Zɔbu 27:5 - LAWA A BOO SONBORE

⁵ Bɛ̀ má sonbore kɔ ka la, sii bɔnɛɛ n má zɛnaa. Yǎa a woe kiɛ maa gɛ̀ lɛ, man pii ka nɛ, máa ma sii la wa.

LAWA A BOO SONBORE 2011

⁵ Bɛ̀ má sonbore kɔ ka la, sii bɔnɛɛ n má zɛnaa. Yǎa a woe kiɛ maa gɛ̀ lɛ, man pii ka nɛ, máa ma sii la wa.

Zɔbu 27:5 ပူးပေါင်းရင်းမြစ်များ

Zɔbu 13:15

Bɛ̀ Lawa lɛ á ma dii, a ma dɛ. Maa sii... Sɛnɛ, ma á re n bɔlɔ pii a din lɛ yɔrɔ-a.

Zɔbu 17:9

Ta á n baa lɔn, min pepere gɔn na a zii ganaa. Min mɛn bɛ́ a sii la wa, màn nə́ miɛ bɛ pàã li miɛ̃ a woo.

Zɔbu 2:3

Dɛnaa Lawa tɔ́n pɛ nɛ: «Táa ń masɛ a dí-nyali Zɔbu kɛ yɛ? Ǹ miã din banban kanaa wa. Min pepere ne, a zɛnaa ǹ sii n siĩni, á n nyɛ́ɛ biɛ masɛ Lawa yii ni, n nyɛnɛɛ sii baraa nɛ. A ke, a tɔn sii kɔn la wa, n dɔ á ke ma diɛ a dɛ ganaa kooro.»

Zɔbu 2:9

Zɔbu a lɔ tɔ́n pɛ nɛ: «Ma n tɔn tán mà peperebaa nɛ n tá a gɔ́ɔ̃ nɛ? Boo baraa da Lawa lɛ ganaa n gã gɔrɔ, bɛ á soɛ kɛ nɛ.»

Zɔbu 29:14

Man má goã peperebaa we ma din-a ka dɔnkɛ bɛ́ lɔn. Maa peperebaa kɛ na á goã dɔnkɛ gole lɛa ma ganaa, zín màn lɛa ma mìi-a.

Zɔbu 31:6

Lawa din ma zɔɔ̃ màn zɔɔ̃ ǹ màn sonbore la a ga-a, á re maa peperebaa yii.

Zɔbu 31:7

Bɛ̀ má zii da, bɛ̀ ma foo nə́ n saa ma yii nànan li, bɛ̀ má *gɔ̀ sii zɛnaa,

Zɔbu 32:1

Zɔbu a giaára min sɔɔ kɛ nə́ n lɛ tã, ǹ nə́ Zɔbu toa walan. A giala maǹ taasɛ, mà Zɔbu nə n din biɛ min pepere lɛa.

Zɔbu 32:2

Bɛa biikoo li, tɔntɔraa goon ne, a tɔ n Elihu, bɛ foo yoo. A foo yoo Zɔbu li, a giala, Zɔbu nə n din biɛ min pepere lɛa Lawa yɔrɔ-a.

Zɔbu 32:3

A foo yoo Zɔbu a giaára min sɔɔ lɛ dɔ li, a giala boo kɔn ba ǹ lɛ-n, ǹ nə́ Zɔbu lɛ sii-n wa, ka ǹ daa ǹ pɛ mà Lawa zɛ̀rɛ nɛ.

Zɔbu 33:9

Táa ń mà zɛ̀rɛ ba nsɛ-a wa, ń mà sii baraa ba n-a wa, Táa ń mà nsɛ n *yoreen ne, ń mà sã ba nsɛ li wa.

Zɔbu 42:7

Dɛnaa Lawa bɛ́ á boo da ka Zɔbu ni á nya, á tɔ́n pɛ a giaára Temaan Elifaazi ni: «Ma foo á yoo ne n laanka n giaára min paa kɛ li. A giala, ka sonbore goon pɛ maa wɔ paǹ li wa. Maa dí-nyali Zɔbu dinsɔɔ̃ na á sonbore pɛ.

Zɔbu 6:29

Ka wusoo ka kio ne, ka nyan mɛnaa ma la wa. Ka wusoo ka kio ne, ka dɔ̃ sonbore, mà ma sii la wa.

Suusun 17:15

Min mɛn bɛ́ sonbore koe min baraa la, ka min mɛn bɛ́ min pepere yii tì-a kuĩ koe, ǹ dinin paanan tìĩ n boe ne Dɛnaa Lawa nɛ.

Korɛnti2 1:12

Ma á boe la man din laakalaa ka màn kɔ́n nɛ. Bɛa màn lɛ á ke: Ma gɔ́ɔ̃gɔ́ɔ̃ ǹ taasiɛ ǹ nyɛɛ ma nɛ, mà má tɔ wɔ kanaa kɛ nɛ, sanparɛ kasɛn wɔ paǹ li, ka gɔ́ɔ̃ fubaa nɛ, ka Lawa a *yoreenbaa nɛ. Ma bie má zɛnaa ka minbuiinin sii-doɛ̃-n wa. Man má zɛnaa ka Lawa a bǐɛ̃baa barka nɛ.

Galaasi minin 2:11

Sɛnɛ, Piɛrɛ bɛ́ á daa Antiɔsi kiwi, wɔ́ mɛ kɔn panparaanɛ. A giala, mà a din na á sã ǹ sii zɛnaa.

Timəə dí-pɛn 25:1

Bɛ̀ zia wɔ minin bii, ǹ wo kiri wɔ ǹ bǎã nɛ, ǹ na a yɔrɔ bɔ. Bɛ̀ min mɛn zɛ̀rɛ bie wa, ǹ pɛ mà bɛ zɛ̀rɛ bie wa. Bɛ̀ min mɛn zɛ̀rɛ nɛ, ǹ pɛ mà bɛ zɛ̀rɛ nɛ.