Zɔbu 3:5 - LAWA A BOO SONBORE

⁵ Toa wɔlɔ tì biribiri si a n kɔ lɛ, toa labara tì waa la, toa wɔlɔ tì gole nyɛ́ɛ da a ganaa.

LAWA A BOO SONBORE 2011

⁵ Toa wɔlɔ tì biribiri si a n kɔ lɛ, toa labara tì waa la, toa wɔlɔ tì gole nyɛ́ɛ da a ganaa.

Zɔbu 3:5 ပူးပေါင်းရင်းမြစ်များ

Zɔbu 16:16

Ma yii nànan nə́ tataã wuu-pɛ a la yii-n gɔn. Ma yɔrɔ yii ziziɛ̃.

Zɔbu 24:17

Ǹ dinin tumaa, bɛ̀ wɔlɔ tii, ǹsɛn lɛ̀ na á waa. Wɔlɔ tì a nyɛ́ɛ diɛ ǹsɛn ganaa wa.

Zɔbu 28:3

Minbuiin nɛ n tɛ lɛ siɛ̃, a tán guguru yǎa a woe doe kɔlɔ durii kɛ-a wɔlɔ tì li yala-n.

Zɔbu 3:4

Toa bɛa lɛawaa kɛ lɛ goã tì, n baran n toa lon n nimi n da kun ka lɛawaan nɛ wa. N nyan toa a lɛ̀ ǹ miã waa doo wa.

Zɔbu 3:6

Bɛa tèlò kɛ lɛ, toa wɔlɔ tì si a baa a wɔ lɛa. A baran n da kun ka lɛ̀ a lɛawaan nɛ doo wa, a baran mɛ kun ka mui a lɛawaan nɛ doo wa.

Zɔbu 34:22

Wɔlɔ tì biribiri banban, sii baraa-zɛnaalin nə́ boe la ǹ nə duru a-n wa.

Zɔbu 38:17

Min bin geren kiɛnlɛ bũ n ni? Min bin wɔlɔ tì kɛa kiɛnlɛ nyaa n nɛ?

Loen 107:10

Min tɛn na á goã wɔlɔ tì li, wɔlɔ tì biribiri li, ǹ nə́ goã gini ka maǹ kòso-n, fɔlɔ biɛn nə́ ǹ gɔn-a,

Loen 107:14

Á ǹ bɔ wɔlɔ tì li, wɔlɔ tì biribiri li, á ǹ fɔlɔ biɛn fore á ǹ bɔ ǹ ganaa.

Loen 23:4

Haalɛ ta man tɔ we wɔlɔ tì li gɛ̀ lɛ giulun, ma a re nyɛ́ɛ biɛ sii baraa kɔn nɛ wa, a giala mà n tá kun ma nɛ. N bɛ́ ma lɛduĩ ka bàlà mɛn nɛ, n nə́ ma nyɛɛnaan boe ka balangɔɔ mɛn nɛ, bɛ lɛ n ke ma foo doɛ.

Loen 44:19

Wɔ gɔ́ɔ̃ nə n bɔyaa, wɔ́ wusoo wɔ kio-n wa, wɔ gòã talaa wɔ́ n zii da wa.

Izayii 9:2

Dɛnaa Lawa, n nə́ ǹ kã ka foo kɔɔ̃nbaa nɛ, ǹ foo kɔɔ̃n kɔ á la yii ni. Maǹ nə n nyɛnyɛɛ n yɔrɔ-a, ka ǹ bɛ́ n nyɛnyɛɛ kaa-piɛ waáraa lɔn. Maǹ foo kɔɔ̃nbaa ǹ lɛ dii, ka ǹ bɛ́ bɔ zia la ǹ mànan gii lɔn.

Zeremii 13:16

A laan bɛ̀ a n tèlò diɛ kɔ ganaa, bɛ̀ ka n gòã na kɔlɔ ganaa kele mìi ni, ka gugurubaa da Dɛnaa Lawa, kaa Lawa tɔ la. Ka nə n yii diɛ penleen la, sɛnɛ Dɛnaa Lawa n bɔyɛɛ a baa wɔlɔ tì biribiri lɛa, a n furuməə gole koe lɛ.

Zeremii 2:6

Ǹ nɔ̀n da kɛnɛn wa: Dɛnaa Lawa á maa, asɛ mɛn nə wɔ waa Ezipti gána nɛ, á wɔ nyɛɛnaa ǹ bɔ diə gole ne, don lɛa, piɛ̃-n ka nyankɔrɔ nɛ, gána gere lɛa, a n tì, min ná a boe a-n wa, min ná a ba a-n dɔn wa.

Zeremii 4:28

Bɛ lɛ nɛ, tán nə gɛ̀ koɛ, lon, labara gɔ̀nɔn nə́ tii. Hiĩ! Ma màn mɛn pɛ, man bɛ lɛ zɛnɛɛ, ma a re n lɛ boe, ma wusoo maa da ǹ boo kio wa.

Ezekieli 30:3

A giala, lɛawaa lɛ diri, Dɛnaa a lɛawaa lɛ diri. A n die labara lɛawaa biɛ, a n die tɔrɔn sii yɔrɔ bɔ pinaa biɛ.

Ezekieli 34:12

Bɛ̀ tɔɔn-lɛduəli a tɔɔn nə́ papaã ǹ mɛn pinaa, a bɛ́ giɛ ǹ li lɔn, ma dɔ n die woe giɛ maa wɔn lɛn li miɛ̃. Ǹ sasawaa ǹ nə́ woo bǎã mɛn tumaa nɛ furumə gole ka wɔlɔ tì pinaa kɛ nɛ, ma á re ǹ wɛɛ, ma ǹ bɔ walan.

Zowɛli 2:2

A pinaa n die wɔlɔ tì biribiri biɛ, min yii a die wɔlɔ yii wa. A n die goɛ̃ wɔlɔ tì lɛa. Á ke tɔrɔ kɔsɔn nə́ kɔn paã ǹ nə́ die. Ka tèlò bɛ́ lɔn, maǹ gigiã, kakaarɛ, ka bisin bɛ́ lɔn. Kɛ miã bin tɔn nə n zɛnaa wa, ǹ miã dɔ din ba re n zɛnɛɛ doo wa.

Amɔɔsi 5:8

A din na á leeren kɛn zɛnaa, bɛ̀rɛ-sãlin laanka sɔ̀ nɛ. A din nə tèlò bɔyɛɛ a baa baayɛlɛ lɛa, a baayɛlɛ bɔyaa a baa tèlò lɛa. A n yìsi mu bíi bɛ̀ a sɔkɔn, a tɔn bɛ kaa tán la. A tɔ mà Dɛnaa Lawa.

Amɔɔsi 8:10

Ma á die kaa zɔ́nɔn kɛn bɔyɛɛ, ma ǹ baa foo-ziziɛ̃ pinaa lɛa. Ma á die kaa loen kɛn tumaa bɔyɛɛ, ma ǹ baa gɛ̀ wuu lɛa. Min tumaa á die gɛ̀ koa ǹ mɔnaa we, min tumaa á die n mìi koɛ̃, ka nɛgiĩ goon toto na á gã. Sii mɛn bɛ́ re koɛ bɛ la kəni, bɛa re koe biɛ.

Matiə 4:16

Tɔrɔ mɛn nə́ ke tɔ we wɔlɔ tì li, bɛ á re wɔlɔ fúlu gole yii. Min mɛnɛn bɛ́ gána tì ni, geren piɛ, wɔlɔ fúlu á re boe bɛn manɛ.

Luku 1:79

Min mɛnɛn bɛ́ wɔlɔ tì li, ǹ nə́ nyɛ́ɛ biɛ gɛ̀ nɛ, a n wɔlɔ fúlu kiɛ bɛn ganaa. A n là nyantoro zii nyɛɛ wɔ nɛ.»

Timəə dí-pɛn 4:11

Ká tɔ́n nə n zɔ̃ ká dɔ, ká golee kele lɛ gòã lasa la. Kele lɛ na á goã tɛ lɛa, kuĩ yǎa lon, wɔlɔ tì gole bii, tɛmaa bara bii, ka labara dadaran nɛ.

Ebrəə 12:18

Min bɛ́ boe la, a n gɔn da Sinayii kele mɛn ganaa, kasɛn bie ka n mɔrɔ bɛ ganaa, ka Izirayeli minin wɔ bɛ́ lɔn wa. Ǹsɛn man nə́ n mɔrɔ bɛa kele lɛ ganaa, bɛ̀ tɛ gole n la, ka wɔlɔ tì gole ne, ka piɛ̃ gole ne,