Zɔbu 37:23 - LAWA A BOO SONBORE

²³ A din lɛ n Pàãyiidɛnaa lɛa, wɔ́ n wɔ a doe a li wa. A pàã laanka a peperebaa lɛ á gole, a sonbore toɛ min lon, a mɛnaa la wa.

LAWA A BOO SONBORE 2011

²³ A din lɛ n Pàãyiidɛnaa lɛa, wɔ́ n wɔ a doe a li wa. A pàã laanka a peperebaa lɛ á gole, a sonbore toɛ min lon, a mɛnaa la wa.

Zɔbu 37:23 ပူးပေါင်းရင်းမြစ်များ

Zɔbu 11:7

N tá boe la n Lawa a sii zuzulun kɛn gɔsɛ n nə ǹ dɔ̃? N tá boe la n Pàãyiidɛnaa a siin kɛn lɛ-piɛ̃ giala ma?

Zɔbu 11:8

Maǹ sɔsɔɔ ka lon bɛ́ lɔn. Ma n die wàa zɛnɛɛ? Maǹ zuzulu ka geren piɛ bɛ́ lɔn. Ma n wàa doɛ̃ a gɔ́ɔ̃ nɛ?

Zɔbu 12:13

Sɛnɛ, sii-doɛ̃ laanka pàã n Lawa nɛ. Sii giala ma laanka yiri na a din wɔ lɛa.

Zɔbu 25:2

«Pàã mɛn bɛ́ Lawa lon, á nyɛ́ɛ diɛ. A din nə là nyantoro koɛ lon gɔ́ɔ̃ nɛ.

Zɔbu 26:14

A nya ǹ dí lɛ lɛkoro din nə ka bɛ nɛ, bɛ lɛ wuu boɛɛnɛ wɔ á miɛ̃. Sonbore, Lawa á sii dadaran zɛnɛɛ. Die n boe la a bɛn giala ma?»

Zɔbu 36:26

Sonbore, Lawa á gole. Sɛnɛ, wɔ n wɔ a boe la, wɔ á doɛ̃ wa. A Lawabaa lɛ dɔ, min ba boe la, a na a lɛ̀ lɛ yɛ a pɛ wa.

Zɔbu 36:3

Man die maa doɛ̃ lɛ boe sɔsɔɔ, ma maa Zɛnaali lɛ a peperebaa nyaa n nɛ.

Zɔbu 36:5

Lawa n Pàãyiidɛnaa lɛa, a ba n la boe min kɔn ganaa wa! Pàã na a lon, bɛ̀ á golee sii mɛn li bɛ a sàabiɛ wa.

Zɔbu 37:19

Wɔ doamaa bɛ́ wɔ màn mɛn pɛ Lawa nɛ, wɔ daraa bɛ ganaa kən le, a giala, wɔa yii tìbaa lɛ taman yii, wɔ a boe la wɔ boo kɔn da wa.

Zɔbu 37:22

Tɛ-pɛ n dɔ boe ka sana bɛ́ lɔn, gɔsɛ a lɛ̀gɔn la die. Tɛ-pɛ mɛn bɛ́ Lawa lɛnpɛnɛ, bɛ n kaãbaa diɛ.

Zɔbu 8:3

Lawa lɛ á sii kɔkɔrɔ zɛnɛɛ ya? Pàãyiidɛnaa lɛ á sii pepere kɔrɛ?

Zɔbu 9:19

Bɛ̀ má pàã sii da a nɛ, a din dɔ n pàã lɛ lɛa. Bɛ̀ ga sonbore li ni, die n die a kiri we?

Zɔbu 9:4

Sii-doɛ̃ na á goã Lawa din ni, pàã tumaa na á goã a din ni. Die nə n gòãn dii a ganaa, n wusoo n na a laakalaa?

Loen 145:3

Dɛnaa Lawa á gole, wɔ doamaa-n wɔ a guguru kɔ taãn-taãnɛ. Min ba boe la n na a golebaa kɛ lɛ-doa dɔ̃ wa.

Loen 30:5

Lawa a min sonboren lɛn, ka loe lɔ ka Dɛnaa Lawa tɔ bɔ nɛ. Ka a tɔ bɔ, bɛ̀ ka tá a siĩnbaa kɛ pii.

Loen 62:11

Ka baran n foo doa baraabaa sii zɛnaa ǹ gɔnɔn ganaa wa, màn mɛn bɛ́ n sii ka pàã nɛ, ka baran n yiri koa màn kɔn ganaa bɛ gɔ́ɔ̃-n wa. Bɛ̀ kaa naforon tá mɔnɛɛ, ka baran n foo kɔ bɛn la wa.

Loen 62:12

Má gunyin gigiã bɔ, bɛ̀ ma Lawa a boo kɛ ma kɛnɛn: mà pàã na asɛ din wɔ lɛa.

Loen 65:6

Wɔ kirisibaali Lawa, n ba wusii n boo kio wa, ma n wɔa nyankɔn lɛ sii ka sii dadaran nɛ, nsɛ mɛn bɛ́ kanaa gùrù tumaa a minin nə́ n foo doɛ n ganaa, ka mu bii a gána sɔsɔɔn kɛn dɔn minin ni.

Loen 66:3

Ka pɛ Lawa nɛ: N nya ǹ dín lɛn man kaãbaa diɛ parsiini. N pàã gole kɛ yɔrɔ-a, n zɔ́ɔn man wusii, ǹ nə n gùrù naa n nɛ.

Loen 93:1

Dɛnaa Lawa lɛ n kii lɛa. Golebaa na a ganaa ka dɔnkɛ bɛ́ lɔn. Pàãyiidɛnaabaa Dɛnaa Lawa si ka mɔnaa siĩn bɛ́ lɔn. Bɛ lɛ nɛ, kanaa lɛ á doa-n kaka, a ná a ba n boe a bǎã-n wa.

Loen 99:4

Pàã tá n lon koe! Nsɛ lɛ, kii lɛa, n nə́ sii pepere narɛ. N din nə wɔa tɔ wɔ ǹ gɔn lɛ kiɛ̃ wɔ nɛ. N din nə sii pepere laanka a sonbore yɔrɔ boe, ń koɛ Izirayeli gɔ́ɔ̃ nɛ.

Boo-laakalaali 3:11

Lawa n sii tumaa zɛnɛɛ siĩni, a kɔnpɛ ka a biikoo ne. Ka bɛ dɔ nɛ, biikoo mɛn bɛ́ nyɛɛn sɔsɔɔ, Lawa bɛ dɔ din a doɛ̃ a taasiɛ wɔ minbuiin nɛ foo ne, a laanɛ ǹ ba boe la ǹ tá Lawa a sii zɛnaa giala miɛ wa, a saa a giala-kɔ ganaa, a wo kaa a gɔn nyɔmiɛ̃ lɛ.

Boo-laakalaali 7:24

Sii din a taãn bɛ́ ka màn mɛn nɛ, wɔa taasiɛ wɔlɔ á sɔsɔɔ bɛ ganaa, a n zuzulu a tɔ-a, die n boe la a bɛ giala ma?

Izayii 45:21

Ka boo da, ka yii kã siin mɛnɛn nɛ, ka bɛn nyaa. Ka boo nyaa kɔn nɛ. Sii mɛn bɛ́ n zɛnɛɛ sisia, die na á bɛ dɔ̃ haalɛ bibi Die na á bɛ boo da haalɛ bibi Ma din Dɛnaa Lawa bie wa? Lawa kɔsɔ banban masɛ kio wa. Lawa mɛn bɛ́ pepere, a n minin kirisibiɛ, kɔsɔ banban bɛ̀ á n bɔ ma din ni.

Izayii 63:9

Ǹ nɔmaan kɛn tumaa gɔ́ɔ̃ nɛ, a dɔ nɔmaa. Lawa a dia dí-a wole mɛn bɛ́ golee ne a yɔrɔ-a, bɛ lɛ dinmaa na á ǹ kirisibaa. A kɔn-narɛɛ laanka a makara-doɛ̃ kɛ taman yii, á ǹ si á ǹ kaa. Ǹ sii tumaa gɔ́ɔ̃ nɛ, á n dɔ ǹ lɛ, á goã kunun ǹ ni lɛawaan kɛn tumaa gɔ́ɔ̃ nɛ ǹ nə́ kiɛ̃.

Ezekieli 18:23

Ka n taasɛ mà min baraa a gɛ̀ n kɔɔ̃nɛ masɛ ganaa? Haayii dɛ! Ma bɛ́ giɛ màn mɛn li, bɛ n ka kɛ nɛ: Min baraa wusoo a zɛnaa ǹ siin kio, a yii goã koo. Dɛnaa Lawa a da ǹ boo ne.

Ezekieli 18:32

Masɛ bie giɛ min kɔn a gɛ̀ li wa. Ma din Dɛnaa Lawa a da ǹ boo ne. Ka n bɔyaa, màn mɛn bɛ́ toɛ, ka yii goã koo.

Ezekieli 33:11

A pɛ ǹ nɛ mà masɛ Dɛnaa Lawa n kɛ pii: «A ma toa maa yii n koo, min baraa a gɛ̀ bie kɔɔ̃nɛ ma ganaa wa. Sɛnɛ, man li, min baraa wusoo a zɛnaa ǹ sii kio a yii boo la a goã koo. Bɛ lɛ nɛ, ma á ka nyankoe, ka wusoo kaa sii baraan lɛn kio. Izirayeli tɔrɔn lɛn, wàa na á baa ka n die toɛ gɛ̀ ka dɛ kooro?»

Matiə 6:13

Sii mɛn bɛ́ damagɔ́ɔ̃li ǹ sii lɛa, bɛ wɔlɔ lui wɔ ganaa, sɛnɛ, wɔ kanbaa baraa ganaa. [A giala kiibaa nɛ, pàã nɛ ka gugurubaa nɛ, bɛn manə n din wɔ lɛa miɛ̃, yǎa duduu. A n miɛ̃.]

Luku 10:22

«Masɛ Di Lawa na á màn din tumaa sii toa ma gɔn. Min kɔ́n ba doɛ̃ Nɛgiĩ lɛ bɛ́ min mɛn lɛa wa, bɛ̀ á n bɔ Díi din ni. Min kɔ́n ba doɛ̃ Díi lɛ bɛ́ màn mɛn lɛa wa, yǎa Nɛgiĩ lɛ din, ka bɛ̀ Nɛgiĩ lɛ lɛ kɔ á nyaa min mɛn nɛ.»

Rɔmu minin 11:33

Lawa a bǐɛ̃ lɛ á gole á la yii ni! A sii-doɛ̃ dɔ á zuzulu á la yii ni! Min kɔ́n ba boe la a na a kiri kɛ giala ma wa, min kɔ́n ba boe la a na a makara kɛ dɔ giala ma wa.

Timote1 6:16

A dinsɔɔ̃ na a giɛ̃ wa. A din lɛ n giã-n wɔlɔ fúlu li, min ná a boe la á n mɔrɛ wɔlɔ fúlu mɛn ganaa wa. A din lɛ nɛ, min kɔ́n yii tɔn yɛ wa, min dɔ yii a boe la á yii wa. Gugurubaa laanka pàã mɛn bɛ́ a tan yǎa duduu, bɛn man nə́ goã a din ni. A n miɛ̃.

Ebrəə 12:10

Sonbore, wɔa gɔ̀nɔn siĩ a díin lɛn man nə́ wɔ dɛ, ǹ nə́ wɔ doroo, á kɔnpɛ ǹ dinin dùũ ni biikoo boɛɛn gɔ́ɔ̃ nɛ. Lawa lɛ sɛ n zɛnɛɛ wɔ dinin là a lɛa, á n die wɔ biɛ siĩni ka a din bɛ́ lɔn.