Zɔbu 38:23 - LAWA A BOO SONBORE

²³ Man má bɛn koa ma gɔn li nɔmaa biikoo a lɛa, yɔ-bɔ a lɛa, zia-baa a lɛa.

LAWA A BOO SONBORE 2011

²³ Man má bɛn koa ma gɔn li nɔmaa biikoo a lɛa, yɔ-bɔ a lɛa, zia-baa a lɛa.

Zɔbu 38:23 ပူးပေါင်းရင်းမြစ်များ

Zɔbu 36:13

Min mɛnɛn bɛ́ ǹ ba golee-n Lawa li wa, ǹ foo n yoo-n li miɛ̃, ta Lawa lɛ na á fɔlɔ biɛn kaa bɛn ganaa, ǹ ba gu diɛ wa.

Zɔbu 36:31

A n minbuiinin toe ka bɛa yɔrɔ lɛ nɛ a n màn-bii gigiã dɔ koe ǹ la ka a din yɔrɔ goon lɛ nɛ.

Zɔbu 38:22

*Mu nyuù-wɔle bɛ́ boe bǎã mɛn nɛ, n bin woo yǎa walan? La gii bɛ́ boe bǎã mɛn nɛ lon, n bin bɛ yɛ?

Zɔbu 38:24

Wɔlɔ fúlu a kiɛ̃ ǹ zii n maa? Lɛ̀giala piɛ̃ ke kiɛ tán ganaa, bɛ n boe maa?

Bɔ bɛ̀rɛbaa nɛ 9:18

Biɛ̃ kɛnɛn yirəə, man die la gii baraa kiɛ ka gɔn kɔ́n nɛ, a kũ Ezipti gána lɛ a giala kɔ ganaa a da pelo yaa, bɛ miã tɔn nə n zɛnaa wa.

Bɔ bɛ̀rɛbaa nɛ 9:24

La gii n kiɛ, la a paraa n we li, a baraa kɔ ka yɔrɔ mɛn nɛ, Ezipti gána tɔn na a miã yɛ wa, a kũ a gánabaa giala kɔ ganaa.

Izayii 30:30

Dɛnaa Lawa lɛn tá re boe ka paraa gole ne. Á re n pàã nyɛɛ, ka a foo-yoo ne ka kurukuru, á re nyɛɛ tɛ bii la gole li kiɛ ka la gii ni.

Matiə 7:27

La kaa, pɛrɛn nə́ pã ǹ nə́ toɛ̃, piɛ̃ gole yoo, á nyanaa á kaa. A ziziɛ̃ ǹ gɔn nə baraa kɔ á la yii ni.

Zozoe 10:11

Ǹ bɛ́ ǹ nə́ baa si Izirayeli minin lɛn nyɛɛnɛ, ǹ nə́ woo dɔ Bɛti-Ɔrɔn kele a gisĩ ǹ bǎã kɛ nɛ. Dɛnaa Lawa gii dadaran bɔ lon á ǹ duduwəə ne, yǎa Azekaa kiwi. La gii lɛ min mɛnɛn dɛ, bɛn nə́ mɔnaa ǹ nə́ la kɛn manɛ, Izirayeli minin lɛn dinin nə ǹ dɛ ka gɔya sa nɛ.

Sii-nyaan 16:21

La gii mɛn bɛ́, a gugurubaa n doe kilo pusi, bɛ na á goã boe lon minbuiin lɛ dii tán. Minbuiin lɛ goã sɔ kiɛ Lawa la, mà wàa na á baa á koe bɔ ǹsɛn ganaa ka la gii kɛ tɔrɔ nɛ, a giala mà koe lɛ bɔbɔnɛɛ kɔ á la yii ni.