Zɔbu 31:3 - LAWA A BOO SONBORE

³ Nɔmaa bie sii baraa-zɛnaali yii wa ya? Bɔ̀n bie sii kɔkɔrɔ-zɛnaali yii wa ya?

LAWA A BOO SONBORE 2011

³ Nɔmaa bie sii baraa-zɛnaali yii wa ya? Bɔ̀n bie sii kɔkɔrɔ-zɛnaali yii wa ya?

Zɔbu 31:3 ပူးပေါင်းရင်းမြစ်များ

Samayeli2 18:10

Giĩ kɔn Abusalɔn yɛ, á n bɔyaa á daa pɛ Zoabu ni: «Á ke, má Abusalɔn yɛ loɛ-n da gole kɔn gùrù ganaa.»

Zɔbu 18:12

Bòo á re a pàã nyɛɛ, koe tá re a lɛnpɛnɛ.

Zɔbu 20:29

Min baraa a dɔlɔ n ka bɛ lɛ nɛ, Lawa koa nɛ. A wɔ gii n ka bɛ lɛ nɛ, Lawa á re diɛ a mìi ni.

Zɔbu 21:17

Ka bin nə́ min baraan yɛ giɛ̃ miɛ̃? Bɔ̀n tá ǹ yii miɛ̃, Lawa foo á busi ǹ li a dɔlɔ da ǹ mìi ni?

Zɔbu 21:30

Bɛ̀ bɔ̀n daa ǹ mɛn pinaa, a min baraa yii wa. Lawa a foo-yoo pinaa, asɛ n kanbiɛ.

Zɔbu 31:23

A giala Lawa a dɔlɔ ke, bɛ lɛ na á goã nyɛ́ɛ diɛ ma ganaa. Ma a boe la ma sii kɔn zɛnaa Lawa gole kɛ yɔrɔ-a wa.

Zɔbu 34:22

Wɔlɔ tì biribiri banban, sii baraa-zɛnaalin nə́ boe la ǹ nə duru a-n wa.

Loen 55:23

N taasiɛ siin tumaa kɔ Dɛnaa Lawa la. Á re pàã koe n la. A re toɛ min pepere lɛ tatalaa duduu wa.

Loen 73:18

Yǎa, ma nə ǹ kiɛ wɔrɔnzɔrɔn bǎã nɛ, n nə die ǹ nyɛnɛɛ ǹ duwii tán ǹ bɔ̀n baa.

Suusun 1:27

Hiĩ, ǹ kɔn pinaa, nyɛ́ɛ á re n doe ka bii ka piɛ̃ gole wɔ bɛ́ lɔn. Koe á re ka siɛ ka la tì gole wɔ bɛ́ lɔn. Foo biɛ na laanka foo ziziɛ̃ á re ka yii.

Suusun 10:29

Dɛnaa Lawa a zii n sii sonbore-zɛnaalin tamɛɛ. Sɛnɛ a n sii baraa-zɛnaalin ziziɛ̃.

Suusun 21:15

Kɔ dí-pɛn lɛ n foo kɔɔ̃n lɛa sii bǐɛ̃-zɛnaalin gɔn, sɛnɛ, a n sii baraa-zɛnaali nyín soe.

Izayii 28:21

Dɛnaa Lawa n die sii zɛnɛɛ ka Perasimu a nyankɔrɔ basa bɛ́ lɔn. Bɛ̀ á re a dí nyɛɛ, a foo-yoo á die a gɔ̀nɔn diɛ bìn diɛ ganaa, ka Gabawɔ̃ nyankɔrɔ basa wɔ bɛ́ lɔn. Sɛnɛ, a n die goɛ̃ tɔwaa ǹ dí lɛa. A bɛ́ re dí mɛn nyɛɛ, bɛ n die goɛ̃ kaãbaa ǹ dí lɛa.

Minin nimi 16:30

Sɛnɛ, bɛ̀ Dɛnaa Lawa kaãbaa sii zɛnaa, tán nə́ n lɛ bũ, á ǹ mui kɔnlɛ ka màn mɛn tumaa bɛ́ ǹ wɔ lɛa, yǎa ǹ wo geren piɛ ǹ yii n koo, ka tá re doɛ̃ kəni mà bɛa minin kɛn man nə́ n yii wɔ Dɛnaa Lawa la.»

Matiə 7:13

Ka wɔ ka kiɛnlɛ boɛɛn nɛ, a giala, kiɛnlɛ mɛn bɛ́ woe ka min ni bɔ̀nbaa ǹ bǎã nɛ, bɛ n gole, zii mɛn dɔ bɛ woe walan, a kɔmalɛ n kɔɔ̃nɛ. Min gigiã dɔ n bɛ lɛ siɛ.

Rɔmu minin 9:22

Lawa dɔ bie zɛnɛɛ miɛ̃ minbuiinin man wa? Hiĩ! A n zɛnɛɛ miɛ̃. Min tɛnɛn tan, Lawa n die kiri kuri ǹ la ka foo-busii gole ne. Bɛn doamaa-n ka bɔ̀n dinsɔɔ̃ nɛ. A laanɛ Lawa nə́ ǹ sii si a ganaa á belebɔ nɛ, a n die foo-busii gole laanka a din pàã kɛ nyɛɛ ǹ nɛ.

Tesaloniki1 5:3

Minin bɛ́ re pii biikoo mɛn li mà «Là nyantoro tan, mà baraa banban!», a din biikoo lɛ nɛ, basaã á die kirii ǹ la, ka nɔɔrɔ bɛ́ kirii lɔ nɔnɔa la lɔn, ǹ ba re n boe a-n dɔn wa.

Tesaloniki2 1:9

Dɔlɔ mɛn bɛ́ re n diɛ ǹ mìi ni, bɔ̀n gole á re ǹ yii, ǹ wɔlɔ á re lui Dɛnaa ganaa, ka a pàã sonbore kɛ nɛ.

Piɛrɛ2 2:1

Lawa a boo gii-dali soɛ-bɔlen nə́ yɛ lɛlɛ zaman lɛ bii. A din yɔrɔ goon lɛ la, minin-daraali soɛ-bɔlen tá re yii ka dɔn bii, ǹ tá re die ka durii ni, ǹ minin papaã ǹ soɛ boon da ka bii. Á woe dinin ǹ tá re n piɛ̃ ka Mìinaa lɛ nɛ, Mìinaa mɛn din nə ǹ kirisibaa. Maǹ die bɔ̀n baɛ̃ ǹ da ǹ dinin mìi ni, bɔ̀n mɛn dɔ din a daa a die beleboe wa.

Zude 1:7

Doo, Sodɔmu laanka Gomɔɔrɔ kiwi babaraan kɛn, ka ǹ lɛ-a ǹ kiwin dɔn nə́ zɛnaa, ka lon a dia dí-a wolen lɛn wɔ bɛ́ lɔn. Ǹ nə́ n dinin kɔ naarɛbaa la, siin mɛnɛn bɛ́ ǹ ba kɔnboe ka zɛnaa-n wa, maǹ nə́ goã giɛ li ǹ bɛn zɛnaa. Pelo, tɛ nyabaã wole nə ǹ mìi-n dɔlɔ lɛa, bɛ n sii lɛa a nə́ n gɔn wɛɛ min tumaa nɛ.

Sii yɔrɔ-bɔlen 9:53

Bɛa biikoo li, lɔ goon nə́ gii nɛ zũ Abimelɛki ni. Á woo kũ a mìi ganaa, á na a mìi yu.