Zɔbu 27:2 - LAWA A BOO SONBORE

² – Lawa lɛ n ma nui ka sonbore ne, Pàãyiidɛnaa lɛ n ma foo ziziɛ̃. Ka bɛa Lawa yiikoonaa kɛ lɛ tɔ nɛ,

LAWA A BOO SONBORE 2011

² – Lawa lɛ n ma nui ka sonbore ne, Pàãyiidɛnaa lɛ n ma foo ziziɛ̃. Ka bɛa Lawa yiikoonaa kɛ lɛ tɔ nɛ,

Zɔbu 27:2 ပူးပေါင်းရင်းမြစ်များ

Samayeli2 2:27

Zoabu tɔ́n pɛ: «Ká Lawa yiikoonaa kɛ tɔ nɛ, bɛ̀ n bie ń boo da wa, bɛ̀ minin kɛn ba ǹ dɔɔ̃nɔn kɛn loo lɛ diɛ wa, yǎa biɛ̃ baayɛlɛ.»

Kiin1 17:1

Tisibii min, Yilii mɛn nə́ ke Galaati gána min goon lɛa, bɛ pɛ Akaabu ni: «Dɛnaa Lawa Yiikoonaa tɔ nɛ, Izirayeli a Lawa lɛ, ma bɛ́ dí nyɛɛ ǹ mɛn lɛn nɛ, lɛ̀n kɛn die giɛ̃, la ba re kiɛ wa, pele dɔ a die koe wa, bɛ̀ ma bie ma boo da wa.»

Kiin1 18:15

Yǎa Yilii tɔn nə n toa: «Dɛnaa Lawa Pàãyiidɛnaa yiikoonaa lɛ tɔ nɛ, ma bɛ́ dí nyɛɛ ǹ mɛn lɛ nɛ, pelo kɛ lɛ din ni, ma á re n din nyɛɛ Akaabu ni.»

Kiin2 4:27

Lɔ lɛ bɛ́ á woo dɔ Lawa a min lɛ li, kele lɛ la, á Lawa a min lɛ gòãn kũ. Geazi nə́ n zɔ̃ á dɔ, mà a n lɔ lɛ nyɛnɛɛ zuĩ, sɛnɛ, Yiliizee pɛ nɛ mà a toa walan, a giala mà a n yɔrɔ kɔsiɛ gɔ́ɔ̃ nɛ. Mà Dɛnaa Lawa na á duru asɛ la, a pɛ asɛ-n wa.

Zɔbu 10:3

Fuu ke ń nyɛɛ ma-n kɛnɛn, bɛ lɛ n kɔɔ̃nɛ n ganaa? N din gɔn màn mɛn zɛnaa, ń bɛ tii, n barka wɔ min baraan zɛnaa ǹ sii ni, bɛ lɛ n kɔɔ̃nɛ n ganaa?

Zɔbu 16:11

Lawa na á ma kɔ min kɔkɔrɔn la, a din na á ma kɔ min baraan la.

Zɔbu 19:6

Haayii. Ka dɔ̃ mà Lawa din na á wɔ ma lon. Ka dɔ̃ mà a din na á na a zɔ̀ɔ kɔ ma nɛ.

Zɔbu 23:16

Lawa maa foo taãbaa nya, Pàãyiidɛnaa ma nyín soo.

Zɔbu 34:5

Zɔbu lɛ na á pɛ mà asɛ sii la wa. Sɛnɛ, mà Lawa nə n piɛ̃, mà a ba sonbore koe asɛ la wa.

Zɔbu 35:2

«Á siĩnii n pɛ Lawa-n sonbore mà nsɛ sii la wa?

Zɔbu 40:8

N din parsii, mà n ba masɛ a kiri-kurii lɛ biɛ a lɛa wa? Man giɛ li n masɛ zɛ̀rɛ baa, n sonbore kɔ n din la?

Zɔbu 9:17

Á ma yɔyɔrɛ, ma yii ba a giala-a wa, a n màn diɛ maa wɔ̀lɔ̀ li, mìi ba la wa.

Zɔbu 9:18

A toɛ ma á piɛ̃ sii wa. Sɛnɛ, a n toɛ sii kɔɔsɛ á liɛ ma yii ni.

Izayii 40:27

Izirayeli, wàa na á baa n tá boo diɛ, Zakɔba wàa na á baa n tá gungunun sii, n nə́ pii: «Maa biɛ̃ ǹ ke, Dɛnaa Lawa yii ba bɛ ganaa wa. Ma kɔnbɔ ka sii mɛn nɛ, maa Lawa yii ba bɛ ganaa wa.»

Zeremii 12:16

Maa zaman lɛ miãkɛnɛn nə́ maa zaman lɛ daraa lɛ kɔ wɔ ganaa ka *Baali tɔ nɛ. Sɛnɛ, maa zaman kɔnbɔ ka giã ǹ gɔn mɛn nɛ, bɛ̀ ǹ nə́ n daraa bɛ ganaa, bɛ̀ ǹ nə́ n liɛ ka masɛ Dɛnaa Lawa Yiikoonaa tɔ nɛ, ka bɛ-n kəni, ǹ tá re giã ǹ bǎã yii maa zaman lɛ bii.

Zeremii 4:2

Bɛ̀ n tá pepere, bɔlɔgoondɛnaa lɛa, n gɔ́ɔ̃ n fu, bɛ̀ n lɛ kɔ wɔ, ń pɛ: «Ma nə n liɛ ka Dɛnaa Lawa Yiikoonaa tɔ nɛ», bɛa waáraa kəni, tɔrɔ kɔsɔn kɛn tá re ma nyankoe mà ma barka da ǹsɛn ganaa. Ǹ tá re gugurubaa yii masɛ taman yii.

Zeremii 5:2

Bɛ̀ ǹ tá liɛ we, maǹ pii: «Ma nə n liɛ ka Dɛnaa Lawa Yiikoonaa tɔ nɛ.» Sɛnɛ, ǹ liɛ tumaa n soɛ lɛa.

Ezekieli 33:11

A pɛ ǹ nɛ mà masɛ Dɛnaa Lawa n kɛ pii: «A ma toa maa yii n koo, min baraa a gɛ̀ bie kɔɔ̃nɛ ma ganaa wa. Sɛnɛ, man li, min baraa wusoo a zɛnaa ǹ sii kio a yii boo la a goã koo. Bɛ lɛ nɛ, ma á ka nyankoe, ka wusoo kaa sii baraan lɛn kio. Izirayeli tɔrɔn lɛn, wàa na á baa ka n die toɛ gɛ̀ ka dɛ kooro?»

Minin nimi 14:21

Sɛnɛ, bɛ̀ ma n liɛ wa, ma yii bie koo, maa gugurubaa kanaa gɔ́ɔ̃ tumaa pã wa.

Uruti 3:13

Waa kànaa, baayɛlɛ, bɛ̀ n tá li a n mìi koa n sii li, á siĩni, á boe la a n zɛnaa. Sɛnɛ, bɛ̀ n ba li a n mìi koa n sii li wa, masɛ tá n lɛ koe ka Dɛnaa Lawa Yiikoonaa kɛ tɔ nɛ, man mìi koa n sii li. Waa tán yǎa lɛ̀ wɛɛ.»

Samayeli1 14:39

Dɛnaa Lawa Yiikoonaa lɛ, Izirayeli kirisibaali lɛa, bɛ tɔ taman yii, ta ma din a nɛgiĩ Zonaatan a sã nɛ, gɛ̀ dɔlɔ nə n boe a ganaa, sàabaa ba bɛ la wa. Min kɔn nə yɛ zaman damata lɛ bii, á ná a lɛ si wa.»

Samayeli1 14:45

Zaman lɛ pɛ Sayulu ni: «Zonaatan lɛ n die giɛ̃ koɛ, asɛ mɛn nə́ ke, á gɔ̀lɔ̀baa gole kɛ yɛ, Izirayeli a lɛa? Bɛ boo bie wa! Dɛnaa Lawa Yiikoonanaa tɔ taman yii, a mìi ka goon ba re papaɛ̃ wa. A giala, a màn mɛn din nya pelo dinin, Lawa a dɔmalɛ nɛ.» Zaman lɛ Zonaatan si bɛa gɔn kɛ lɛ la á da. A gã wa.

Samayeli1 20:21

Bɛ kio, ma á die pii nɛginin ni, máa a wo ga kiɛn lɛn li. Bɛ̀ ma pɛ nɛginin lɛ-n kɛnɛn: «Kiɛn lɛn nə́ ke walan li n giulun, ǹ goa», bɛ giala mà n tá boe la n daa, sii tumaa bǐɛ̃ kɔ, sii kɔn ba re boe a n wa, Dɛnaa Lawa tan.

Samayeli1 25:26

Dɛnaa Lawa din nə n kurəə, n baran dòo bɔ n zɔ́ɔn ganaa, n nə ǹ dɛ wa. Sisia, Dɛnaa Lawa Yiikoonaa tɔ lɛ taman yii, masɛ n pii n ni, máa n zɔ́ɔn laanka min mɛnɛn yii tumaa bɛ́ giɛ mà ǹ sii baraa zɛnaa n nɛ, dɔlɔ tá re n boe ǹ ganaa ka Naabaali wɔ bɛ́ lɔn.

Samayeli1 25:34

Sɛnɛ, Izirayeli a Lawa, Dɛnaa Lawa lɛ yii á koo! A din lɛ na á masɛ kurəə, ma sii baraa zɛnaa Abigayili-n wa. Bɛ̀ n bie ń daa n da ma lɛ fufuu kɛnɛn wa, bɛ̀ kànaa laanka lɛ̀ a waa nɛ, bɛ̀ giĩ goon ba re goɛ̃ a yii n koo Naabaali a kion wa!»