnaa Lawa a kiwi, Izirayeli a Lawa sonbore a *Siɔn.»

Zeremii 14:11

Dɛnaa Lawa pɛ ma nɛ: «N nyan màn kɔn nyankɔ ma la zaman kɛa yii-nyɛɛ taman yii wa!

Zeremii 15:1

Dɛnaa Lawa pɛ ma nɛ: – Ta Muizu laanka Samayeli din nə́ n gii wɔ boo kɛ nɛ masɛ li, ma a re n yɔrɔ diɛ zaman lɛ la wa. Ǹ loo n nə ǹ bɔ ma yɔrɔ-a ǹ wo sɔsɔɔ.

Ezekieli 14:14

Ta Nowee ǹ miã n bɛa gána lɛ nɛ, Danieli ni ka Zɔbu ni, bɛn min sɔɔ kɛ lɛ, ǹ peperebaa lɛ n die ǹ dininsɔɔ̃nɔn kirisibiɛ. Ma din Dɛnaa Lawa a da ǹ boo ne.

Ezekieli 45:23

Zɔ́n lɛ a lɛawaa sɔbaa lɛ gɔ́ɔ̃ nɛ, a die a wúlu màn tã Dɛnaa Lawa wɔ lɛa, baraabaraa: Dii gɔ̀lɔ̀ sɔbaa ka sère gɔ̀lɔ̀ sɔbaa wɔ̀lɔ̀ na a ba ǹ ganaa wa. Ka die ka sii baraa sawaa ǹ wúlu kɛ dɔ bɔ baraabaraa butumu goon.

Minin nimi 23:1

Balaamu pɛ Balaaki ni: «*Wúlu bɔ ǹ bǎã sɔbaa dɔ kànaa n nə ǹ kɔ masɛ la, n dii gɔ̀lɔ̀ sɔbaa laanka sère gɔ̀lɔ̀ sɔbaa dɔ yɔrɔ bɔ a din bǎã kɛ lɛ nɛ, n nə ǹ kɔ ma la.»

Minin nimi 23:14

Bɛ kio, Balaaki Balaamu kũ á woo ne bǎã-lɛduə̃lin doa ǹ bǎã kɛ nɛ, Pisigaa kele mìi ni. Á *wúlu bɔ ǹ bǎã sɔbaa dɔ, á wúlu bɔ ka dii gɔ̀lɔ̀ goon laanka sère gɔ̀lɔ̀ goon ne ǹ gogoonmaa la.

Minin nimi 23:29

Balaamu pɛ Balaaki ni: «*Wúlu bɔ ǹ bǎã sɔbaa dɔ kànaa n nə ǹ kɔ ma la, dii gɔ̀lɔ̀ sɔbaa laanka sère gɔ̀lɔ̀ sɔbaa dɔ yɔrɔ bɔ, a din bǎã kɛ lɛ nɛ, n nə ǹ kɔ ma la.»

Matiə 3:17

Boo-diɛ lɛn bɔ lon á pɛ: «Kɛ n maa Nɛgiĩ lɛa, ma á narɛ parsiini, ma din ni má bɔ.»

Efɛɛzi minin 1:6

A n mà wɔ asɛ a bǐɛ̃ golee kɛ lɛ laakalaa. A bǐɛ̃ mɛn baa wɔ la ka bǐɛ̃baa ǹ foo ne, a ná a Nɛgiĩ narɛɛ wole kɔ wɔ la.

Timote2 4:14

Fuũn giĩ Alɛksandrə kɛ sii baraa gigiã zɛnaa ma nɛ. Dɛnaa á re sarɛɛ, a kɔnpɛ ka a nya ǹ dín ni.

Ebrəə 10:4

A giala, dii gɔ̀lɔ̀n laanka butumu mà a boe la, a sii baraan nya duduu wa.

Ebrəə 7:25

Bɛ lɛ taman yii ni, min mɛnɛn bɛ́ n mɔrɛ Lawa ganaa a din barka nɛ, á boe la, a bɛn kirisibaa yǎa a giala-nyɔmiɛ ganaa, a giala, a dinmaa lɛ yii n koo yǎa duduu, á n Lawa nyankoe ǹ lɛa.

Zaaki 5:14

Bɛ̀ kaa min mɛn ba lon wa, ǹ dɛnaa Lawa a sɔmɔ nyɛɛnaandɛnan bíi, bɛn nə nyɔɔ lɔ a ganaa ka Dɛnaa tɔ nɛ, ǹ Lawa nyankɔ a lɛa.

Zaaki 5:16

Bɛ lɛ taman yii, ka kaa sii baraan pɛ kɔn nɛ, ka Lawa nyankɔ kɔn a lɛa, màn mɛn bɛ́ toɛ, ka kakabaa yɛ. Min mɛn bɛ́ Lawa bɔlɔ sii, pàã tá bɛa dɛnaa a Lawa-nyankɔ nɛ.

Zaã1 5:16

Sii baraa mɛn bɛ́ a woe ka min ni gɛ̀-n wa, bɛ̀ min nə́ ǹ dɔɔ̃n yɛ bɛ zɛnɛɛ, a Lawa nyankɔ, Lawa á re yiikoonaabaa koe ǹ dɔɔ̃n kɛ lɛ la, bɛ̀ á daa yaa sonbore, sii baraa kɛ lɛ á zɛnaa, bɛ̀ a ba woe-n gɛ̀-n wa. Sɛnɛ, sii baraa goon tan, a n woe ka min ni gɛ̀ nɛ, ma bie máa ka Lawa nyankɔ bɛa sii baraa kɛ miã a lɛa wa.

Zaã1 5:6

Min mɛn da wɔ li, bɛ n ka Yezu *Krita nɛ. A na á daa ka a *batɛmu yɛ ǹ mu ni, ka a gɛ̀-wɔ ǹ mà nɛ. A bie á daa ka mu dinsɔɔ̃-n wa, sɛnɛ, a na á daa ka mu ni, ka mà nɛ. Yiri Fu din nə bɛa siére pii, a giala, a n sonbore lɛa.

Sii-nyaan 3:9

Min mɛnɛn bɛ́ n dinin biɛ Zuifun lɛa, ǹ nə́ ǹ ba a lɛa dɔn wa, maǹ soɛ boe, maǹ *Sɛtaan a lɛ-kaakun minin lɛa, ma á re ǹ kuĩ ka pàã nɛ, ǹ da kaa tán ka giulun. Ǹ tá re doɛ̃ ka bɛ nɛ, mà ma á ka narɛ.

Samayeli1 25:35

Abigayili da bǐɛ̃baa ǹ màn mɛn kɔ Davida la, Davida nə́ n gɔn dia á si. Davida pɛ Abigayili dinmaa lɛ-n kɛnɛn: «Wo piɛ ka là nyantoro ne. Ga, má n too kɔ n lon, má bǐɛ̃ kɔ n ganaa.»