Zɔbu 37:22 - LAWA A BOO SONBORE

²² Tɛ-pɛ n dɔ boe ka sana bɛ́ lɔn, gɔsɛ a lɛ̀gɔn la die. Tɛ-pɛ mɛn bɛ́ Lawa lɛnpɛnɛ, bɛ n kaãbaa diɛ.

LAWA A BOO SONBORE 2011

²² Tɛ-pɛ n dɔ boe ka sana bɛ́ lɔn, gɔsɛ a lɛ̀gɔn la die. Tɛ-pɛ mɛn bɛ́ Lawa lɛnpɛnɛ, bɛ n kaãbaa diɛ.

Zɔbu 37:22 ပူးပေါင်းရင်းမြစ်များ

Zɔbu 37:21

A n ka wasa a tɛ-pɛ bɛ́ lɔn. Biikoo tɛn li, labara tì nə n koe lɛ. Sɛnɛ, bǎã goon ne, piɛ̃ n boe, a goa a bɔ la.

Zɔbu 37:23

A din lɛ n Pàãyiidɛnaa lɛa, wɔ́ n wɔ a doe a li wa. A pàã laanka a peperebaa lɛ á gole, a sonbore toɛ min lon, a mɛnaa la wa.

Zɔbu 40:10

Haya kəni, n bɛ́ boe sii la... Gugurubaa laanka golebaa wɔ n din-a, siĩnbaa laanka nyaǹ kaa n din la.

Loen 104:1

Man kɔnboe ma barka da Dɛnaa Lawa nɛ, ka ma foo tumaa nɛ! Dɛnaa Lawa, maa Lawa, n tá gole á la yii ni. Siĩnbaa laanka tɛ-pɛ nə n ganaa,

Loen 145:5

Ma á die n kaãbaa ǹ siin kɛn boo diɛ, ka n gugurubaa kɛ nɛ, ka n tɛ-pɛ a siĩnbaa kɛ nɛ.

Loen 29:4

Dɛnaa Lawa lɛn lɛ n kaka, Dɛnaa Lawa lɛn lɛ n gole.

Loen 66:5

Ka da ga Lawa a nya ǹ dí ganaa, a dí lɛ á kaãbaa diɛ minbuiinin ganaa parsiini.

Loen 68:35

Ka pɛ mà pàã n Lawa wɔ lɛa. A din lɛ n kii siĩn lɛa Izirayeli mìi la. A pàã lɛ n gole, á woo lon ka labaran bɛ́ lɔn.

Loen 76:12

Ka toa ka n lɛ kɔ kaa Dɛnaa Lawa la ka mànan nɛ, ka da bɛa mànan lɛn dɔn kɔ la. Ka mɛnɛn tumaa bɛ́ kun Lawa nɛ, ka da ka a gɔ ǹ mànan nɛ ká bɔ, ka ǹ kɔ nyɛ́ɛ da ǹ Lawa kɛ la.

Loen 89:8

Lon a dia dí-a wolen lɛ-sɔkɔn bǎã nɛ, Lawa, n pàã gole kɛ á nyɛ́ɛ diɛ parsiini, n pàã á gole, á nyɛ́ɛ diɛ á la n lɛnpɛnɛɛ wolen kɛn tumaa nɛ.

Loen 93:1

Dɛnaa Lawa lɛ n kii lɛa. Golebaa na a ganaa ka dɔnkɛ bɛ́ lɔn. Pàãyiidɛnaabaa Dɛnaa Lawa si ka mɔnaa siĩn bɛ́ lɔn. Bɛ lɛ nɛ, kanaa lɛ á doa-n kaka, a ná a ba n boe a bǎã-n wa.

Suusun 25:23

Piɛ̃ mɛn bɛ́ woe lɛ̀giala-n, bɛ n die ka là nɛ. Soɛ n die ka n miãn foo yoo ne.

Izayii 2:10

Ka n duru gɛ̀fun bii, ka wɔ tii li, ń giɛ Dɛnaa Lawa a foo yoo ka a gugurubaa a tɛ pɛ kɛ nyan dɔ ka-a wa!

Izayii 2:19

Dɛnaa Lawa bɛ́ re yui pin mɛn-a, a nyɛɛ da tán tumaa ganaa, ka á re kiɛ para yalan nɛ, ka wɔ tii li, ń giɛ Dɛnaa Lawa a foo-yoo, laanka a gugurubaa a tɛ pɛ kɛ nyan dɔ ka-a wa.

Misee 5:4

A din lɛ n die die ka là nyantoro ne. Bɛ̀ Asiirii minin nə́ daa kɔ wɔa gána kɛ lɛ ǹ mɛn pinaa, bɛ̀ ǹ gòã mɛ wɔa pàãman kɛn kion ǹ mɛn pinaa, wɔ á die zia-baali damata kiɛ ǹ ganaa.

Nahumu 1:3

Dɛnaa Lawa foo a yui fufuu wa. Sɛnɛ a zɛ̀rɛdɛnaa bíi zɛ̀rɛbaãdɛnaa wa. A pàã golebaa miã banban. Piɛ̃ laanka kurunkurun na a kiɛ̃ ǹ zii lɛa. A gòã giulun gusuũ n ka labaran nɛ.

Ebrəə 1:3

Bɛa Nɛgiĩ kɛ lɛ n Lawa a gugurubaa tɛ-pɛle kɛ nyɛɛ, a din nə Lawa a Lawabaa nyɛɛ taãn-taãnɛ. A din nə kanaa kɛ kuĩ á golee ne, ka a boo pàãdɛnaa kɛ barka nɛ. A bɛ́ á kanaa minin sii baraa pii á nya ǹ mɛn waáraa, á woo giã Lawa pàãdɛnaa gusin lon.

Ebrəə 12:29

Sonbore, wɔa Lawa lɛ n ka tɛ bɛ́ lɔn, á n màn kuĩ lenlen.

Zude 1:25

Lawa goon toto mɛn wɔ nyin si ka wɔa Dɛnaa Yezu Krita barka nɛ, gugurubaa laanka golebaa nɛ, pàãyiidɛnaabaa laanka màn tumaa mìilandɛnaabaa goã bɛ wɔ lɛa haalɛ lɛlɛ-lɛlɛ, ka kanna nɛ, yǎa duduu. A n miɛ̃.