Zɔbu 4:17 - LAWA A BOO SONBORE

¹⁷ Minbuiin nɛ á boe la a goã pepere Lawa yɔrɔ-a? Minbuiin nɛ á boe la a goã *yoreene a zɛnaali yɔrɔ-a?

LAWA A BOO SONBORE 2011

¹⁷ Minbuiin nɛ á boe la a goã pepere Lawa yɔrɔ-a? Minbuiin nɛ á boe la a goã *yoreene a zɛnaali yɔrɔ-a?

Zɔbu 4:17 ပူးပေါင်းရင်းမြစ်များ

Siin Giala 18:25

Zɛ̀rɛbaãnaa laanka zɛ̀rɛdɛnaa nə n dɛ kun? Haayii dɛ! N din mɛn bɛ́ kiri kuri kanaa minbuiinin tumaa la, n ba re kuri ka peperebaa-n wa?»

Zɔbu 14:4

Die n boe la a màn *yoreen bɔ màn gɔgɔrɛ nɛ? Bɛa dɛnaa din banban.

Zɔbu 15:14

Minbuiin nɛ n siɛ lɔn, a tɔn goã *yoreen ne? Lɔ min mɛn yɛ, a n siɛ lɔn a tɔn goã pepere?

Zɔbu 25:4

Minbuiin nɛ n siɛ lɔn a tɔn sonbore yɛ Lawa ganaa? Lɔ a yii kɛ lɛ n siɛ lɔn a tɔn goã *yoreen ne?

Zɔbu 31:15

Min mɛn lɛ ma zɛnaa ma dan gɔ́ɔ̃ nɛ, a din lɛ bie á ǹ dɔn zɛnaa wa ya? A din Lawa goon kɛ lɛ bie á wɔ tumaa da wɔ dan gɔ́ɔ̃-n wa ya?

Zɔbu 32:22

Ma a boe min bebelee dɔ din la wa. Bɛ̀ man bɛ zɛnɛɛ, bɛ̀ maa Zɛnaali kɛ ma bɔ̀n baa bǎã goon.

Zɔbu 35:10

Sɛnɛ, min kɔn ba giɛ Lawa li wa, asɛ mɛn bɛ́ á ǹ zɛnaa, á n foo kɔɔ̃n-baa ǹ loe we ǹ lɛ-n tèlò-n.

Zɔbu 35:2

«Á siĩnii n pɛ Lawa-n sonbore mà nsɛ sii la wa?

Zɔbu 36:3

Man die maa doɛ̃ lɛ boe sɔsɔɔ, ma maa Zɛnaali lɛ a peperebaa nyaa n nɛ.

Zɔbu 4:16

Màn goon na á goã golee-n walan, sɛnɛ, màn mɛn bɛ́ nɛ, ma a doɛ̃ wa, màn nyín na á goã ma yɔrɔ-a. Má tɔ́n lɛn goon ma boo diɛ zuũzuũ kɛnɛn:

Zɔbu 40:8

N din parsii, mà n ba masɛ a kiri-kurii lɛ biɛ a lɛa wa? Man giɛ li n masɛ zɛ̀rɛ baa, n sonbore kɔ n din la?

Zɔbu 8:3

Lawa lɛ á sii kɔkɔrɔ zɛnɛɛ ya? Pàãyiidɛnaa lɛ á sii pepere kɔrɛ?

Zɔbu 9:2

«Bɛ n taãn lɛa. Ma á doɛ̃ má a n miɛ̃. Sɛnɛ minbuiin nɛ din nə siɛ lɔn, a tɔn goã pepere Lawa yɔrɔ-a?

Loen 143:2

N baran kiri wɔ n bɛ̀rɛgiĩ lɛ-a wa, a giala, min kɔn ba pepere nsɛ yɔrɔ-a wa.

Loen 145:17

Dɛnaa Lawa a sii tumaa n pepere, a zɛnaa ǹ sii tumaa n siĩni.

Boo-laakalaali 7:20

Taãn nɛ, min pepere goon ba kanaa kɛ gɔ́ɔ̃ nɛ, sii bǐɛ̃ zɛnɛɛ, a ná a ba sii baraa dɔ zɛnɛɛ wa.

Zeremii 12:1

Nsɛ Dɛnaa Lawa, n tá pepere. Sɛnɛ, man die kiri we kɔn ka n nɛ, man li ma boo da n nɛ peperebaa a paǹ li: A n siɛ lɔn min baraan sii á bǐɛ̃ koe kanaa, bɔlɔgoonbǎãdɛnan tá yii-nyɛɛ la? Bɛ n siɛ lɔn?

Zeremii 17:9

Màn kɔn ba baraa á dɔ minbuiin nɛ foo li wa. Min kɔn ba boe la a na a kaka kɔ wa, min kɔn ba doɛ̃ a nya wa.

Rɔmu minin 11:33

Lawa a bǐɛ̃ lɛ á gole á la yii ni! A sii-doɛ̃ dɔ á zuzulu á la yii ni! Min kɔ́n ba boe la a na a kiri kɛ giala ma wa, min kɔ́n ba boe la a na a makara kɛ dɔ giala ma wa.

Rɔmu minin 2:5

N too á kaka koe! N nə́ n piã ka Lawa a bǐɛ̃baa kɛ nɛ. Bɛ lɛ taman yii, n doamaa bɛ-n ka dɔlɔ mɛn nɛ, n ná a yɔrɔ boe koɛ n din ni, Lawa a kiri-kurii pinaa, bɛ á re gole koe doo a la yii ni. Bɛa pinaa kɛ nɛ, Lawa á re a kiri kɛ a peperebaa nyɛɛ min tumaa yɔrɔ-a, ka foo-busii gole ne.

Rɔmu minin 9:20

Nsɛ n die lɛa kəni minbuiin nɛ! N nə́ giɛ li mà n Lawa liere kɔ? Dɔn tá pii dɔnɔn-bɔle ne: «Wàa na á baa ń ma zɛnaa kɛnɛn?» Haayii!

Sii-nyaan 4:8

Màn yiikoonaa pàãdɛnaa sii lɛ gogoonmaa nyàan man sɔrɔ, yii nàn nə́ ǹ paǹ tumaa ganaa, ǹ nyàa giulun ni ka a kanaa nɛ. Maǹ loe loe baayɛlɛ ka tèlò tumaa nɛ ǹ nə́ pii: N tá sonbore, n tá sonbore, n tá sonbore, wɔa Dɛnaa Lawa Pàãyiidɛnaa mɛn bɛ́ á goã, a ná a tan, a n die die dɔn.