Zɔbu 37:13 - LAWA A BOO SONBORE

¹³ Bɛ̀ a tá li a dɔlɔ bɔ kanaa ganaa, hinlaa a bǐɛ̃ zɛnaa nɛ, a n labaran lɛn boe a ǹ dia.

LAWA A BOO SONBORE 2011

¹³ Bɛ̀ a tá li a dɔlɔ bɔ kanaa ganaa, hinlaa a bǐɛ̃ zɛnaa nɛ, a n labaran lɛn boe a ǹ dia.

Zɔbu 37:13 ပူးပေါင်းရင်းမြစ်များ

Samayeli2 21:10

Ayia a nɛlɔ Rispaa mɔnaa kəkə saa á naa tán gɛ̀fu la. Á giã walan, a saa ɔrzi kurii waáraa ganaa, yǎa la wusoo á kaa, á daa nɛnyaanan lɛn gere yaa tán. Bɛ̀ lɛ̀ waa, a toɛ bàanan tá miɛ̃ ǹ gere la wa. Tèlò-n, a na á goã don màn babaraan lui ǹ gere ganaa.

Samayeli2 21:14

ǹ nə́ ǹ kaa kun ka Sayulu laanka a nɛgiĩ Zonaatan wɔn nɛ, ǹ nə́ ǹ bĩ Sayulu ǹ di Kiisi a yala-n Selaa kiwi, Bɛnzamɛn tɔrɔn kɛn gána nɛ. Kii lɛ dí mɛn tumaa pɛ, ǹ ná a tumaa nya. Bɛ lɛ kio ne, Lawa tɔn nə n yɔrɔ bǐɛ̃ da gána lɛ la.

Kiin1 18:41

Bɛ kio, Yilii pɛ Akaabu ni: «Woo, n màn bii, n màn mi! A gialaa, la wuu á boe die.»

Kiin1 18:45

Màn na á goã miɛ̃ lon a tìbaa li, labaran lɛn laanka piɛ̃ gɔn. La kaaraa nə́ n tɔ tán. Akaabu wɔ a wotoro ne, á woo Zizereyɛli kiwi.

Ɛsidrasi 10:9

Zudaa a giĩn laanka Bɛnzamɛn tɔrɔn giĩn nə́ tɔ́n nə n sɔkɔn Zeruzalɛmu, lɛawaa sɔɔ lɛ gɔ́ɔ̃ nɛ. Bɛ na á kɔnpɛ ka lɛ̀ a mui manangɔrɔbaa ǹ wɔ a lɛawaa fuəbaa ǹ wɔ pinaa nɛ. Zaman lɛ tumaa goã Lawa a kion lɛ lɛ-a, ǹ gɔ̀nɔn nə́ bìn diɛ sii lɛ gɔn, ka la kɛ dɔ nɛ, á goã kiɛ.

Zɔbu 36:31

A n minbuiinin toe ka bɛa yɔrɔ lɛ nɛ a n màn-bii gigiã dɔ koe ǹ la ka a din yɔrɔ goon lɛ nɛ.

Zɔbu 37:14

Zɔbu, n too kɔ kɛ li doɛ̃, golee n nə n taasɛ Lawa a sii dadara zɛnaan kɛn ganaa.

Zɔbu 37:6

A n pii *mu nyuù-wɔle ne mà a kaa tán, a n bɛ lɛ pii la nɛ, la dadaran dinin manɛ.

Loen 65:10

N din nə giɛ tán walan, ma n mu koe á boe sɔnbɔraanɛ, n nə́ piɛ̃ ka naforon ne. Lawa, nsɛ a pɛrɛ lɛ n piɛ̃-n ka mu ni. Ma n màn-bii bǐɛ̃ koe minbuiinin ni, n nə́ tán bǐɛ̃ koe sɔnbɔraanɛ.

Zowɛli 2:23

Kasɛn, Siɔn minin lɛn, Dɛnaa Lawa taman yii, kaa Lawa lɛ, ka bɛ̀ baa, ka n nyɛnyɛɛ. Á re bǐɛ̃ koe ka-a ka la bibinaa nə taãlen kio. Bɛ̀ la a kaa biikoo dɔ, á re la koe ka la a biikoo li. Ká a bɛ́ ke á goã zɛnɛɛ lɔn lɛlɛ.