Zɔbu 32:13 - LAWA A BOO SONBORE

¹³ Bɛ lɛ nɛ, ka nyan pɛ mà kasɛn nə́ sii-doɛ̃ yɛ wa. Lawa dinsɔɔ̃ n boe Zɔbu la, minbuiin nɛ bie wa.

LAWA A BOO SONBORE 2011

¹³ Bɛ lɛ nɛ, ka nyan pɛ mà kasɛn nə́ sii-doɛ̃ yɛ wa. Lawa dinsɔɔ̃ n boe Zɔbu la, minbuiin nɛ bie wa.

Zɔbu 32:13 ပူးပေါင်းရင်းမြစ်များ

Siin Giala 14:23

Ma nə n liɛ, ma ba re màn kɔ́n sii n la wa, haalɛ a gɛ̀sɛ, haalɛ a kɔsɔ biɛ! Bɛ n toɛ n ba re boe la n pɛ biɛ̃ mà nsɛ nə ń toa Abramu màndɛnaa baa wa.

Zɔbu 1:21

«Ma gɔn kooro na á daa, ma gɔn kooro n die woe. Dɛnaa Lawa din na á kɔ, Dɛnaa Lawa din na á si. Dɛnaa Lawa din tɔ nə n saa lon.»

Zɔbu 12:2

«A n ka n daa n pɛ sonbore mà min din ba ka-a wa. Bɛ̀ kasɛn dinin banban, sii-doɛ̃ na á nya.

Zɔbu 19:21

Maa giaáran lɛn, ka sabara baa, ka sabara baa ka ga ma makara-a, a giala Lawa gɔn na á mɛ ma-a.

Zɔbu 19:6

Haayii. Ka dɔ̃ mà Lawa din na á wɔ ma lon. Ka dɔ̃ mà a din na á na a zɔ̀ɔ kɔ ma nɛ.

Zɔbu 2:10

Ǹ zuũ lɛ tɔ́n a lɛ si: «Ma n boo diɛ ka baãnaa bɛ́ lɔn. Nsɛ mà lɔn! Lawa bǐɛ̃ baa wɔsɛn manɛ, wɔ bɛ si. Bɛ̀ a baraa-n kəni, wɔ nə n piã ka bɛ nɛ?» Bɛa sii lɛ tumaa gɔ́ɔ̃ nɛ, Zɔbu nə n lɛ bũ á boo basaã kɔn da wa.

Zɔbu 31:40

*belee nyan bɔ a-n wa, yǎa nyan, *ɔrzi nyan bɔ a-n wa, yǎa tala. Zɔbu a boo giala nyɔmiɛ̃n man ka bɛn nɛ.

Zɔbu 32:12

Má maa taasiɛ tumaa doa ka ganaa. Sɛnɛ, á ke, ka kɔn boo la ká Zɔbu lɛ si wa, ka kɔn a boo na a wɔ naa wa.

Zɔbu 32:14

Zɔbu bie a ná a boon lɛn yɔrɔ dia masɛ la wa. Ka màn mɛn da, masɛ bie re koe bɛ lɛ ma a lɛ si-n wa.

Zɔbu 4:9

Bɛ̀ min sii zɛnaa á Lawa foo yoo, bɛ n bɔ̀n biɛ. A foo-yoo lɛ n bɛ dii.

Zɔbu 6:4

A giala, Pàãyiidɛnaa a kiɛn nə́ ma fɔ̃, ma gɔ̀nɔn nə́ ǹ sèwò mi. Lawa a nyɛ́ɛ da ǹ siin man kiɛ kɔn kio, ǹ nə́ die ma gialaa.

Izayii 48:5

Bɛ lɛ nɛ, má kɛa boon kɛn pɛ ka nɛ haalɛ bibi. Ǹ laan bɛ̀ ǹ nə n zɛnaa, má ǹ pɛ ka nɛ. Ma ba li ka pɛ mà kaa dì lɛ na á ǹ tumaa zɛnaa wa, mà kaa gɔn màn nyín sɛlɛ hinlaa kaa fɔlɔ màn nyín zɛnaa kɛ lɛ na á sii tumaa yɔrɔ bɔ wa.»

Izayii 48:7

Ǹ bie sii zizin lɛa wa. Sisia nɛ, ma á re ǹ zɛnɛɛ. A da pelo yaa, ka bin tɔ nə ǹ boo ma wa. Má goã li ka pɛ mà a boo tá ka too-n lɛlɛ ǹ dun wa!»

Izayii 5:21

Kaa wɔ n ka bɔ̀n nɛ, kasɛn kɛn ka dinin biɛ sii-dɔ̃lin lɛa, ka n ka dinin biɛ yiridɛnan lɛa!

Zeremii 9:23

Min mɛn bɛ́ zoɛ̃ li a n din kalaa, a n din kalaa kɛa lɛa: A yiri tan, a n masɛ doɛ̃. A giala, masɛ Dɛnaa Lawa a dí n ka makara-doɛ̃ nɛ, sonborebaa nɛ, ka peperebaa nɛ tán la. Bɛ lɛ n kɔɔ̃n ma ganaa. Dɛnaa Lawa a da ǹ boo ne.

Ezekieli 28:3

Á ke, n tá sii doɛ̃ ń la Danieli ni. Sii-durii kɔn banban, mà n nə n ba bɛ doɛ̃ wa.

Zakarii 12:7

Dɛnaa Lawa n die Zudaa tɔrɔn sumu lɛn kirisibiɛ bibinaa nɛ. Màn mɛn bɛ́ toɛ, Davida a sumu minin laanka Zeruzalɛmu minin baran gugurubaa yɛ a la Zudaa min gialakunun kɛn man wa.

Zaã a sɛ́wɔ 19:11

Yezu tɔ́n pɛ nɛ: «N ba boe la n sii kɔ́n zɛnaa masɛ nɛ, bɛ̀ Lawa ná a lɛ kɔ n la wa. Bɛ lɛ din taãn na á toa, min mɛn ma wɔ n gɔn, bɛa sii baraa á gole a mìi ni á la nsɛ wɔ nɛ.»

Korɛnti1 3:18

Ka nyan ka dinin yiri sã wa. Bɛ̀ min tá ka bii á n taasɛ, ka kanaa minin kɛn wɔ bɛ́ lɔn, mà asɛ n sii-dɔ̃li lɛa, ǹ dɛnaa nə n din baa gàãnaa lɛa bɔrɔ, a tɔn sii-doɛ̃ taãn yɛ.

Sii yɔrɔ-bɔlen 7:2

Dɛnaa Lawa pɛ Zediɔ̃ nɛ: – Zaman mɛn bɛ́ kunun n ni, ǹ tá mɔnaa nɛ á la yii ni. Bɛ̀ ma Madiã minin lɛn wɔ ǹ gɔn ka kɛa yɔrɔ kɛ nɛ, Izirayeli minin tá re n dinin gole koe masɛ ganaa ǹ pɛ mà ǹsɛn dinin pàã na á ǹsɛn kirisibaa.