Zɔbu 38:28 - LAWA A BOO SONBORE

²⁸ La ke bɛ̀ a kaa, a yɛ ǹ di n ka die ne? Pele ke bɛ̀ a kɔ, a yɛ ǹ dan nə ka die ne?

LAWA A BOO SONBORE 2011

²⁸ La ke bɛ̀ a kaa, a yɛ ǹ di n ka die ne? Pele ke bɛ̀ a kɔ, a yɛ ǹ dan nə ka die ne?

Zɔbu 38:28 ပူးပေါင်းရင်းမြစ်များ

Siin Giala 27:28

Pele mɛn bɛ́ boe lon, Lawa die a bɛ gisĩ n la, n màn mɛn da n wuru-n, a die a bɛ bǐɛ̃ kɔ, n *belee gigiã yɛ, ka duvɛ̃ dii ni.

Siin Giala 27:39

Bɛa biikoo li, ǹ di tɔ́n pɛ nɛ kɛnɛn: N giã ǹ bǎã wɔlɔ á re lui tán basiɛ̃ ganaa. Pele mɛn bɛ́ gisĩ tán, n giã ǹ bǎã wɔlɔ á re lui bɛ dɔ ganaa.

Samayeli2 1:21

Gilboa kelen lɛn, pele nyan kɔ ka la doo wa, la nyan kaa ka la doo wa. Wuru nyan yɛ walan doo, ǹ màn lɛ bibinaa bɔ a-n wa. A giala, walan lɛ nɛ, zia-baalin goóro *gɔ̀ baa. Sayulu a goóro ke, nyɔɔ goã n loe a ganaa wa,

Kiin1 17:1

Tisibii min, Yilii mɛn nə́ ke Galaati gána min goon lɛa, bɛ pɛ Akaabu ni: «Dɛnaa Lawa Yiikoonaa tɔ nɛ, Izirayeli a Lawa lɛ, ma bɛ́ dí nyɛɛ ǹ mɛn lɛn nɛ, lɛ̀n kɛn die giɛ̃, la ba re kiɛ wa, pele dɔ a die koe wa, bɛ̀ ma bie ma boo da wa.»

Zɔbu 29:19

Man ka da bɛ́ lɔn, mu n doe ma gòonən ganaa, pele n lɛ̀ wɛɛ ma gùrùn ganaa.

Zɔbu 36:27

Lawa n mu bisin baɛ̃ piɛ̃ li, a wo-n lon, a tɔn kaa la lɛa.

Zɔbu 36:28

Bɛ lɛ n boe labaran nɛ kiɛ, a n doɛ minbuiin nɛ tumaa la.

Zɔbu 38:8

Mu bɛ́ soe á n die kɔ̀ biɛ, die na a ná a lɛ doa ǹ bǎã koa,

Loen 147:8

A din nə labaran koe lon lɛ. A din nə la mu zɛnɛɛ tán wɔ lɛa, a din nə buu diɛ bɔ ganaa kelen la.

Suusun 3:20

A sii-doɛ̃ taman yii, tán giulun mu n piã woɛ̃, là baran nə́ toɛ là n kiɛ.

Zeremii 10:13

Bɛ̀ á gini, mu pìãn manə n soekɔn lon. A n labaran soekɔn tán lɛ dan ganaa. A n la diɛ tɛ pɛ ganaa màn mɛn bɛ́ toɛ la kaa. A n piɛ̃ boe a duru ǹ bǎãn nɛ a soo ne.

Zeremii 14:22

Tɔrɔ kɔsɔn lawa kooron kɛn bii, màn tá ǹ bii a n boe la a n die ka la nɛ? Mu lɛ n boe lon kiɛ a din li? N din Dɛnaa Lawa, wɔa Lawa a nya ǹ dí bie wa? Wɔ foo n doa nɛ n din ganaa. A giala, n din ni bɛa siin kɛn lɛn tumaa zɛnɛɛ.

Zeremii 5:24

Ka a pii dɔn dinin: «Ka daa wɔ nyɛ́ɛ baa Dɛnaa Lawa, wɔa Lawa yii-n wa, asɛ mɛn bɛ́ la mu koe wɔ la a biikoo li, a bibinaa laanka a nyɔɔbaa. Lɛ̀ woo lɛ̀, a n lɛawaan boe koɛ wɔ nɛ kaa-piɛ wɔ lɛa.»

Ozee 14:5

Ma á re Izirayeli a piã ka Lawa-n kɛ boe ma bɔ a ganaa, ma a re narɛ ka ma foo tumaa nɛ. Maa foo yoo lɛ á re n kanɛɛ a n bɔ li.

Zowɛli 2:23

Kasɛn, Siɔn minin lɛn, Dɛnaa Lawa taman yii, kaa Lawa lɛ, ka bɛ̀ baa, ka n nyɛnyɛɛ. Á re bǐɛ̃ koe ka-a ka la bibinaa nə taãlen kio. Bɛ̀ la a kaa biikoo dɔ, á re la koe ka la a biikoo li. Ká a bɛ́ ke á goã zɛnɛɛ lɔn lɛlɛ.

Amɔɔsi 4:7

Ma din nə má goã má ka nu ka la nɛ, bɛ̀ mui sɔɔ n kanaa, kaa-piɛ dɔ. Má la kaa kiwi goon ne, má kiwi goon toa kooro. La na á goã kiɛ wuru goon ne, bɛ̀ lɛ̀ gere n wuru lɛ a kɔsɔ kɛ gialaa.

Matiə 5:45

Ka zɛnaa miɛ̃, bɛ lɛ n nyɛɛ mà ka n ka Di Lawa a nɛnyaanan lɛa. A giala, a bɛ́ a wasa lɛ boe min sonboren la lɔn ke, a n boe min baraan dɔn la miɛ̃. A bɛ́ la mu koe sii bǐɛ̃ zɛnaalin la lɔn, a n koe sii baraa-zɛnaalin dɔn la miɛ̃.

Timəə dí-pɛn 33:13

Zozɛfu tɔrɔn wɔ paǹ li, a na á kɛ pɛ: «Dɛnaa Lawa die a kaa gána bǐɛ̃ kɔ. Lawa die a bǐɛ̃ sonbore baa ka la, a die a pele gisĩ kaa tán la, a tán giulun mu kɛ dɔ kɔ ka la.

Timəə dí-pɛn 33:28

Izirayeli minin lɛn man là nyantoro la, n susui, Zakɔba tɔrɔn lɛn manə ǹ gɔrɔ. Ǹ bɛ́ re woe gána mɛn nɛ, *belee laanka rezɛ̃ gána nɛ, a giala, pele a gisĩ ǹ bǎã lɛ-n parsiini.