Zɔbu 36:3 - LAWA A BOO SONBORE

³ Man die maa doɛ̃ lɛ boe sɔsɔɔ, ma maa Zɛnaali lɛ a peperebaa nyaa n nɛ.

LAWA A BOO SONBORE 2011

³ Man die maa doɛ̃ lɛ boe sɔsɔɔ, ma maa Zɛnaali lɛ a peperebaa nyaa n nɛ.

Zɔbu 36:3 ပူးပေါင်းရင်းမြစ်များ

Zɔbu 32:2

Bɛa biikoo li, tɔntɔraa goon ne, a tɔ n Elihu, bɛ foo yoo. A foo yoo Zɔbu li, a giala, Zɔbu nə n din biɛ min pepere lɛa Lawa yɔrɔ-a.

Zɔbu 32:8

Sɛnɛ, taãn-pɛ á soɛ, yiri n boe Lawa li, Pàãyiidɛnaa ǹ yiri koe min la.

Zɔbu 34:5

Zɔbu lɛ na á pɛ mà asɛ sii la wa. Sɛnɛ, mà Lawa nə n piɛ̃, mà a ba sonbore koe asɛ la wa.

Zɔbu 36:2

«A si n ganaa doo boɛɛnɛ, Zɔbu, man die daraa koe n la. Boo kɔsɔn tá tɔn ma li, ma ǹ da Lawa a lɛa.

Zɔbu 37:23

A din lɛ n Pàãyiidɛnaa lɛa, wɔ́ n wɔ a doe a li wa. A pàã laanka a peperebaa lɛ á gole, a sonbore toɛ min lon, a mɛnaa la wa.

Zɔbu 4:17

Minbuiin nɛ á boe la a goã pepere Lawa yɔrɔ-a? Minbuiin nɛ á boe la a goã *yoreene a zɛnaali yɔrɔ-a?

Zɔbu 8:3

Lawa lɛ á sii kɔkɔrɔ zɛnɛɛ ya? Pàãyiidɛnaa lɛ á sii pepere kɔrɛ?

Loen 11:7

A giala Dɛnaa Lawa á pepere, sii pepere n kɔɔ̃n-a. Min peperen lɛn man die yii, yii laanka yii.

Loen 145:17

Dɛnaa Lawa a sii tumaa n pepere, a zɛnaa ǹ sii tumaa n siĩni.

Zeremii 12:1

Nsɛ Dɛnaa Lawa, n tá pepere. Sɛnɛ, man die kiri we kɔn ka n nɛ, man li ma boo da n nɛ peperebaa a paǹ li: A n siɛ lɔn min baraan sii á bǐɛ̃ koe kanaa, bɔlɔgoonbǎãdɛnan tá yii-nyɛɛ la? Bɛ n siɛ lɔn?

Matiə 12:42

Kiri kurii pinaa, lɔ mɛn bɛ́ á goã kii lɛa Saabaa gána nɛ, bɛ á re yui kun ka pelo minin kɛn nɛ, a ǹ zɛ̀rɛ baa. A giala, a na á bɔ kanaa bǎã sɔsɔɔ nɛ, á daa n too kɔ Salomɔn a sii-doɛ̃ boon kɛn ganaa. Màn tá kànaa á gole á la Salomɔn nɛ dɛ!

Rɔmu minin 9:14

Wɔ ǹ die pii mà wàa kəni? Lawa na a pepere wa? Haayii dɛ!

Timəə dí-pɛn 32:4

A din nə wɔ tamaɛ, a sii tumaa lɛ n piɛ̃ nɛ. A n sii tumaa siɛ a zii li, Lawa bɔlɔgoondɛnaa nɛ, kɔkɔrɔbaa ba a li wa, a n pepere, telee ne.

Zaaki 1:17

Lawa bɛ́ wɔ goe ka màn mɛn tumaa nɛ, màn sonbore ne, a lɛ piɛ̃maa nɛ. A din na á folo-kaalin zɛnaa á ǹ kaa lon. Lawa ba n bɔyɛɛ ka bɛa mànan lɛn bɛ́ lɔn, bɛ̀ a fúlu a wusoo a tii wa; bɔyaa ǹ gɔn ba a ganaa paǹ kɔ́n li wa.

Zaaki 1:5

Bɛ̀ sii-doɛ̃ nyaabaa min mɛn ganaa, ǹ dɛnaa na a nyankɔ Lawa la, á die koe la. A giala, Lawa n boe a din ni, bɛ̀ a bǐɛ̃ baa min tumaa la miɛ̃, a min sɔ̀n pii a tɔn gɔ wa.

Zaaki 3:17

Sɛnɛ, Lawa bɛ́ sii-doɛ̃ mɛn koe, bɛ̀ bɛ tá min mɛn lon, bibinaa nɛ, a bɛ miã sii gɔgɔrɛ kɛ zɛnɛɛ wa, bɛa sii-doɛ̃ lɛ n die ka là nyantoro ne. Ǹ dɛnaa a sii n basiɛ̃ nɛ, a n giɛ minin lɛ a kaa kun li. Ǹ dɛnaa a makara-doɛ̃ n gole, a n sii sonbore zɛnɛɛ parsiini. Ǹ dɛnaa ba n gɔ́ɔ̃ lonlankoe wa, a bɔlɔ paa pii min ni wa.

Sii-nyaan 15:3

Maǹ nə́ goã Lawa a dí-nyali Muizu a biikoo loe loe, ka Sère Nɛ kɛ a loe ne, ǹ nə́ pii: «Dɛnaa Lawa Pàãyiidɛnaa, n nya ǹ dín tá dadara, ǹ gamaa ba min boe wa. Tɔrɔ din tumaa a kii, n sii yɔrɔ bɔ n pepere, a n taãn dɔ lɛa.